Lucas 21:15 - CHUYA QELLQA La Biblia en Quechua de Ayacucho 2012

¹⁵ Ñoqam qos-qaykichik yachaywan rimaytaqa, chay-napim mayqan enemigoykichikpas mana kutipakuyta atisunkichikchu.

Quechua Ayacucho Bible 1987

¹⁵ Enemigoykichikkunata upallachinaykichikpaqmi hinaspa mana imanasunaykichikpaqmi yachaywan rimanaykichikpaq palabrakunata qosqaykichik.

Chuya Qellqa 1992

¹⁵ Ñoqam qosqaykichik yachaywan rimaytaqa, chaynapim mayqan enemigoykichikpas mana kutipakuyta atisunkichikchu.

Lucas 21:15 Iomraidhean Croise

Proverbios 2:6

Tayta Diosllam yachay qokuqqa, paypa siminmantam yachayqa hamun.

Jeremías 1:9

Hinaspanmi Tayta Diosqa makinta haywariykamuspan, simiyta llapchaykuspan niwarqa: Kunanmi palabraykunata simikiman churani.

Ezequiel 29:21

Chay tiempopim Israelpa mirayninkunata kallpasapallataña ruwarusaq, hinaptinmi qamñataq Ezequiel mana upallakuykuspa paykunapa chawpinpi rimanki, chaynapim Tayta Dios kasqayta yachanqaku.

Lucas 12:12

Imam rima-naykichiktaqa Chuya Espiritum yacha-chisunkichik.

Lucas 21:16

Qamkunaqa tayta-mamaykichikpa, wawqekichikkunapa, aylluykichikkunapa hinaspa amistadnikichikkunapa traicionasqanmi kankichik. Wakiqnikichiktam wañuchisunkichik.

Lucas 24:45

Chaynata niruspanmi yuyayninkuta kichaykurqa Qellqapa nisqanta entiendenankupaq.

Hechos 2:4

Llapallankuman Chuya Espíritu huntaykuptinmi mana yachasqanku rimaykunapi rimayta qallaykurqaku Chuya Espiritupa rimachisqanman hina.

Hechos 24:25

Ichaqa runapa allin ruwananmanta, controlakuy yachaq kanamanta hinaspa llapallan runakunaqa Diospa juzgasqan kananmanta Pablo rimaruptinmi, gobernador Félix mancharikuspan nirqa: Pasakuyña, tiempoy kaptinñam qayachimusqayki, nispan.

Hechos 26:28

Agripañataqmi nirqa: Asllamantam yaqalla Cristoman iñirachiwanki, nispa.

Hechos 6:10

Ichaqa manam Estebanta upallachiyta atirqakuchu allin yachaywan hinaspa Chuya Espiritupa yanapakuyninwan rimasqanrayku.

Efesios 6:19

ñoqapaqpas mañakuychiktaqyá palabranta Tayta Dios qomuwanapaq, chaynapi simiyta kicharispay mana manchakuywan pakasqa allin noticiata willakunaypaq.

Santiago 1:5

Mayqannikichikpapas yachaynikichik pisilla kaptinqa, Diostayá mañakuychik, payqa lliw mañakuqninkunamanqa mana piñakuspam chaninninpi qoykunqa.