Lucas 20:36 - CHUYA QELLQA La Biblia en Quechua de Ayacucho 2012

³⁶ Pay-kunaqa manam wañunqakuñachu, angelkuna hinañam kanqaku, kawsarimusqankuraykum Diospa churinkunaña kanqaku.

Quechua Ayacucho Bible 1987

³⁶ Kawsarimuspankuqa manam wañunqakuñachu, paykunaqa angelkuna hinaña kaspam Diospa churin kanqaku.

Chuya Qellqa 1992

³⁶ Paykunaqa manam wañunqakuñachu, angelkuna hinañam kanqaku, kawsarimusqankuraykum Diospa churinkunaña kanqaku.

Lucas 20:36 Iomraidhean Croise

Isaías 25:8

Tayta Diosmi wañuyta wiñaypaq chinkachinqa, lliw runapa weqentam pichanqa, llaqtanpa penqaypi kasqantam kay pachamanta chinkachinqa. Tayta Diosmi chaynata nin.

Oseas 13:14

¿Sepulturapa atiyninmantachu librasqaykichik? ¿Wañuypa makinmantachu qechusqaykichik? Yaw wañuy, ¿maytaq wañuchiq peste onqoynikikuna? Yaw sepultura, ¿maytaq chinkachinaykipaq atiyniki? Kay llaqtata chinkachiy, manam llakipayaymanñachu.

Zacarías 3:7

Tukuy imapa hawanpi munaychakuq Tayta Diosmi kaynata nin: Sichum ñoqapa munasqayman hina kawsaspa kamachikuyniykunata ruwayman churaspaykiqa temploypim kamachikunki, temploypa pationkunatam nanachikunki, hinaptinmi serviwaqniy angelkunatawan kuskata churasqayki.

Mateo 22:30

Wañuqkunamanta kaw-sarimuspankuqa manañam casarakunqakuchu, nitaqmi paykunapaqqa casarakuypas kanqañachu, aswanqa hanaq pachapi angelkuna hinañam kanqaku.

Marcos 12:25

Wañuqkuna kawsarimuspankuqa manañam casarakunqakuchu nitaqmi casarachinakunqakuchu, paykunaqa hanaq pachapi angelkuna hinañam kanqaku.

Romanos 8:16

Kikin Espiritum willan espiritunchik-man Diospa churinña kasqanchikta.

1~Corintios 15:26

Qepallaña chinkachinapaq kaq enemigoqa wañuymi.

1~Corintios 15:42

Chaynataqmi, wañuqkunapas kawsa-rimuspankuqa huk rikchayniyuq kanqaku. Wañuqta pampaptinchikqa ismurunmi, kawsarimuspanmi ichaqa manaña wañunqachu.

1~Corintios 15:49

Imaynam allpamanta ruwasqa runaman rikchakunchik, chaynataqmi hanaq pachapi kaqmanpas rikchakusunchik.

Filipenses 3:21

Paymi kay ñakariq cuerponchikta musoqyachinqa suma-sumaq kanchariq cuerponman rikchakuqtaña, chaytaqa ruwanqa tukuy imapa hawanpi munaychakuq atiyninwanmi.

Apocalipsis 20:6

Mayna kusisqam hinaspa chuyataqmi kanku punta kawsarimuypi kawsarimuqkunaqa. Iskay kaq wañuyqa manañam paykunataqa imananqañachu, aswanqa kanqaku Diospa hinaspa Cristopa sacerdotenkunañam, paykunaqa Cristowanmi waranqa wata munaychakunqaku.

Apocalipsis 21:4

Diosmi paykunapa weqenta pichanqa, manañam wañuypas, llakikuypas, waqaypas, allwakuypas nitaq nanaypas kanqañachu. Ñawpaq kaqkunaqa pasarunñam, nispa.

Apocalipsis 22:9

payñataq niwarqa: ¡Ama chaytaqa ruwaychu! Ñoqaqa qampapas, wawqe-panikikunapapas, Diosmanta willakuqkunapapas chaynataq kay libropi qellqasqa kaqkuna kasukuqkunapapas serviqmasillanmi kani. ¡Hatunchaspaqa-hatunchay Diosllatayá! nispa.