Lucas 20:17 - CHUYA QELLQA La Biblia en Quechua de Ayacucho 2012

¹⁷ Jesusmi ichaqa paykunata qawarispan nirqa: Chaynaqa, ¿ima ninantataq Qellqa nichkan: “Perqaqkunapa wischupakusqanku rumim cimientopa esquinan hapiq rumiña rikurirun”, nispaqa?

Quechua Ayacucho Bible 1987

¹⁷ Paykunata qawarispanmi Jesus tapurqa: —¿Ima ninantaq: “Wasi perqaqkunapa wischupakusqanku rumiqa, cimientopi esquinan hapiq rumiñam rikurirurqa” nispa Bibliapa nisqanqa?

Chuya Qellqa 1992

¹⁷ Jesusmi ichaqa paykunata qawarispan nirqa: Chaynaqa, ¿Ima ninantataq Qellqa nichkan: “Perqaqkunapa wischupakusqanku rumim cimientopa esquinan hapiq rumiña rikurirun”, nispaqa?

Lucas 20:17 Iomraidhean Croise

Isaías 28:16

Chayraykum Tayta Dios kaynata nin: Ñoqam Sión moqopi cimientopaq churani, kuyayllapaq suni takyaq akllasqa esquina rumita. Pipas chay rumipi hapipakuqqa manam hukmanyanqachu.

Zacarías 10:4

Judamantam lloqsinqa wasipa cimientonpi esquina rumipas, carpata takyachiq estacapas, guerrapi peleana flechapa arconpas. Paymantataqmi lloqsinqa llapa kamachikuqkunapas.

Zacarías 3:9

Tukuy Atiyniyuq Tayta Diosmi nin: Ñoqam Josueypa ñawpaqninpi qanchis waqtayuq rumita churaruni, chay rumipim ñoqa qellqasaq. Hinaspam huk punchawllapi kay llaqtapa huchanta chinkarachisaq, nispa.

Mateo 21:42

Jesusñataqmi nirqa: ¿Manachu Qellqapi leerqankichik: “Wasi perqaqkunapa wischupakusqanku rumim cimientopa esquinan hapiq rumiña rikurirun. Kaytaqa Diosmi ruwarun, chayraykum anchata admirakunchik nisqanta?” nispa.

Marcos 10:23

Jesusñataqmi muyuriqninpi runakunata qawarispan discipulonkunata nirqa: Mayna sasatam apu runakunaqa Diospa munaychakuyninmanqa yaykunqaku, nispa.

Marcos 12:10

¿Manachu Qellqapi leerqankichik: “Perqaqkunapa wischupakusqanku rumim cimientopa esquinan hapiq rumiña rikurirun.

Marcos 3:5

Chaymi Jesusqa muyuriqninpi kaqkunata piñasqallaña qawarispan rumi sonqo kasqankumanta llakikurqa; chay runatañataqmi nirqa: Makikita haywariy, nispa. Haywariykuptillanmi makin sanoyarurqa.

Lucas 19:41

Jerusalenman hichpaykuspanmi, llaqtata qawarispan Jesús waqarqa:

Lucas 22:37

Nikichikmi, Qellqapa nisqanmi ñoqapi cumplikunan, chaypim nin: “Mana allin runakunawan yupasqam karqa”, nispa. Ñoqamanta qellqasqa kaqkunaqa cumplikunanpunim, nispa.

Lucas 22:61

Chaymi Jesusñataq muyuriykuspan Pedrota qawariykurqa, Pedroñataqmi Señorpa kayna nisqanta yuyarirurqa, paymi nirqa: “Kunanpunim manaraqpas utulu waqachkaptin reqsiwasqaykita kimsa kutikama negawanki” nispa.

Lucas 24:44

Chaymantam paykunata nirqa: Kaykuna pasakunanmantaqa qam-kunawan kachkaspayraqmi willar-qaykichikña: Moisespa qellqasqan kamachikuykunapi, profetakunapa qellqasqanpi hinaspa Salmokunapi ñoqamanta qellqasqa kaqkunaqa cumplikunanpunim, nispay.

Juan 15:25

Kaykunaqa pasakuchkan leypa “yanqamantam cheqniwarqaku” nisqan cumplikunanpaqmi.

Hechos 4:11

Qamkunaqa wasi perqaqkuna hinam huk rumita wischupakurqankichik, chay rumiqa Jesusmi. Paymi kunanqa wasipa cimientonpi esquinan hapiq rumiña rikurirun.

Efesios 2:20

Qamkunaqa apostolkunapa hinaspa profetakunapa hawanpi perqasqa wasi hinam kankichik, chay cimientopa esquinanpi hapiq rumiñataqmi kikin Jesucristo.

1~Pedro 2:6

Chayraykum Qellqapas kaynata nin: “Ñoqam Sión moqopi cimientopaq churani kuyayllapaq suni takyaq akllasqa esquina rumita, pipas chay rumipi hapipakuqqa manam penqaypichu kanqa”, nispa.