Lucas 2:9 - CHUYA QELLQA La Biblia en Quechua de Ayacucho 2012

⁹ Paykunamanmi qonqaymanta Señorpa angelnin riku-riykurqa, hinaptinmi muyuriqninkuta Diospa achkiynin kanchariykurqa, chaymi anchallataña mancharikurqaku.

Quechua Ayacucho Bible 1987

⁹ Paykunamanmi qonqaymanta Señorpa angelnin rikuriykurqa muyuriqninkuta kancharistin. Michiqkuna anchallataña mancharikuruptinmi

Chuya Qellqa 1992

⁹ Paykunamanmi qonqaymanta Señorpa angelnin rikuriykurqa, hinaptinmi muyuriqninkuta Diospa achkiynin kanchariykurqa, chaymi anchallataña mancharikurqaku.

Lucas 2:9 Iomraidhean Croise

1~Reyes 8:11

Temploman chay puyum huntarusqanraykum llapa sacerdotekunapas imam ruwanankuta saqerurqaku, Tayta Diospa atiynin chay wasiman huntaykusqanrayku.

Éxodo 16:10

Israelpa mirayninkunata Aarón rima-payachkaptinmi chunniq lawta qawarirqaku, hinaptinmi Tayta Diospa kanchaynin puyupi kachkasqa.

Éxodo 16:7

Paqarin tutapaytañataqmi Tayta Diospa atiyninta qawankichik, paymi contranpi rimasqaykichikta uyarirun. Ñoqaykuqa, ¿pitaq kaniku contraykupi rimanaykichikpaqqa? nispanku.

Isaías 35:2

Sumaqta waytaspam kusikunqa, kusikuymantam qaparinqa; kuyayllapaq kayninmantam hatunchasqa kanqa, Líbano montepas, Carmelo orqopas, Sarón pampapa hatunchasqa kasqanta hina; chaypim paykuna, Tayta Diospa atiyniyuq kayninta rikunqaku.

Isaías 40:5

Hinaptinmi atiyninta Tayta Dios qawachikunqa, llapallan runakunam chayta rikunqaku”. Tayta Diosmi chaynata nin.

Isaías 60:1

¡Jerusalén llaqta, hatarispa kanchariy! Achkiqnikim chayaramun, Tayta Diospa achkiyninmi kanchariykusunki.

Ezequiel 3:23

Chaynapim hatarispay pampaman rirqani. Chaypim Tayta Diospa kanchariynin kachkasqa, chay kanchariyqa kasqa Quebar mayupa patanpi rikusqay hinam. Chaymi qonqoranpa pampaman kumuykurqani

Mateo 1:20

Chaynata tanteachkaptinmi Diospa angelnin mosqoyninpi rikuriykuspan kaynata nirqa: Davidpa miraynin José, Mariawan casarakuytaqa ama manchakuychu, payqa Chuya Espiritupa atiyninwanmi wiksayakurun.

Lucas 1:28

Chay angelmi Mariapa wasinman yaykuykuspan nirqa: Diospa bendecisqan María, rimaykullaykim, Señormi qanwan kachkan, nispan.

Lucas 2:8

Belén llaqtapa hichpanpim michiqkuna kachkarqaku, ovejankuta purunpi tukuy tuta cuidaspanku.

Lucas 24:4

Chaywan mancharisqallaña kachkaptinkum, qonqayllamanta kancharichkaq pachayuq iskay runakuna waqtankupi rikuriykurqa.

Juan 12:41

Chaynataqa Isaiasqa nirqa, Jesuspa kanchariyninta rikuspanmi, chaymi paymanta rimarqa.

Hechos 12:7

Hinaptinmi qonqayllamanta Señorpa angelnin chaypi rikuriykuspan chay carcelta kanchayninwan huntaykurqa. Chay angelmi Pedrota waqtanpi llapchaykuspan rikcharichirqa, hinaspanmi nirqa: Utqayman hatariy, nispa. Hinaptinmi Pedropa makinmanta cadenakuna wichirurqa.

Hechos 27:23

Chisi tutam rikuriykuwarqa servisqay Diospa angelnin.

Hechos 5:19

Ichaqa chay tutam Señorpa angelnin hamuspan punkuta kicharurqa. Paykunata hurqoruspanmi nirqa:

2~Corintios 3:18

Ñoqanchikpas uyanchik manaña velowan tapasqa kaptinmi Señorpa sumaqllaña kayninwan huk espejo hina achkirinchik. Ñoqanchikqa Cristomanñam aswan-aswan rikchakuchkanchik, paypa achkiriyninpas sapa kutim ñoqanchikpi kachkan. Chaytaqa Señormi ruwachkan. Payqa Espiritum.

2~Corintios 4:6

Tutayaypi kancharinanpaq kamachiq Diosllam sonqonchiktapas achkiyninwan kancharichirqa, chaynapi Jesucristopa uyanpi kanchariq Diospa achkiyninta reqsichinanchikpaq.

1~Timoteo 3:16

Mayna hatunmi Diosman iñinanchikpaq pakasqa kaqkuna qawachiwasqanchikqa: “Diosmi runayarurqa, Espíritu yanapaptinmi acusaqninkunata vencerqa, payqa angelkunapa qawasqanmi karqa, llapallan nacionkunapim willakusqa karqa, kay pachapi kaqkunapa iñisqanmi karqa, hanaq pachapipas chaskisqam karqa”.

Hebreos 12:21

Mancharikuypaqmi kay qawasqankuqa karqa, chaymi Moisespas kaynata nirqa: “Mancharikuymantam katkatatachkani”, nispa.

Apocalipsis 18:1

Chaykunapa qepantam rikurqani hanaq pachamanta huk ángel hatun atiyninwan uraykamuchkaqta, achkiyninmi kay pachata kancharirqa.

Apocalipsis 20:11

Chaynataqmi rikurqani hatu-hatun yuraq tronotapas, rikurqanitaqmi chaypi tiyaqtapas. Paypa ñawpaqninmantam hanaq pachawan kay pacha chinkarurqa, hinaptinmi paykunapa kananpaq mana maypas karqachu.