Lucas 2:4 - CHUYA QELLQA La Biblia en Quechua de Ayacucho 2012

⁴ Chaymi Davidpa mirayninmanta kaq Joseypas rirqa Galilea lawpi Nazaret llaqtamanta Judea lawpi Belén llaqtaman. Chay llaqtatam “Davidpa Llaqtan” nispa suticharqaku.

Quechua Ayacucho Bible 1987

⁴ Chaymi Davidpa castanmanta kasqanrayku Josey rirqa Galilea lawpi Nazaret llaqtamanta Judea lawpi Belen llaqtakama. Davidqa Belen llaqtayoqmi karqa.

Chuya Qellqa 1992

⁴ Chaymi Davidpa mirayninmanta kaq Joseypas rirqa Galilea lawpi Nazaret llaqtamanta Judea lawpi Belén llaqtaman. Chay llaqtatam “Davidpa Llaqtan” nispa suticharqaku.

Lucas 2:4 Iomraidhean Croise

Génesis 35:19

Raquel wañukuptinmi Efrata llaqtaman riq ñanpi pamparurqaku. Efratapa huknin sutinqa Belenmi.

Génesis 48:7

Pada-narammanta kutimuchkaptiymi mamayki Raquel wañukurqa, Canaán law Efrata llaqtaman riq ñanpa hichpanpi, chaypim pampamurqani. Chay Efrata llaqtapa huknin sutinqa Belenmi, nispa.

Miqueas 5:2

Belén Efrata, Judá ayllukunamanta taksallan llaqta, qanmantam Israelpi munaychakuq hatarinqa, payqa paqarimurqa ñawpaqmantaraqmi, tukuy imapa qallariyninmantapacham.

Mateo 1:20

Chaynata tanteachkaptinmi Diospa angelnin mosqoyninpi rikuriykuspan kaynata nirqa: Davidpa miraynin José, Mariawan casarakuytaqa ama manchakuychu, payqa Chuya Espiritupa atiyninwanmi wiksayakurun.

Mateo 2:23

Chayman chayaruspanmi Nazaret llaqtapi yacharqa. Chaynapi profetakunapa “Nazaret llaqtayuqwanmi sutichanqaku” nisqanku cumplikunanpaq.

Lucas 2:3

Chaynapim nacesqanku llaqtaman padronachikuq sapakama rirqaku.

Lucas 2:5

Joseymi padronachikunanpaq rirqa warmin Mariawan kuska. Mariaqa wiksayuqmi kachkarqa.

Lucas 4:16

Yachasqan Nazaret llaqtaman Jesús kutiruspanmi samana punchawpi costumbrenman hina sinagogaman yaykuykurqa. Qellqata leenanpaq sayariykuptinmi,

Juan 1:46

Chaymi Natanael nirqa: ¿Yaqachu Nazaret llaqtamanta ima allinpas lloqsiramunman? nispa. Hinaptinmi Felipeñataq nirqa: Hakuchik qawamunaykipaq, nispa.

Juan 7:42

¿Manachum Qellqaqa nichkan: “Davidpa mirayninmantam Cristoqa hamunqa, hinaspam Belén llaqtapi nacenqa”, nispan?

Rutwan Sutichasqa Libro 1:19

Chaynapim iskayninku ripukurqaku Belén llaqtaman, chayaruptinkum llaqtantin lliw runakuna paykunamanta admirakurqaku. Hinaptinmi warmikuna ninakurqaku: ¿Noemiychus wak warmiqa? nispanku.

Rutwan Sutichasqa Libro 2:4

Chayllamanmi Boozqa Belén llaqtamanta chayaramuspan rutuqkunata rimaykurqa: Diosyá qamkunawan kachun, nispa. Chaymi rutuqkunapas nirqaku: Qamtapas Diosyá bendecisunki, nispanku.

Rutwan Sutichasqa Libro 4:11

Hinaptinmi llaqtapa punkunpi kaq llapallan runakuna hinaspa ancianokunapas nirqaku: Arí, testigom kaniku. Diosyá wasikiman yaykumuq warmita Raqueltawan Leata hina ruwachun, chay iskaynin warmikunamantam ñoqanchik Israel castakuna mirarqanchik. Qamtapas Diosyá yanapasunki Efrata llaqtapi munaychakunaykipaq chaynataq Belén llaqtapipas ancha reqsisqa kanaykipaq.

Rutwan Sutichasqa Libro 4:17

Chayta qawaspankum vecinan-kuna nirqaku: “Noemiypaqmi nacerapun qari wawan”, nispanku. Chaynata nispankum Obedwan chay wawata suticharqaku. Paymi karqa Isaipa taytan hinaspa Davidpa abuelon.

1~Samuel 16:1

Tayta Diosmi Samuelta nirqa: ¿Haykapikamataq Saulmanta waqanki? Ñoqaqa Israelpi rey kayninmantam qarqoruniña. Aceite apaykachanayki waqraman aceiteta hillpuspayá Belén llaqtayuq Isaipa wasinman riy, paypa huknin churintam rey kananpaq akllaruni, nispa.

1~Samuel 16:4

Chaynapim Samuelqa Tayta Diospa kamachisqanman hina ruwarqa. Belén llaqtaman Samuel chayaruptinmi, payta chaskinankupaq ancianokuna mancharisqallaña lloqsimurqaku, hinaspam tapurqaku: Taytáy, ¿allinpaqchu hamuchkanki? nispa.

1~Samuel 17:12

Judá law Belenpim yacharqa Efrata llaqtayuq Isaí, payqa wakin runakunamantapas, Saulpa tiemponpiqa llumpay yuyaqñam karqa. Paypa pusaq churinkunamantam huknin churinpa sutin karqa David.

1~Samuel 17:58

Chaymi Saúl tapurqa: ¿Pipa churintaq kanki? nispa. Davidñataqmi nirqa: Ñoqaqa Belén llaqtayuq serviqniki Isaipa churinmi kani, nispa.

1~Samuel 20:6

Sichum taytayki ñoqamanta watukuptinqa kaynatam ninki: Davidqa Belén llaqtanman rinanpaqmi valekuwarqa, chaypi watan-watan ruwasqankuta hina ayllunkunawan sacrificiota Diosman ofrecenanpaq, nispa.