Lucas 2:37 - CHUYA QELLQA La Biblia en Quechua de Ayacucho 2012

³⁷ Viudayaruspam pusaq chunka tawayuq watanpiña karqa. Payqa manam templomanta lloqsiqchu, aswanqa tuta punchawmi ayunowan hinaspa oracionwan Señorta servirqa.

Quechua Ayacucho Bible 1987

³⁷ Pusaq chunka tawayoq wataña viuda kaspanmi templomanta mana lloqsiqchu, tuta punchaw Señorta servispanmi ayunaq hinaspa mañakuq.

Chuya Qellqa 1992

³⁷ Viudayaruspam pusaq chunka tawayuq watanpiña karqa. Payqa manam templomanta lloqsiqchu, aswanqa tuta punchawmi ayunowan hinaspa oracionwan Señorta servirqa.

Lucas 2:37 Iomraidhean Croise

Éxodo 38:8

Diosman asuykuna carpapa punkunpi servikuq warmikunapa bronce espejonkunamantam huk lavatoriota Bezaleel ruwarqa, chay lavatoriopa tiyananpas hina broncellamantam karqa.

Lucas 5:33

Wakin runakunañataqmi Jesusta tapurqaku: ¿Imanasqataq Bautizaq Juanpa chaynataq fariseokunapa discipulonkunaqa chaylla-chaylla ayunanku hinaspa Diostapas llumpayta mañakunku, discipuloykikunañataq mikuyllapi hinaspa upyayllapi kakuchkanku? nispanku.

Hechos 13:3

Ayunaruspankum Diosta mañakurqaku, hinaspam makinkuta paykunapa hawanman churaykuspanku aviarurqaku.

Hechos 14:23

Sapa iglesiapim ancianokunata churarqaku, hinaspankum ayunowan chaynataq Diosta mañakuspanku iñisqanku Señorpa makinman churarqaku.

Hechos 26:7

Chay promesapa cumplikunantam Israelpa mirayninmanta kaq chunka iskayniyuq ayllukunapas, tukuy sonqonkuwan Diosta tuta punchaw yupaychaspanku suyachkanku. Reynilláy Agripa, chay promesa suyasqayraykum judiokuna acusawachkanku.

1~Timoteo 5:5

Sapallan qeparuq cheqap mana piniyuq viudaqa Diosmanmi hapipakun, payqa tuta punchawmi mana qonqaspa Diosta mañakun.

Apocalipsis 3:12

Pipas venceqtaqa Diosniypa templonpa pilarninta hinam ruwasaq, chaynata ruwaptiyqa manañam chaymanta lloqsinqachu. Paypim qellqasaq Diosniypa sutinta, qellqasaqtaqmi musoq Jerusalén llaqtapa sutintapas, chay llaqtaqa Diosniypa kasqan hanaq pachamantam uraykamunqa. Qellqasaqtaqmi musoq sutiytapas.

Apocalipsis 7:15

Chayraykum paykunaqa Diospa trononpa ñawpaqninpi kachkanku, hinaspam templonpi tuta punchaw payta servichkanku. Tronopi tiyaq Diosñataqmi paykunata waqaychay-kunqa.

1~Samuel 2:2

Dios Taytalláy, ¡Qam hina chuyaqa manam pipas kanchu! ¡Qanmanta hukqa manam pipas kanchu! ¡Qam hina harkaykuwaqniyqa manam pipas kanchu.