Lucas 2:14 - CHUYA QELLQA La Biblia en Quechua de Ayacucho 2012

¹⁴ ¡Diosyá hanaq pachapi yupaychasqa kachun! ¡Kay pachapipas Diospa kuyasqan runakunapaqyá hawkayay kachun! nispanku.

Quechua Ayacucho Bible 1987

¹⁴ ¡Diosyá hanaq pachapi alabasqa kachun! Kay pachapipas Diospa favorecesqan runakunapaqyá hawkayay kachun.

Chuya Qellqa 1992

¹⁴ ¡Diosyá hanaq pachapi yupaychasqa kachun! ¡Kay pachapipas Diospa kuyasqan runakunapaqyá hawkayay kachun! nispanku.

Lucas 2:14 Iomraidhean Croise

Isaías 44:23

Tayta Diospa tukuy kaykuna ruwasqanmanta, hanaq pacha kusikuymanta takiy; uku pacha qapariy; orqokuna kusikuymanta qapariychik, chaypi kaq sachakunapas kusikuymanta takiychik. Jacobpa miraynin Israel llaqtata Tayta Dios reclamasqanmanta chaynata ruwaychik. Israel llaqtanpim payqa hatunchakun.

Isaías 49:13

¡Cielokuna, kusikuymanta qapariychik! ¡Allpa pacha, anchata kusikuy! ¡Orqokuna, kusikuymanta takiychik! Tayta Diosmi llaqtanta consuelaykun, ñakariypi kachkaptinkum kuyapayariykun.

Isaías 57:19

Ñoqa Tayta Diosmi llapallankuta rimachisaq: “Karupi kaqkunapas, hichpapi kaqkunapas hawkallayá kachunku”, nispa. Llaqtaytaqa ñoqam hampisaq.

Miqueas 5:5

Paymi hawkayayta apamuwasun Asiria nacionña llaqtanchikman hamuspan palacionchikkunaman yaykuptinpas, paykunapa contranpim qanchis michiqkunatawan ancha reqsisqa pusaq kamachikuqkunata kachaykusun.

Mateo 21:9

Ñawpaqninta qepanta riq runakunañataqmi qaparir-qaku: ¡Davidpa churinqa yupaychayqayá kachun! ¡Señorpa sutinpi hamuqqa yupaychasqayá kachun! ¡Hanaq pacha-pipas Diosqa yupaychasqayá kachun! nispanku.

Lucas 1:79

chaynapi nisyu tutayaypi kaqkunata kancharinanpaq, hinaspa ñoqanchiktapas hawkayay ñanninta pusawananchikpaq, nispan.

Lucas 19:38

kaynata nirqaku: ¡Señorpa sutinpi hamuq Reyqa qapaqchasqayá kachun! ¡Hanaq pachapi hawkayay kachun! ¡Alto-altopiyá hatunchay kachun! nispanku.

Lucas 2:13

Hinaptinmi qonqaymanta chay angelwan kuska hanaq pachamanta achkallaña angelkuna rikuriykamurqaku, paykunam Diosta yupaychaspanku kaynata takirqaku:

Lucas 2:15

Llapa angelkuna hanaq pachaman kutikuptinkum michiqkunañataq ninakurqaku: Rispanchikyá Señorpa willachi-wasqanchikman hina Belén llaqtapi imam pasakusqanta qawamusunchik, nispanku.

Lucas 3:22

hinaptinmi Chuya Espirituqa Jesuspa hawanman uraykamurqa paloma hina, chaymi hanaq pachamanta huk rimariy uyarikamurqa: “Qanmi kanki kuyasqay Churiy, qamraykum kusisqa kachkani”, nispa.

Juan 14:27

Hawkayaytam saqekichik, hawkayayniytam qoykichik, kay hawkayay qosqayqa manam runakunapa qosqan hinachu. Amayá hukmanyaychikchu nitaq manchakuychikpaschu.

Juan 17:4

Ñoqam kay pachapi hatuncharqayki, kamachiwasqayki ruwaytapas ñam tukuruniña.

Juan 3:16

Diosqa ancha-anchatam runakunata kuyarqa, chaymi sapallan Churinta qomurqa, pipas paypi iñiqqa mana wañunanpaq, aswanqa wiñay kawsayniyuq kananpaq.

Hechos 10:36

Diosmi Israelpa mirayninkunaman allin noticiata willa-chirqa, Jesucristontakama Dioswan allinyanakunankupaq; Jesucristoqa llapallanchikpa Señorninchikmi.

Romanos 5:1

Iñisqallanchikraykum Diosqa mana huchayuqpaqña chaskiwanchik, Señorninchik Jesucristontakamam Dioswan hawkayayta haypanchik.

Efesios 1:6

Kaytaqa ruwarqa hatu-hatun kuya-payakuyninwan Churinrayku bendeciwasqanchikmanta Diosta sapa kuti yupaychananchikpaqmi.

Efesios 1:9

Paymi munasqanman hina ñawpaqmantaraq pakasqa kaqkunata Cristontakama imam ruway munasqanta reqsichiwarqanchik.

Efesios 2:4

Ichaqa llakipayakuq Diosmi llumpayta kuyawaspanchik,

Efesios 2:7

Chaynataqa ruwarqa ancha-ancha kuyakuq kasqanta hinaspa maynatam kuyawasqanchikta Cristo Jesuswan hamuq tiempokunapi qawachikunanpaqmi.

Filipenses 2:11

Llapallan runakunapas “Jesucristoqa Señormi” nispam ninqaku, chaynataqa ninqaku Dios Tayta hatunchasqa kananpaqmi.

Filipenses 2:13

Diosmi munasqanman hina allin munayta hinaspa allin ruwayta qamkunapi hatarichin.

Colosenses 1:20

Diosmi allinyanakuyta munarqa kay pachapi kaqkunawan chaynataq hanaq pachapi kaqkunawanpas, chaytaqa ruwarqa Cristopa cruzpi yawar chaqchusqanwan hawkayayman yaykuspanmi.

2~Tesalonicenses 2:16

Kuyawaspanchik wiñay consuelo qowaqninchik hinaspa kuyakuywan suyakuy qowaqninchik, Señorninchik Jesucristowan Dios Taytanchikyá,

Apocalipsis 5:13

Hanaq pachapi, kay pachapi, uku pachapi hinaspa lamar qochapi kaqkunata tukuy ima unanchasqankunapa kayna nisqantam uyarirqani: “Trononpi tiyaqwan chaynataq Corderoyá wiña-wiñaypaq qapaqchasqa, yupaychasqa, hatunchasqa, chaynataq atiyniyuqpaq hapisqa kachun”, niqta.