Lucas 2:10 - CHUYA QELLQA La Biblia en Quechua de Ayacucho 2012

¹⁰ Angelñataqmi nirqa: Ama manchakuychikchu, allin willa-kuytam apamuchkaykichik, chaywanmi llapa runakunapas kusikunqaku.

Quechua Ayacucho Bible 1987

¹⁰ paykunata angel nirqa: —Ama manchakuychikchu, llapa runa kusikunaykichikpaqmi allin noticiata apamuchkaykichik.

Chuya Qellqa 1992

¹⁰ Angelñataqmi nirqa: Ama manchakuychikchu, allin willakuytam apamuchkaykichik, chaywanmi llapa runakunapas kusikunqaku.

Lucas 2:10 Iomraidhean Croise

Génesis 12:3

Bendecisuqnikikunatam bendecisaq, ñakasuqnikikunatam ñakasaq. Qamraykum kay pachapi llapallan ayllukunatapas bendecisaq, nispa.

Isaías 40:9

Sionpi yachaqkuna, orqoman qespispa qapariychik; Jerusalenpi yachaqkuna, kay sumaq willakuyta hatunmanta qaparispa willakuychik; ama manchakuspa Judá nacionpi llaqtakunaman kaynata willakuychik: ¡Diosninchikqa kaypim kachkan! nispa.

Isaías 41:27

Ñoqam ñawpaqmantaraq Sión runakunaman yachachirqani, ñoqataqmi Jerusalenmanpas allin noticia willakuqta kacharqani.

Isaías 49:6

Tayta Diosmi kaynata nin: “Manam serviqllaychu kanaykiqa, manam Jacobpa mirayninkunata hatarichimuqllachu kanaykiqa, manam Israelmanta puchuqkunata kutirichimuqllachu kanaykiqa; Aswanqa lliw nacionkunata kancharinaykipaqmi churasqayki, chaynapi kay allpa pachaman salvacionniyta chayachinaykipaq”, nispa.

Isaías 52:10

Tayta Diosmi atiyninta llapallan nacionkunaman qawarichin, tukuy hinastinpi kaqkunam Diosninchik salvawasqanchikta yachanqaku.

Isaías 52:7

Mayna kuyayllapaqmi orqonkunata hamuptin allin musoq noticia willakuqpa chakinkunaqa, payqa hawkayaymantam willakun, payqa allin noticiatam willakun, payqa salvacionmantam willakun. Payqa Sión llaqtatam nin: ¡Diosnikiqa munaychakuq Reymi! nispa.

Isaías 61:1

Tayta Diospa Espiritunmi ñoqapi kachkan, Tayta Diosmi sapaqchawaspan kamachiwarqa wakchakunaman allin noticiata willakamunaypaq, llakisqakunata consuelamunaypaq, presochasqakunata kacharimunaypaq, carcelpi kaqkunata libramunaypaq,

Daniel 10:19

hinaspanmi niwarqa: Diospa kuyasqan Daniel, ama manchakuychu nitaq hukmanyaychu, astawan kallpanchakuy, nispa. Chaynata niwachkaptinmi kallpanchakuruspay payta nirqani: Taytalláy, rimapayawayña ñam kallpanchaykuwankiña, nispa.

Zacarías 9:9

¡Sión llaqtapi yachaqkuna llumpayta kusikuychik! ¡Jerusalenpi yachaqkuna kusikuymanta qapariychik! Reynikichikmi qamkunaman hamuchkan, payqa allin ruwaq hinaspa salvakuqmi, asnopi silladam humildella hamuchkan, malta asnochapim hamuchkan.

Mateo 14:27

Hinaptinmi Jesusñataq nirqa: ¡Hawkalla kaychik! ¡Ama manchakuychikchu! Ñoqam kani, nispan.

Mateo 28:18

Chaymi Jesusñataq paykunaman asuykuspan nirqa: Diosmi tukuy atiyta qoykuwan hanaq pa-chapipas chaynataq kay pachapipas.

Mateo 28:5

Chay angelmi warmikunata nirqa: Ama manchakuychikchu, qamkunaqa chakatarusqanku Jesustam maskach-kankichik.

Marcos 1:15

Tiempom chayaramunña, Diospa munaychakuyninmi hichparamunña, huchaykichikmanta wanakuspaykichik Diosmanta allin noticiata chaskikuychik, nispa.

Marcos 16:15

Chaymi paykunata Jesús nirqa: Tukuy hinastinman rispaykichik kay evangeliota llapa runakunaman willakamuychik.

Lucas 1:13

Ichaqa chay angelmi nirqa: Zacarías ama manchakuychu, mañakuynikitam Dios uyariykun. Warmiki Elisabetmi qari wawata wachakunqa, paytam Juan nispa sutichanki.

Lucas 1:19

Chaymi angelñataq nirqa: Ñoqaqa Diospa qayllanpi servikuq Gabrielmi kani, paymi kachamuwarqa kay allin noticiata qanman willanaypaq.

Lucas 1:30

Angelñataqmi nirqa: María ama manchakuychu, Diospa kuyapayakuynintam haypaykunki.

Lucas 2:11

Salvaqnikichikmi “Davidpa Llaqtanpi” nacerapusunkichik, payqa Cristom hi-naspa Señormi.

Lucas 24:47

chaynapi Jerusalenmanta qallaykuspa lliw nacionkunapi paypa sutinpi willakuptinku, runakuna huchankumanta wanakuspa pampachasqa ka-nankupaq.

Lucas 8:1

Chaykunapa qepantam, Jesusqa achka llaqtakunapi hinaspa taksa llaqtakunapipas Diospa munaychakuyninmanta allin noticiata willakustin purirqa. Chunka iskayniyuq discipulonkunapas paywanmi rirqaku.

Hechos 13:32

Chaynapim ñoqaykupas qamkunaman kay allin noticiata willachkaykiku, chaytam ñawpaq taytanchikkunaman Dios prometerqa.

Romanos 10:15

¿Imaynatataq willakunqaku mana pipas kachachkaptinqa? Chuya Qellqapim kaynata nin: ¡Mayna sumaqmi allin noticia willa-kuqkunapa puriyninqa! nispa.

Efesios 3:8

Llapallan iñiqkunamanta mana valeqpaq hapikuchkaptiypas, Diosqa ñoqata kuyawaspanmi kunawarqa, mana judío kaqkunaman Cristomanta hatun valorniyuq pakasqa kaq allin noticiata willakunaypaq.

Colosenses 1:23

Ichaqa chayna kanaykichikpaqqa qaqa hinayá iñiynikichikpi sayaychik ama iskayrayaspa, salvakunaykichikpaq allin noticia uyarisqaykichikman hapipakuspa. Kay allin noticiaqa willakusqa kachkan kay pachapi llapallan runakunamanmi, chayta willakunaypaqmi ñoqa Pablopas churasqa karqani.