Lucas 19:9 - CHUYA QELLQA La Biblia en Quechua de Ayacucho 2012

⁹ Chaymi Jesusñataq nirqa: Kunanmi kay wasiman salvación chayaramun, kay runapas Abrahampa mirayninmanta kaqmi.

Quechua Ayacucho Bible 1987

⁹ Chaymi Jesusñataq nirqa: —Runakunapa salvaqninmi kay wasiman chayaramuni, kay runapas Abrahampa mirayninmanta kaqmi.

Chuya Qellqa 1992

⁹ Chaymi Jesusñataq nirqa: Kunanmi kay wasiman salvación chayaramun, kay runapas Abrahampa mirayninmanta kaqmi.

Lucas 19:9 Iomraidhean Croise

Lucas 13:16

Kay warmiqa Abrahampa mirayninmanta karqa, paytam chunka pusaqniyuq wataña Satanás watarurqa, ¿chaychu samana punchawña kachkaptinpas mana sanoyaykachiyman? nispa.

Lucas 13:30

Qepa kaqkunam puntapi kanqaku, puntapi kaqkunañataqmi qepapi kanqaku, nispa.

Lucas 16:24

Chaymi qapa-rispan nirqa: “¡Taytáy Abraham, llakipayariykullaway! Ama hina kaspaykiyá Lazarota kachamuway dedollanpipas yakuta apamuspan qallullaytapas chiriykachinanpaq, ñoqaqa kay ninapim llumpa-llumpayta ñakarichkani”, nispa.

Lucas 16:30

Chay apuñataqmi nirqa: “Taytáy Abraham, manam kasukunmankuchu. Sichum wañuqkunapa kasqanmanta kutispa pillapas willaykuptinmi ichaqa wanakunqaku”, nispa.

Lucas 2:30

Salvaqniykutam rikuykuniña,

Lucas 3:8

Huchaykichikmanta wanakusqaykichikta kawsaynikichikpi qawachikuychik. Amayá niychikchu: “Ñoqaykuqa Abrahampa mirayninmi kaniku”, nispaqa. Cheqaptapunim nikichik ¡Diosqa munaspanqa kay rumikunamantapas Abrahampa miraynintaqa hatarirachinmanmi!

Romanos 4:16

Chaymi iñiptillan promesatapas Diosqa Abrahamman qorqa regalota hina llapallan mirayninkunapaqpas cheqaptapuni chay promesa kananpaq. Kaytaqa nichkani, manam leyta kasukuqkunallapaq chay promesa kasqantachu, aswanqa Abraham hina llapallan iñiqkunapaqpas kasqantam. Chaynapim Abrahamqa llapallanchikpa taytanchik.

Gálatas 3:14

Kaykunaqa pasakurqa Abrahamman Diospa prometesqan bendicionta mana judío kaqkunapas Jesucristontakama chaskinankupaqmi, chaynapi Diospa promesanman hina iñiyllawan Chuya Espirituta llapallanchik chaskinanchikpaqmi.

Gálatas 3:29

Jesucristopaña kaspaqa, Abrahampa miraynin hinañam kankichik, chayraykum Abrahamman Diospa prometesqan herenciatapas chaskinkichik.

Gálatas 3:7

Chaynaqa, yachaychikyá, Diosman iñispa hapipakuqkunaqa Abrahampa cheqap mirayninmi kanchik.

1~Pedro 2:10

Ñawpaqtaqa manam llaqtanchu karqankichik, kunanmi ichaqa Diospa llaqtanña kankichik. Ñawpaqtaqa mana llakipayasqam karqankichik, kunanmi ichaqa Diospa llakipayasqanña kachkankichik.