Lucas 19:44 - CHUYA QELLQA La Biblia en Quechua de Ayacucho 2012

⁴⁴ Pasaypaq tuñichisqam kanki, runaykikunatapas lliwtam wañuchinqaku. Rumikikunapas manam chullapas perqasqaqa puchunqachu, salvaqniki Diosta mana reqsikusqaykirayku, nispan.

Quechua Ayacucho Bible 1987

⁴⁴ Pampamanmi wischurusunki chaypi yachaqkunatawan, perqaykipi rumikunapas manañam kanqachu, watukamusuqniki Diosta mana reqsikusqaykirayku.

Chuya Qellqa 1992

⁴⁴ Pasaypaq tuñichisqam kanki, runaykikunatapas lliwtam wañuchinqaku. Rumikikunapas manam chullapas perqasqaqa puchunqachu, salvaqniki Diosta mana reqsikusqaykirayku, nispan.

Lucas 19:44 Iomraidhean Croise

Isaías 10:3

¿Imatataq castigo punchawpi ruwankichik? ¿Karumantaraq sasachakuy hamususqaykichik punchawpi, pimantaq yanapasunaykichikpaq hapipakunkichik? ¿Maypitaq qori-qollqekichikta saqenkichik?

Isaías 29:3

Muyuriqnikipim campamentoyta hatarichisaq, tropaykunawanmi muyurusqayki, kaspikunawanmi muyuriqnikita qencharusaq, atacanaypaqmi uchkukunata ruwachisaq.

Jeremías 11:23

Manam paykunamantaqa hukllapas puchunqachu. Anatot llaqtapi runakunamanqa castiganay punchawpim hatun sasachakuyta kachamusaq, nispa.

Lamentaciones 1:8

Jerusalén llaqtam sinchita huchallikurun, chayraykum penqaypi rikurirun, haykam kuyaqninkunam penqayninta rikuspanku qepancharunku, chayraykum penqakuymanta qepaman muyurispa waqachkan.

Daniel 9:24

Qanchis chunka semanam tanteasqa kachkan nacionnikipaqpas chaynataq chuya llaqtaykipaqpas, mana kasukuyninkuwan huchallikuyninkupas tukunanpaq, huchapas puchukachisqa kananpaq, mana allin ruwayta pampachananpaq; allin ruwayta wiñaypaq takyachinanpaq, visionpas profeciapas cumplikunanpaq, Chuyay-chuyay lugarpas Diosllapaqña sapaqchasqa kananpaq.

Daniel 9:26

Chay soqta chunka iskayniyuq semanakuna pasaruptinmi, kamachikuq Mesías wañuchisqa kanqa. Jerusalén llaqtatapas huk reymi tropankunawan hamuruspa tuñirachinqa, chaynataqmi santuariotapas tuñirachinqa. Lloqlla hinam puchukay chayaramunqa, puchukay chayamunankamam guerrakunapas hinaspa purmachiykunapas kanqa.

Miqueas 3:12

Chaynaqa, qamkunapa huchaykichikmantam Sión llaqtapas yapusqa chakraña kanqa, Jerusalenñataqmi soqyasqa rumillamanña tikrasqa kanqa. Templopa kanan moqopas mana allin qorakunawanmi monteyanqa, nispa.

Mateo 24:2

Chaymi Jesús nirqa: ¿Qawachkankichikchu tukuy kaykunata? Cheqaptapunim nikichik, manam chulla rumillapas perqasqaqa qepanqachu, lliwmi tuñichisqa kanqa, nispa.

Marcos 13:2

Chaymi Jesusñataq nirqa: ¿Qawachkankichu kay suma-sumaq templota? Manam chulla rumillapas perqasqaqa puchunqachu, lliwmi tuñichisqa kanqa, nispa.

Lucas 1:68

Israelpa Diosninyá qapaqchasqa kachun, payqa llaqtanta salvaykunanpaqmi hamurqa.

Lucas 1:78

Diosninchikmi kuyapayawaspanchik hanaq pachamanta musoq punchawpa kanchariyninta qoykuwanchik,

Lucas 19:42

¡Ima allinraq kanman kay punchawpi hawkayaynikipaq kaqta entiendeptikiqa! Kunanmi ichaqa qanmanta pakasqaraq kachkan.

Lucas 21:6

Hamunqam punchaw, kay qawasqaykichikmantaqa manam chulla rumillapas perqasqaqa qepanqachu, lliwmi tuñichisqa kanqa, nispa.

1~Pedro 2:12

Diosta mana reqsiqkunapa qayllanpiyá allinta kawsaychik, chaynapim hucha ruwaqmanta hina contraykichikpi rimachkaspankupas allin ruwasqaykichikta qawaspanku, Diospa cuenta mañaq hamusqan punchawpi payta yupaychanqaku.