Lucas 19:26 - CHUYA QELLQA La Biblia en Quechua de Ayacucho 2012

²⁶ Chaymi reyñataq nirqa: “Kapuqniyuqqa astawanraqmi chaskinqa, mana kapuqniyuqmantam ichaqa aslla kapuqninpas qechusqaraq kanqa.

Quechua Ayacucho Bible 1987

²⁶ Chaymi reyñataq nirqa: “Kapuqniyoqqa astawanraqmi chaskinqa, mana kapuqniyoqkunamantam ichaqa aslla kapuqninpas qechusqa kanqa.

Chuya Qellqa 1992

²⁶ Chaymi reyñataq nirqa: “Kapuqniyuqqa astawanraqmi chaskinqa, mana kapuqniyuqmantam ichaqa aslla kapuqninpas qechusqaraq kanqa.

Lucas 19:26 Iomraidhean Croise

2~Samuel 7:15

Ichaqa manam Saulmanta hinachu kuyapayakuyniyta churikimanta qechusaq. Saultaqa wischururqani rantinpi qamtaña churanaypaqmi.

Mateo 13:12

Kapuqniyuqmanqa ach-kataraqmi qonqaku, chaynapi aswan kapuqniyuqraq kananpaq; mana kapuqniyuqmantam ichaqa aslla kapuqninpas qechusqa kanqa.

Mateo 21:43

Chaynaqa, nikichikmi, Diospa munaychakuyninmi qamkunamanta qechusqa kanqa, hinaspam Diospa munaychakuyninta ruruchiq llaqtamanña qosqa kanqa.

Marcos 4:25

Kapuqniyuqmanqa mastaraqmi qonqa, aslla kapuqniyuqmantam ichaqa aslla kapuqnintapas qechunqa, nispa.

Lucas 16:3

Hinaptinmi chay mayordomoñataq yuyaymanaspan nirqa: ¿Imatataq ruwasaq patronniy llamkayniymanta qarqoruwaptinqa? Llamkanaypaqpas manam kallpay kanchu, limosna mañakuytapas penqakunim.

Lucas 19:25

Hinaptinmi paykunañataq nirqaku: “Señor, paypaqa chunka kuti masñam kachkan”, nispanku.

Lucas 8:18

Chaynaqa, sumaqtayá uyariychik: Kapuqniyuqmanqa masraqmi qosqa kanqa, aslla kapuqniyuqmantam ichaqa, “kayqa ñoqapam” nisqanpas qechusqa kanqa.

Hechos 1:20

Judasmantam Salmos libropi kaynata nin: “Wasinpas paypaqa chunniruchunyá, amataqyá pipas chaypiqa yachachunchu”, nispa. Chaypiqa nichkantaqmi: “Llamkayninpipas hukñayá llamkachun”, nispa.

2~Juan 1:8

Cuidakuychikyá tukuy llamkasqaykichikpa ruruynin ama yanqachasqa kananpaq, chaynapi llapan premioykichikta Señorninchikmanta chaskinaykichikpaq.

Apocalipsis 2:3

Ñakarispapas pacienciakurqankim, ñoqaraykutaqmi mana pisipaspa llumpa-llumpayta llamkarqanki.

Apocalipsis 3:11

Chayllam hamusaq. Kapusuqnikitayá takyachiy coronaykita mana pipas qechusunaykipaq.

1~Samuel 15:28

Hinaptinmi Saulta Samuel nirqa: Kaynatam Tayta Dios llikirun Israel nacionpi munaychakuynikita, qechurususpaykim qoykun qanmantaqa aswan allin runamanña.

1~Samuel 2:30

Chayraykum Israelpa yupaychasqan Tayta Dios kaynata nin: Ñoqam nirqani miraynikipas chaynataq ñawpaq taytaykikunapa mirayninpas wiñaypaqña serviwanankupaq. Kunanmi ichaqa prometekusqayta mana ruwasaqñachu. Ñoqaqa pim hatunchawaqniytam hatunchasaq, qepanchawaqniytam ichaqa asllapaq hapisaq.