Lucas 18:32 - CHUYA QELLQA La Biblia en Quechua de Ayacucho 2012

³² Diosta mana reqsiqkunaman entregaykuptinkum burlakuspanku kaminqaku hinaspa toqanqaku.

Quechua Ayacucho Bible 1987

³² Mana castanchik runakunaman entregasqa kaptiymi burlakuwanqaku, kamiwaspankum toqawanqaku.

Chuya Qellqa 1992

³² Diosta mana reqsiqkunaman entregaykuptinkum burlakuspanku, kaminqaku hinaspa toqanqaku.

Lucas 18:32 Iomraidhean Croise

Isaías 50:6

Wasaytam azoteqkunaman qorqani, barbayta chutapaptinkupas manam kutichikurqanichu, cheqniwaspa toqawaqniykunamantapas manam uyayta asurichirqanichu.

Isaías 52:14

Uyallanpas pasaypaq manaña reqsipay kasqanta qawaspankum, manaña runamanpas rikchakusqanta qawaykuspankum achkaq admirakurqaku,

Isaías 53:3

Runakunapapas wischupakusqan qepanchasqan runam karqa, nanaypa huntasqan runam karqa, ñakariypa intuykusqan runam karqa, runakunapapas mana rikuy munasqankum karqa, paytaqa manam kaqpaqpas hapirqanchikchu.

Miqueas 5:1

Jerusalén llaqta, harkachikunaykipaq muyuriqnikipi perqakunata hatarichiy, enemigoykikunam muyurirusunki Israel nacionpa kamachiqninta ñakarichinankupaq.

Mateo 16:21

Chaymantapunim discipulonkunaman Jesús willakurqa Jerusalenman riptin judiokunapa chaynataq sacerdotekunapa kamachiqninkuna hinaspa Diospa leynin yachachiqkuna ñakari-chinankumanta. Willakurqataqmi wañu-rachiptinku kimsa punchawninman kawsarimunantapas.

Mateo 20:19

Diosta mana reqsiq runakunapa makinman qoykunqaku, chaynapi paymanta burlakuspa, azotespa cruzpi chakatanankupaq. Ichaqa kimsa punchawmanmi kawsarimunqa, nispa.

Mateo 22:6

Wakinñataqmi reypa serviqninkunata hapiruspanku maqaparuspa wañu-rachirqaku.

Mateo 26:67

Hinaspankum Jesuspa uyanman toqaspanku takarqaku, wakinñataqmi uyanpi laqechuspanku

Mateo 27:2

Chaymi chaqnasqata pusaspanku gobernador Pilatoman entregaykurqaku.

Marcos 14:65

Chaynata nispankum wakiqninku toqaykurqaku, wakinñataqmi ñawinta taparuspa takarqaku, hinaspam nirqaku: Niykuwayku, ¿pitaq takasuchkanki? nispanku. Guardiakunapas uyanpim laqechurqaku.

Marcos 15:1

Achikyaruptinmi sacerdotekunapa kamachiqninkunawan ancianokuna, Diospa leynin yachachiqkuna hinaspa cortepi kamachikuqkuna huñunakururqaku, hinaspam Jesusta chaqnaruspanku gobernador Pilatoman entregaykurqaku.

Lucas 18:33

Azoteruspankum wañurachinqaku, ichaqa kimsa punchawmanmi kawsarimunqa, nispa.

Lucas 23:1

Chaymantam llapallanku hatarispanku Jesusta Pilatoman pasachirqaku.

Lucas 23:11

Herodesmi soldadon-kunapiwan Jesusta despreciarqaku, hinaspam reyta hinaraq burlakunankupaq suma-sumaq pachawan pacharachirqaku. Chaymantam Pilatoman kutirichirqa.

Lucas 23:35

Llapa runakunañataqmi sayaykuspanku imam pasakusqanta qawachkarqaku, judiokunapa kamachiqninkunapas paymanta asikuspankum nirqaku: Wakin runakunatam librarqa, chaynaqa Diospa akllasqan cheqap Cristo kaspanqa kikinyá librakuchun, nispanku.

Juan 18:22

Chaynata niptinmi, templo waqaychaq guardiakunamanta huknin kaqñataq, Jesusta uyanpi takaruspan nirqa: ¿Chaynatachu sumo sacerdoteta ninki? nispa.

Juan 18:28

Caifaspa wasinmantam Jesusta pusarqaku gobernador Pilatopa pala-cionman. Achikyaramuptinmi judiokunaqa manaña palaciomanqa yaykurqakuchu. Chayman yaykuspaqa manañam Pascua carnerotaqa mikuyta atinmankuñachu karqa.

Juan 18:30

Paykunañataqmi nirqaku: Allin runa kaptinqa manachá entregaykikumanchu, nispanku.

Juan 18:32

Chaynapim imaynam cruzpi wañu-nanmanta Jesuspa nisqan cumplikurqa.

Juan 18:35

Pilatoñataqmi nirqa: ¿Judiochu ñoqaqa karqani? Llaq-tamasikikunawan sacerdotekunapa kamachiqninkunam qamtaqa ñoqaman entregamuwachkanku, ¿imatataq ruwarunki? nispa.

Hechos 2:23

Diosqa ñawpaqmantaraq yachasqanman hinam hinaspa munasqanman hinam Jesusta qamkunapa makikichikman churaykurqa. Qamkunam payta presocharurqankichik, hinaspam mana allin runakunawan chakatachispa wañurachirqankichik.

Hechos 3:13

Aswanqa ñawpaq taytanchik Abrahampa, Isaacpa hinaspa Jacobpa yupaychasqan Diosmi serviqnin Jesusta hatuncharqa. Paytam autoridadkunaman qoykurqankichik, gobernador Pilato librayta munaptinpas harkakurqankichikmi.