Lucas 18:31 - CHUYA QELLQA La Biblia en Quechua de Ayacucho 2012

³¹ Chunka iskayniyuq discipulonkunata huklawman sapaqchaykuspanmi Jesús nirqa: Jerusalén llaqtamanmi richkanchik, chaypim runapa Churinmanta profetakunapa tukuy ima qellqasqanku cumplikunqa.

Quechua Ayacucho Bible 1987

³¹ Chunka iskayniyoq akllasqankunata huklawman sapaqchaykuspanmi Jesus nirqa: —Jerusalen llaqtamanmi richkanchik, chaypim Diosmanta Hamuq Runamanta willakuqkunapa tukuy ima qellqasqan cumplikunqa.

Chuya Qellqa 1992

³¹ Chunka iskayniyuq discipulonkunata huklawman sapaqchaykuspanmi Jesús nirqa: Jerusalén llaqtamanmi richkanchik, chaypim runapa Churinmanta profetakunapa tukuy ima qellqasqanku cumplikunqa.

Lucas 18:31 Iomraidhean Croise

Daniel 9:26

Chay soqta chunka iskayniyuq semanakuna pasaruptinmi, kamachikuq Mesías wañuchisqa kanqa. Jerusalén llaqtatapas huk reymi tropankunawan hamuruspa tuñirachinqa, chaynataqmi santuariotapas tuñirachinqa. Lloqlla hinam puchukay chayaramunqa, puchukay chayamunankamam guerrakunapas hinaspa purmachiykunapas kanqa.

Zacarías 13:7

Tukuy Atiyniyuq Tayta Diosmi kaynata nin: Espada, michiqniypa contranpi hatariy, yanapaqniypa contranpi hoqarikuy, michiqta wañuchiptikim llapa ovejakuna cheqenqa. Ñoqañataqmi uñachakunapa contranpi makiyta hoqarisaq, nispa.

Mateo 16:21

Chaymantapunim discipulonkunaman Jesús willakurqa Jerusalenman riptin judiokunapa chaynataq sacerdotekunapa kamachiqninkuna hinaspa Diospa leynin yachachiqkuna ñakari-chinankumanta. Willakurqataqmi wañu-rachiptinku kimsa punchawninman kawsarimunantapas.

Mateo 27:63

nirqaku: Señor gobernador, yuyachkanikum, chay llulla runam kawsachkaspanraq nirqa: “Wañuspayqa kimsa punchawmantam kawsariramusaq”, nispan.

Marcos 8:9

Mikuqkunam karqa yaqa tawa waranqa hina. Mikuruptinkum Jesús aviarurqa.

Lucas 10:30

Chaymi Jesusñataq nirqa: Huk kutipim Jerusalenmanta Jericó llaqtaman huk runa richkarqa, hinaptinmi suwakuna saltearuspanku pachantapas llatanarurqaku, maqaparuspankum yaqa wañunayachkaqtaña saqerurqaku.

Lucas 9:22

Chaymantam discipulonkunata nirqa: Runapa Churinqa llumpaytam ñakarinqa, llapa ancianokunawan sacerdotekunapa kamachiqninkunam hinaspa Diospa leynin yachachiqkunam qepanchaspanku wañuchinqaku, ichaqa kimsa punchawmanmi kawsarimunqa, nispa.

Lucas 9:51

Hanaq pachaman kutinan tiempoña kaptinmi valorchakuykuspa Jerusalenman Jesús pasarqa.