Lucas 18:14 - CHUYA QELLQA La Biblia en Quechua de Ayacucho 2012

¹⁴ Chaynaqa, nikichikmi, kay impuesto cobraqmi huchanmanta pampachasqaña wasinman kutikurqa, fariseoñataqmi mana pampachasqachu karqa. Pipas hatunchakuqqa uchuychasqam kanqa, uchuychakuqñataqmi hatunchasqa, nispa.

Quechua Ayacucho Bible 1987

¹⁴ Chaynaqa fariseomantapas huchanmanta pampachasqaqa wasintaqa kutikurqa impuesto cobraqmi. Pipas hatunchakuqqa humillasqam kanqa, pipas humillakuqñataqmi hatunchasqa kanqa.

Chuya Qellqa 1992

¹⁴ Chaynaqa, nikichikmi, kay impuesto cobraqmi huchanmanta pampachasqaña wasinman kutikurqa, fariseoñataqmi mana pampachasqachu karqa. Pipas hatunchakuqqa uchuychasqam kanqa, uchuychakuqñataqmi hatunchasqa, nispa.

Lucas 18:14 Iomraidhean Croise

Jobwan Sutichasqa Libro 22:29

Diosqa hatun tukuqkunatam uchuychan, uchuychakuqkunatam ichaqa hatunchan.

Jobwan Sutichasqa Libro 25:4

¿Yaqachu pipas Diospa qayllanpi mana huchayuqpaq hapikunman? ¿Yaqachu warmimanta nacemuq runa chuyapaq hapikunman?

Jobwan Sutichasqa Libro 9:20

Allin ruwaqpaqña hapikuptiypas payqa mana allin ruwaq kasqaytam qawaykachiwanman.

Éxodo 18:11

Egipto runakunaqa hatun tukuspam Israel runakunata ñakarichirqaku, chayraykum vencesqa karqaku. Kunanmi yachani Tayta Diosqa llapa dioskunamantapas aswan atiyniyuq kasqanta.

Proverbios 15:33

Tayta Diosta kasukuyqa yachayta haypaymi, hatunchasqa kayqa uchuychakuywanmi qallarin.

Proverbios 18:12

Tuñichisqa kayqa hatun tukuypa qepantam hamun, hatunchasqa kayñataqmi uchuychakuypa qepanta hamun.

Proverbios 25:7

“Kayman qespimuy” nisuynikim aswan allinqa, reqsisqayki kamachikuqkunapa qayllanpi penqayman churasqa kanaykimantaqa.

Proverbios 29:23

Hatun tukuq runaqa uchuychasqam kanqa, uchuychakuq runam ichaqa hatunchasqa kanqa.

Proverbios 3:34

Burlakuqkunamantaqa Tayta Diospas burlakunmi, llampu sonqokunatam ichaqa kuyapayan.

Eclesiastés 9:7

Chaynaqa, tanta mikusqaykiwan, vino upyasqaykiwanyá kusikuy, ruwaynikikuna Diospa munasqanpaq hina kasqanrayku.

Isaías 45:25

Israelpa mirayninkunaqa ñoqaraykum mana huchayuqpaqña chaskisqa kanqaku, ñoqa Tayta Diosraykum alabakunqaku.

Isaías 53:11

Ñakarisqanpa rurunta qawaspam sinchita kusikunqa; Tayta Diospa serviqninmi achkaqta mana huchayuqtaña ruwanqa, paykunapa mana allin ruwasqankutam apanqa.

Isaías 57:15

Wiña-wiñaypaq kawsakuq Diosmi, hatu-hatun Chuya Diosmi kaynata nin: Ñoqaqa alto-altopim, chuyay-chuyay sitiopim yachani, wanakuspa uchuychakuqkunawanmi yachani, hinaspaymi paykunata kallpanchani.

Isaías 66:2

Tukuy imapas ñoqapa ruwasqallaymi, chaymi tukuy imapas rikurirqa. Ñoqa Tayta Diosmi chaynata nini. Ñoqaqa nanachikuni humillakuspa wanakuq runakunatam, yachachikuyniy kasukuq runakunatam.

Daniel 4:37

Chayraykum ñoqa Nabucodonosor hanaq pachapi Reyta alabaspay hatunchani, paytam yupaychanipas, paypaqqa tukuy ima ruwasqankunapas cheqapmi, payqa allinkuna ruwaqmi, hatun tukuqkunatapas payqa uchuychanmi.

Habacuc 2:4

Mana allin runaqa hatun tukuqmi, allin ruwaq runam ichaqa iñisqanrayku kawsanqa.

Mateo 23:12

Pipas hatunchakuqqa uchuychasqam kanqa, pipas uchuychakuqñataqmi hatunchasqa kanqa.

Mateo 5:3

Mayna kusisqam “Diosmantam necesitani” niq wakchakunaqa, Diospa munaychakuyninpas paykunapam.

Lucas 1:52

Munaychakuqkunatam trononkumanta wichichin, uchuychakuqkunatam hatunchan.

Lucas 10:29

Paymi ichaqa allinpi lloqsiyta munaspan Jesusta huktawan tapurqa: ¿Pitaq runamasiyqa? nispan.

Lucas 14:11

Pipas hatunchakuqqa uchuy-chasqam kanqa, uchuychakuqñataqmi hatunchasqa kanqa.

Lucas 16:15

Chaymi Jesusñataq nirqa: Qamkunaqa runakuna qawanallan-paqmi allin tukunkichik, Diosmi icha-qa sonqoykichikta reqsisunkichik. Runakunapaq sumaqllaña rikchakuqpas Diospaqqa millakuypaqmi.

Romanos 3:20

Leyman hinaqa manam pipas Diospa qayllanpiqa mana huchayuqqa kanmanchu, leyqa huchayuq kasqanchiktam reqsichiwanchik.

Romanos 4:5

Sichum pipas mana llamkachkaspalla Diosman iñikuptinqa mana huchayuqpaqñam chaskin. Iñiptillankum huchasapakunatapas Diosqa mana huchayuqtaña ruwan.

Romanos 5:1

Iñisqallanchikraykum Diosqa mana huchayuqpaqña chaskiwanchik, Señorninchik Jesucristontakamam Dioswan hawkayayta haypanchik.

Romanos 8:33

Diosmi mana huchayuqtaña ruwawaqninchikqa, hinaptinqa, ¿pitaq Diospa akllasqankunata acusanman?

Gálatas 2:16

Ichaqa yachanchikmi runaqa manam leyta kasukusqanraykuchu pampachasqaqa kanman, aswanqa Jesucristoman iñikusqanraykullam, chaynataqmi ñoqanchikpas Jesucristopi iñirqanchik mana huchayuqpaqña Diospa chaskisqan kananchikpaq, manam leyta kasukusqanchikraykuchu, aswanqa Diospi iñisqanchikraykullam. Manam pipas leyta kasukusqanraykuchu mana huchayuqpaqqa hapisqa kanku.

Santiago 4:10

Señorninchikpa qayllanpiyá uchuychakuychik, hinaptinqa paypas hatunchasunkichikmi.

Santiago 4:6

Ichaqa Diosninchikmi kuyapayakuyninwan yanapawanchik. Chaymi Qellqapi kaynata nin: “Diosqa hatun tukuqkunapa contranpim kachkan, uchuychakuqkunatam ichaqa yanapan”, nispa.

1~Samuel 1:18

Anañataqmi nirqa: Gracias kay serviqnikita allinpaq qawariykuwasqaykimanta, nispa. Chaymanta kutirispanñam Anaqa mikurqa, manañataqmi llakisqañachu karqa.