Lucas 18:13 - CHUYA QELLQA La Biblia en Quechua de Ayacucho 2012

¹³ Impuesto cobraqñataqmi qepallapi sayaruspan cielotapas mana qawarispan qasqonta takakuspan nirqa: “Diosnilláy kuyapayariykullaway, huchasapam kallani”, nispa.

Quechua Ayacucho Bible 1987

¹³ Impuesto cobraqñataqmi karuneqpiraq sayaykuspa altotapas mana qawarispan qasqonta takakuspan nirqa: “Dioslláy, huchasapam kallani, kuyapayariykullawayá” nispa.

Chuya Qellqa 1992

¹³ Impuesto cobraqñataqmi qepallapi kaspan cielotapas mana qawarispan qasqonta takakuspan nirqa: “Diosnilláy kuyapayariykullaway, huchasapam kallani”, nispa.

Lucas 18:13 Iomraidhean Croise

2~Samuel 12:13

Hinaptinmi Natanta David nirqa: Tayta Diospa contranpim huchallikuruni, nispa. Chaymi Natán nirqa: Tayta Diosqa pampachaykunñam huchaykitaqa, manam wañunkichu.

2~Crónicas 33:19

Mañakuyninpas, chay mañakuyninpa contestasqa kasqanpas, imakunawanmi huchallikusqanpas, Tayta Diosta qepanchasqanpas, maykunapim capillakuna ruwachisqanpas, manaraq Tayta Diospa qayllanpi uchuychakuchkaspa Asera idolokunatawan rikchaqmana idolokunata ruwachispan maykunapim churasqanpas, profetakunapa qellqasqan libropim qellqasqa kachkan.

2~Crónicas 33:23

Manam taytan Manasés hinaqa uchuychakurqachu, aswanraqmi payqa huchaman qokururqa.

Esdras 9:6

kaynata nispay: Dios Taytalláy, pantaypi hinaspa penqakuypa huntasqanmi kachkani, manam imayna asuykamuytapas atikichu. Diosnilláy, mana allin ruwasqaykum pasaypaqta mirarun, huchaykupas hanaq pachakamam chayarun.

Jobwan Sutichasqa Libro 42:6

Chayraykum tukuy ima rimasqayta reqsikuni, allpapiwan uchpapim tiyaykuspay wanakuni, nispa.

Éxodo 33:10

Carpapa punkunpi sayaq puyuta qawaspankum llapa runakuna hatariqku, hinaspam sapakama carpankupa punkunpi qonqorakuykuspa yupaychaqku.

Isaías 1:18

Tayta Diosqa nintaqmi: Chaynaqa, tanteanakunapaqyá ñoqaman hamuychik, cochinilla hina moradoña huchaykichik kaptinpas ritita hinam yuraqyachisqaykichik, carmesí hina pukay-pukayña huchaykichik kaptinpas yuraq millwata hinam yuraqyachisqaykichik.

Isaías 6:5

Hinaptinmi nirqani: ¡Ay, imaynaraq kasaq! Kunanqa wañurusaqchá. Mana allin rimaq runa kachkaspaymi, mana allin rimaq runakunawan yachachkaspaymi, Tukuy Atiyniyuq Tayta Diosta rikuruni, nispay.

Isaías 66:2

Tukuy imapas ñoqapa ruwasqallaymi, chaymi tukuy imapas rikurirqa. Ñoqa Tayta Diosmi chaynata nini. Ñoqaqa nanachikuni humillakuspa wanakuq runakunatam, yachachikuyniy kasukuq runakunatam.

Ezequiel 16:63

Mana allin ruwasqaykikunamanta pampachaykuptiymi chaykunata yuyarispa penqakuymanta simikitapas manaña kicharinkichu. Ñoqa Tayta Dios chaynata nini.

Daniel 9:5

Ñoqaykuqa qampa contraykipi huchallikuruspam llumpa-llumpayta mana allinkunata ruwaruniku, kamachikuynikikunatawan yachachikuynikikunatapas mana kasukuspam qepanchakuruniku.

Mateo 10:3

Felipe, Bartolomé, Tomás, impuesto cobraq Mateo, Alfeopa churin Jacobo, Tadeo;

Mateo 6:5

Mañakuspaykichikqa amayá iskay uyakuna hinachu kaychik, paykunaqa sinagogakunapi hinaspa callepa esquinankunapi sayaykuspa mañakuytam kuyanku, chaynataqa ruwanku runakuna qawananpaqmi. Cheqaptapunim nikichik: Paykunapaqqa ñam premionku kachkanña.

Mateo 9:13

Rispaykichik, “Kuyapayakuq kanaykichiktam munani, manam sacrificiotachu” nisqanpa imam ninanta yachamuychik. Ñoqaqa hamurqani manam justo runakuna qayaqchu, aswanqa llapa huchasapakuna huchankumanta wanakunankupaq qayaqmi.

Marcos 11:25

Diosta mañakuspaykichikqa piwanpas piñanakusqaykichiktayá puntataqa pampachaychik, chaynapi hanaq pachapi kaq Taytaykichikpas huchaykichikta pampachasunaykichikpaq.

Lucas 17:12

Huk llaqtaman chayaruptinmi leprawan onqoq chunka runakuna taripaykurqaku. Paykunam karullamanta,

Lucas 22:41

Hinaspam paykunamanta karuniqman asurispan chaypi qonqorakuykurqa, hinaspam Diosta kaynata mañakurqa:

Lucas 23:48

Chaypi tarikuq runakunapas imam pasakusqanta qawaykuspankum qasqonkuta takakustin kutirqaku.

Lucas 5:8

Chayta Simón Pedro qawaykuspanmi Jesuspa ñawpaqninpi qonqorakuykuspan nirqa: Señor, ñoqamanta asurikuy, huchasapa runam kallani, nispan.

Hechos 2:37

Kaykunata uyariruspankum sonqonkupi llumpayta llakikuruspanku Pedrotawan wakin apostolkunata tapurqaku: Wawqekuna, ¿imatataq ruwallasaqku? nispanku.

Romanos 5:8

Diosmi ichaqa kuyakuyninta qawachiwanchik huchasapa kachkaptinchikpas ñoqanchikrayku Cristo wañupuwas-qanchikwan.

2~Corintios 7:11

Qamkunaqa Diospa munasqan-man hinam llakisqa karqankichik, chay llakikuyqa kaykunatam apamun: Mayna nanachinakuytam munarqankichik, mayna arreglo ruwaytam munarqankichik, maynatam mana allinpa contranpi piñakurqankichik, maynatam manchakurqankichik, mayna kuyakuqmi kankichik, maynatam sientikurqankichik, maynatam castigo ruwayta munarqankichik. Kay asuntokunawanmi mana huchayuq kasqaykichikta qawachikurqankichik.

1~Timoteo 1:15

Kay palabraqa cheqapmi, lliwmi chaskispa iñinanchik, Jesucristom kay pachaman hamurqa huchasapakuna salvananpaq, paykunamantaqa aswan huchallikuqmi kani.

Hebreos 4:16

Chaynaqa, confianzawanyá kuyapayawaqninchik Diosman asuykusunchik chaynapi sasachakuyninchik tiempokunapi llakipayawaspanchik yanapaykuwananchikpaq.

Hebreos 8:12

Ñoqaqa mana allin ruwasqankutam pampachasaq, huchankutapas manañam yuyarisaqñachu, nispa.