Lucas 17:3 - CHUYA QELLQA La Biblia en Quechua de Ayacucho 2012

³ Chaynaqa, cuidakuychikyá. Sichum runamasiki imapipas pantarusuptikiqa qaqchaykuyá. Huchanta reqsikuptinqa pampachaykuyá.

Quechua Ayacucho Bible 1987

³ Chaynaqa cuidakuychikyá. —Runamasiki huchallikusuptikiqa faltanmantayá anyaykuy. Faltanta reqsikuptinqa pampachaykuyá.

Chuya Qellqa 1992

³ Chaynaqa, cuidakuychikyá. Sichum runamasiki imapipas pantarusuptikiqa qaqchaykuyá. Huchanta reqsikuptinqa pampachaykuyá.

Lucas 17:3 Iomraidhean Croise

Éxodo 34:12

Yaykunaykichik allpapi yachaqkunawanqa amam ima contratotapas ruwankichikchu, yanqañataqmi urma-chisuqnikichik rumi hina kanmanku.

Proverbios 17:10

Yachayniyuq runaqa qaqchaykusqam yuyayta hapin, mana yachayniyuq runam ichaqa pachak kutikama azotesqapas mana uyarikuq.

Proverbios 27:5

Uyanpi niykuymi aswan allinqa sonqollapi kuyakuymantaqa.

Proverbios 9:8

Mana kasukuq runaqa qaqchaptikipas cheqnirusunkim, yachayniyuq runam ichaqa qaqchaykuptikipas kuyasunki.

Levítico 19:17

Runamasikitaqa amam sonqoykipiqa cheqninkichu, anyana kaptinqa anyaykunkim, huchallikusqanwan ama qampas huchallikurunaykipaq.

Mateo 18:21

Hinaptinmi Pedroñataq Jesusman asuykuspan nirqa: Señorlláy, ¿hayka kutikamataq contraypi wawqey huchallikuptin pampachasaq? ¿Qanchis kutikamachu? nispa.

Lucas 21:34

Allintayá cuidakuychik, amayá vicio-kunawan, machakuykunawan hinaspa kay pachapi imamantapas afanakuykunawan sonqoykichikta rumiyarachiychikchu, yanqañataq chay punchawqa qonqayta chayaramusunkichikman.

Efesios 5:15

Chaynaqa, imaynam kawsasqaykichiktayá allinta qawakuychik, amayá mana yachayniyuqkuna hinachu, aswanqa yachayniyuqkuna hinayá kawsaychik.

Deuteronomio 4:15

Horeb orqopi rupachkaq nina ukumanta Tayta Diospa rimapayamususqaykichik punchawpiqa manam ima rikchaytapas rikurqankichikchu. Chaynaqa, huchaman urmanaykichikmanta waqaychakuychik, yanqañataq qariman otaq warmiman rikchakuq idolokunata ruwaspa huchallikuwaqchik.

Deuteronomio 4:23

Qamkunawan Señornikichik Tayta Diospa pacto ruwas-qantaqa amam qonqarunkichikchu. Señornikichik Tayta Diosqa manam munanchu imaman rikchakuq idolotapas ruwakunaykichiktaqa.

Deuteronomio 4:9

Amam ima rikumusqaykichikman-tapas qonqarunkichikchu, kawsanaykichikkamaqa amam sonqoykichikmantapas chinkarachinkichikchu, chay-kunataqa churikichikkunamanpas willkaykichikkunamanpas yachachinkichikmi.

Hebreos 12:15

Cuidakuychikyá, yanqañataq Diospa kuyapayakuyninta mana haypawaqchikchu, chaynapi qatqe sachapa sapin hina wiñaspa achkaqta chaqwaspan lliwta qatqeyarachisunkichikman.

Santiago 5:19

Wawqe-panillaykuna, sichum mayqannikichikpas cheqap yachachikuymanta pantaruptinqa, huknikichikñataq kutichimuptinqa

2~Juan 1:8

Cuidakuychikyá tukuy llamkasqaykichikpa ruruynin ama yanqachasqa kananpaq, chaynapi llapan premioykichikta Señorninchikmanta chaskinaykichikpaq.