Lucas 17:2 - CHUYA QELLQA La Biblia en Quechua de Ayacucho 2012

² Ñoqapi iñiq taksakunamanta hukninta pipas huchallichiqtaqa, allinchá kanman molino rumita kunkanman wataruspa lamar qochaman wischuykuyninkuqa.

Quechua Ayacucho Bible 1987

² Ñoqapi iñiq kay taksachakunamanta hukninta pipas huchallachiqpaqqa allinchá kanman molino rumita kunkanman wataruptinku lamar qochaman wischusqa kaynin.

Chuya Qellqa 1992

² Ñoqapi iñiq taksakunamanta hukninta pipas huchallichiqtaqa, allinchá kanman molino rumita kunkanman wataruspa lamar qochaman wischuykuyninkuqa.

Lucas 17:2 Iomraidhean Croise

Isaías 40:11

Ovejankunata michinanpaqmi hamunqa, uñachankunatam marqayninpi apanqa, chayllaraq wachakuq ovejakunatam allillamanta pusanqa.

Zacarías 13:7

Tukuy Atiyniyuq Tayta Diosmi kaynata nin: Espada, michiqniypa contranpi hatariy, yanapaqniypa contranpi hoqarikuy, michiqta wañuchiptikim llapa ovejakuna cheqenqa. Ñoqañataqmi uñachakunapa contranpi makiyta hoqarisaq, nispa.

Mateo 17:27

Ichaqa ama pitapas piñachinanchikpaqyá lamar qochaman rispa anzuelota chamqamuy, hinaspam punta challwa hapisqaykipa siminta kicharuspa huk qollqeta tarinki, chaytam iskayninchikmanta pagaykamunki, nispa.

Mateo 18:10

Amayá kay uchuychakunamantaqa mayqantapas usuchiychikchu. Hanaq pachapiqa paykunapa angelninkunam Taytaypa uyanta tukuy tiempo qawachkanku.

Mateo 18:14

Chaynam hanaq pachapi kaq Taytaykichikpas mana munanchu kay taksakunamanta hukllanpas chinkanantaqa.

Mateo 26:24

Cheqaptapunim runapa Churinqa Qellqapa nisqanman hina ruwasqa kanqa, ichaqa, ¡imaynaraq traicionaqnin runa kanqa! Amapas nacenmanchu karqa, nispa.

Marcos 9:42

Ñoqapi iñiq taksakunamanta hukkaqninta pipas huchallichiqtaqa, allinchá kanman molino rumita kunkanman wataruspanku lamar qochaman wischuykuyninku.

Juan 21:15

Mikuruptinkuñam Simón Pedrota Jesús tapurqa: Juanpa churin Simón, ¿paykunamanta mastachu kuyawanki? nispa. Pedroñataqmi nirqa: Arí Señor, qanmi yachanki kuyasqayta, nispa. Chaymi Jesús nirqa: Chaynaqa, ovejaykunatayá michiy, nispa.

1~Corintios 9:15

Ichaqa manam chay derechoytaqa mañarqaykichikchu nitaqmi qellqamuchkaykichikpas imapas qowanaykichikraykuchu. Wañukuymi aswan allinqa kanman imapas qowanaykichikmantaqa. Qowaptikichikqa manañachá alabakuymanñachu.

1~Corintios 9:22

Pisi iñiyniyuqpaqmi pisi iñiyniyuq churakurqani, lliwpaqmi tukuy imaymana kayman churakurqani paykunata gananayrayku, chaynapi hukkaqllantapas salvanaypaq.