Lucas 16:20 - CHUYA QELLQA La Biblia en Quechua de Ayacucho 2012

²⁰ Karqataqmi limosna mañakuq Lázaro sutiyuq runapas, paymi chay apupa punkunpi pasaypaq heridasqallaña tiyallaq,

Quechua Ayacucho Bible 1987

²⁰ Karqataqmi limosna mañakuq Lazaro sutiyoq runapas, apupa punkunpim heridasapallaña wischurayaq.

Chuya Qellqa 1992

²⁰ Karqataqmi limosna mañakuq Lázaro sutiyuq runapas, paymi chay apupa punkunpi pasaypaq heridasqallaña tiyallaq,

Lucas 16:20 Iomraidhean Croise

Jobwan Sutichasqa Libro 2:7

Tayta Diospa qayllanmanta lloqsiruspanmi Satanasqa Jobpa aychanta isuwan llumpa-llumpayta tukurachirqa chaki pampanmanta uma puyukninkama.

Isaías 1:6

Chaki pampaykichikmanta uma puyuknikichikkamam mana imaykichikpas sanoqa kanchu, aswanqa toqyasqa, punkisqa, mana pipa hampisqan, mana pipa watasqan, mana pipapas aceitewan llusiykusqan kichasqa heridakunallam kachkan.

Jeremías 8:22

¿Manachu Galaad lawpi hampi kan? ¿Manachu chaypi pipas hampiq kan? ¿Imanasqataq onqoyninmanta llaqtay mana sanoyanchu?

Mateo 26:71

Chaymantam punkuman pasarqa, hinaptinmi chaypi kaqkunaman huk criada nirqa: Kay runapas Nazaret llaqtayuq Jesus-wanmi purichkarqa, nispa.

Lucas 16:19

Huk apu runam karqa, paymi ancha preciopa chanin fino pachakunawan churakuq, paymi sapa punchaw munayllapaqña convidokunata ruwachiq.

Lucas 16:21

apupa mesanmanta wichiq puchukunawan wiksallan huntaykachiyta munaspan, allqokunapas asuykuspankum heridankunata llaqwaykuq.

Juan 11:1

Betania llaqtayuq Lázaro sutiyuq runam onqochkarqa, payqa yacharqa panin Mariawan hinaspa panin Martawanmi.

Hechos 3:2

Chay templopa punkunmanmi nacesqanmanta suchu runata sapa punchaw apaqku, hinaspam Hermosawan sutichasqa punkupi churaqku, chaynapi yaykuq runakunamanta limosnata mañakunanpaq.

Santiago 1:9

Wakcha wawqe-panikunaqa Señorpa hatunchasqan kasqanpiyá hatunchakuchun,

Santiago 2:5

Kuyasqay wawqe-panillaykuna, uyariykuwaychikyá, kay pachapi wak-chakunataqa Diosninchikmi akllarqa iñiyninkupi apu kanankupaq hinaspa kuyaqninkunaman prometesqan Diospa munaychakusqanta chaskinankupaq.

1~Samuel 2:8

Diosllam wakchatapas hatarichin, payllam millay lugarmanta usuqkunatapas sayarichin, allin reqsisqa runakunawanmi tiyaykachin. Tayta Diosmi kay pachata takyachin.