Lucas 16:17 - CHUYA QELLQA La Biblia en Quechua de Ayacucho 2012

¹⁷ Kay pachawan hanaq pachach chinkarunman, Diospa kamachikuyninpam ichaqa huk letrallanpas mana chinkanqachu.

Quechua Ayacucho Bible 1987

¹⁷ —Cielowan kay pachach facilta chinkarunman leypa puntochallanpas chinkarunanmantaqa.

Chuya Qellqa 1992

¹⁷ Kay pachawan hanaq pachach chinkarunman, Diospa kamachikuyninpam ichaqa huk letrallanpas mana chinkanqachu.

Lucas 16:17 Iomraidhean Croise

Isaías 40:8

Qoraqa chakiruqllam, waytapas wichiruqllam, Diosninchikpa palabranmi ichaqa wiña-wiñaypaq takyan.

Isaías 51:6

Cielokunata qawariychik, kay pachatapas qawariychik; cielokunapas qosni hinallam chinkarunqa, kay pachapas mawka pacha hinallam tukurunqa, runankunapas lliwmi puchukarunqa. Salvacionniymi ichaqa wiña-wiñaypaq takyanqa, allinkuna ruwasqayqa mana tukuqmi kanqa.

Mateo 5:18

Cheqaptapunim nikichik, hanaq pachawan kay pacha kanankamaqa, manam leypaqa huk letrallanpas nitaq huk puntollanpas qechusqachu kanqa lliw cumplikunankama.

Lucas 21:33

Hanaq pachawan kay pachapas tukunqam, palabraykunam ichaqa wiñaypaq takyanqa.

Romanos 3:31

Chaynaqa, iñispallanchik salvakuspaqa, ¿mana valeqpaqñachu leyta hapichwan? ¡Manapunim! Aswanqa valorninta reqsispam allinpaq hapinchik.

1~Pedro 1:25

Señorpa palabranmi ichaqa wiña-wiñaypaq takyan”, nispa. Chay palabranqa allin noticiam, qamkunamanmi willasqa karqa.

2~Pedro 3:10

Señorpa punchawninqa hamunqa, tutallan hamuchkaq suwa hinam, chay punchawmi cielokunapas qapariywan chinkanqa, haykam chaypi kaqkunapas kañasqam kanqa, kay pachapi kaqkunapas tukuy imantinmi rupanqa.

Apocalipsis 20:11

Chaynataqmi rikurqani hatu-hatun yuraq tronotapas, rikurqanitaqmi chaypi tiyaqtapas. Paypa ñawpaqninmantam hanaq pachawan kay pacha chinkarurqa, hinaptinmi paykunapa kananpaq mana maypas karqachu.

Apocalipsis 21:1

Chaymantam musoq cielotawan musoq allpa pachata rikurqani, ñawpaq cielowan kay pachaqa manam kasqañachu. Lamar qochapas manañam kasqañachu.

Apocalipsis 21:4

Diosmi paykunapa weqenta pichanqa, manañam wañuypas, llakikuypas, waqaypas, allwakuypas nitaq nanaypas kanqañachu. Ñawpaq kaqkunaqa pasarunñam, nispa.