Lucas 16:16 - CHUYA QELLQA La Biblia en Quechua de Ayacucho 2012

¹⁶ Kamachikuykunawan profetakunapa yachachisqanqa Bautizaq Juanpa willakuy qallarisqankamallam karqa. Chaymanta qepamanñataqmi Diospa munaychakuyninmanta willakusqa kachkan, chaymi llapallanku yaykunankupaq kallpanchakuchkanku.

Quechua Ayacucho Bible 1987

¹⁶ —Moisespa qellqasqan *f**leywan Diosmanta willakuqkunapa yachachisqanqa Bautizaq Juanpa willakuy qallarisqankamallam karqa. Chaymantapunim Diospa munaychakusqanmanta willakuchkanku hinaptinmi llapallanku yaykuypi atipakuchkanku.

Chuya Qellqa 1992

¹⁶ Kamachikuykunawan profetakunapa yachachisqanqa Bautizaq Juanpa willakuy qallarisqankamallam karqa. Chaymanta qepamanñataqmi Diospa munaychakuyninmanta willakusqa kachkan, chaymi llapallanku yaykunankupaq kallpanchakuchkanku.

Lucas 16:16 Iomraidhean Croise

Mateo 10:7

hinaspayá willakamuychik: “Diospa munaychakuyninmi hichparamunña”, nispaykichik.

Mateo 15:11

Manam imapas mikusqanchu runataqa huchallichin, aswanqa mana allinkuna rimasqanmi, nispan.

Mateo 21:32

Bautizaq Juanmi allin kawsakuymanta yachachisunaykichikpaq hamurqa, qamkunam ichaqa mana creerqankichikchu; impuesto cobraqkunawan chuchumikakunam ichaqa creerqaku. Qamkunaqa kaykunata qawachkaspapas manam paypi creenaykichikpaqqa wanakurqankichikchu.

Mateo 3:2

Huchaykichikmanta wanakuychik, Diospa munaychakuyninmi hichparamunña, nispan.

Mateo 4:17

Chaymantapacham Jesusqa kayna willakuyta qallarirqa: ¡Huchaykichikmanta wanakuychik, Diospa munaychakuyninmi hichparamunña! nispan.

Mateo 4:23

Jesusmi lliw Galilea llaqtapi pu-rirqa, Diospa munay chakuyninmanta allin noticiata sinagogakunapi willa-kustin, tukuy rikchaq onqoyniyuqkunata hinaspa nanayniyuqkunata sanoyachistin.

Marcos 1:14

Juanta carcelaruptinkum Galilea lawman Jesús rirqa Diospa munaychakuyninmanta allin noticiata kaynata willakustin:

Marcos 1:45

Chay runam pasaspan Jesuspa sanoyachisqanmanta llapa runaman willakachakuyta qallaykurqa, chaynapim Jesusqa maylaw llaqtamanpas mana rikuchikuspallaña yaykuq, payqa chunniqllantañam puriq. Chaywanpas tukuy hinastinmantam runakunaqa Jesusman hamurqaku.

Lucas 10:11

“Usutaykuman kay llaqtapa allpan laqakamuqtapas qamkunapa contraykichikpim taspiniku. Chaywanpas yachaychikyá, Diospa munaychakuyninmi hichpallaykichikpiña kachkan”, nispa.

Lucas 10:9

hinaspam onqoqkunata sanoya-chispa ninkichik: “Diospa munaychakuyninmi hichpallaykichikpiña kachkan”, nispaykichik.

Lucas 16:29

Hinaptinmi Abrahamñataq nirqa: “Chaypaqmi Moisespa hinaspa profetakunapa qellqanta hatallinku, chaytayá kasukuchunku”, nispa.

Lucas 16:31

Chaymi Abrahamñataq nirqa: “Moisespa hinaspa profetakunapa nisqankunata mana kasukuspankuqa, wañuqkunamanta hukkaqnin kutispan willamuptinñapas manam creenqakuchu”, nispa.

Lucas 9:2

Paykunatam Diospa munaychakuyninmanta willakamunankupaq hinaspa onqoqkunata sanoyachimunankupaq kacharqa.

Juan 1:45

Felipem Natanaelta tariruspan nirqa: Tariramunikum huk runata, paymantam Moisespas chaynataq profetakunapas qellqarqa. Payqa Joseypa churin Nazaret llaqtayuq Jesusmi, nispa.

Juan 11:48

Ruwaqta hinalla saqeptinchikqa lliw runachá payman iñikurunqaku, hinaptinchá romanokuna hamuruspanku templonchiktawan nacionninchikta purmarachinqaku.

Juan 12:19

Fariseo-kunañataqmi ninakurqaku: Manam ima ruwaytapas atichwanchu, qawaychik llapa runakunam payta qatichkanku, nispanku.

Juan 5:4

Huk angelmi qonqaymanta-qonqaymanta estanqueman uraykamuspan yakuta kuyurichiq, chaymi yaku kuyuriptin pipas puntata yaykuqqa ima onqoymantapas sanoyaruq].

Hechos 3:18

Chaynapim ñawpaqmantaraq llapallan profetankunapa imaynam Cristopa ñakarinanmanta nisqankuta Dios cumplichirqa.