Lucas 16:15 - CHUYA QELLQA La Biblia en Quechua de Ayacucho 2012

¹⁵ Chaymi Jesusñataq nirqa: Qamkunaqa runakuna qawanallan-paqmi allin tukunkichik, Diosmi icha-qa sonqoykichikta reqsisunkichik. Runakunapaq sumaqllaña rikchakuqpas Diospaqqa millakuypaqmi.

Quechua Ayacucho Bible 1987

¹⁵ paykunata nirqa: —Qamkunaqa runa qawasunallaykichikpaqmi allin ruraq tukunkichik. Diosmi ichaqa reqsisunkichik mana allin sonqoyoq kasqaykichikta. Runakunapaq sumaqllaña rikchakusqanpas Diospaqqa millakuypaqmi.

Chuya Qellqa 1992

¹⁵ Chaymi Jesusñataq nirqa: Qamkunaqa runakuna qawanallanpaqmi allin tukunkichik, Diosmi ichaqa sonqoykichikta reqsisunkichik. Runakunapaq sumaqllaña rikchakuqpas Diospaqqa millakuypaqmi.

Lucas 16:15 Iomraidhean Croise

1~Crónicas 29:17

Dios Taytalláy, yachanim runakunapa sonqonta qawasqaykita, sonqomanta ruwaqkunatam qamqa kuyanki, chayraykum allin sonqoywan tukuy kaykunata ofrecemuyki. Kunanmi huñunasqa llaqtaykita qawaykuni, tukuy sonqomanta kusikuywan ofrendanku qosusqaykita.

2~Crónicas 6:30

hanaq pacha yachasqaykimanta uyariykamuspam, pampachaykuspayki imam ruwasqankuman hina qoykapunki, qamllam llapa runakunapa sonqontaqa reqsinki.

Proverbios 16:5

Tayta Diosqa millakunmi hatun tukuq runataqa, chayna runaqa haykapipas castigasqapunim kanqa.

Proverbios 20:6

Achkaqmi kuyapayakuq kasqankumanta alabakunku, chaywanpas confiakunapaq hina runataqa, ¿pitaqsi tarinman?

Proverbios 21:2

Runapaqqa imaña ruwasqanpas allinpaqmi rikchakapun, ichaqa Tayta Diosmi runapa ruwasqankunata juzganqa.

Jeremías 17:10

Ñoqa Tayta Diosllam runakunapa yuyaymanaynintawan sonqontaqa allinta reqsini; chaynapi imam ruwasqankuman hina sapakamaman pagapunaypaq.

Malaquías 3:15

Ñoqanchikqa rikunchikmi mana kasukuq runakunapas kusisqa kawsakusqankuta, mana allin ruwaqkunapas tukuy imapi allin lloqsisqankuta, paykunaraqmi Diostaqa kutipankupas, ichaqa manam ima castigotapas chaskinkuchu”, nispa.

Mateo 23:5

Imatapas ruwanku runakuna qawanallanpaqmi. Qellqapi kaqkunatam as-asta qellqaruspa cajachakunaman churaruspa urkunkuman hinaspa makinkuman watakuyta gustanku, pachankupa patankunapipas hatun pomponkunataraqmi warkurunku.

Mateo 6:16

Ayunaspaykichikqa amayá iskay uyakuna hina llaki uyantinqa kaychikchu, paykunaqa chaynata ruwanku ayunasqankuta runakunawan qawachikunanpaqmi. Cheqaptapunim nikichik, paykunapaqa ñam pagonku kachkanña.

Mateo 6:2

Wakchaku-nata yanapaspaykiqa amayá pimanpas willakachakuychu, iskay uyakunallam sinagogakunapi hinaspa callekunapi chaynataqa ruwanku runakunapa alabasqan kanankupaq. Cheqaptapunim nikichik: Paykunapaqqa ñam pre-mionku kachkanña.

Mateo 6:5

Mañakuspaykichikqa amayá iskay uyakuna hinachu kaychik, paykunaqa sinagogakunapi hinaspa callepa esquinankunapi sayaykuspa mañakuytam kuyanku, chaynataqa ruwanku runakuna qawananpaqmi. Cheqaptapunim nikichik: Paykunapaqqa ñam premionku kachkanña.

Lucas 10:29

Paymi ichaqa allinpi lloqsiyta munaspan Jesusta huktawan tapurqa: ¿Pitaq runamasiyqa? nispan.

Lucas 11:39

Chaymi Jesusñataq nirqa: Yaw fariseokuna, qamkunaqa vasotawan platotapas hawallantam mayllankichik, ukuykichikmi ichaqa suwakuywan hinaspa mana allin ruwaywan huntasqa kachkan.

Lucas 18:11

Chay fariseom sayaykuspan kaynata mañakurqa: “Graciastam qoyki Diosnilláy. Ñoqaqa manam wakin runakuna hina suwachu, mana allin ruwaqchu, waqllikuqchu, nitaqmi kay impuesto cobraq runa hinachu kani.

Lucas 18:14

Chaynaqa, nikichikmi, kay impuesto cobraqmi huchanmanta pampachasqaña wasinman kutikurqa, fariseoñataqmi mana pampachasqachu karqa. Pipas hatunchakuqqa uchuychasqam kanqa, uchuychakuqñataqmi hatunchasqa, nispa.

Lucas 18:21

Hinaptinmi chay runañataq nirqa: Chaykunataqa warma kasqaymantaraqmi ruwayman churaq kani, nispa.

Lucas 18:9

Allinpaq hapikuspanku runamasinkuta usuchiqkunamanmi kay rikchanachiyta Jesús nirqa:

Lucas 20:20

Chaymi wateqaqkunata kacharqaku, allin runapaq tukuspanku imaynata ruwas-papas pantarachimunankupaq, chay-napi chayman sumlla acusaspa gober-nadorman entregaykunankupaq.

Lucas 20:47

Paykunaqa viudakunapa tukuy imankunata qechuruchkaspapas, allin runa tukusparaqmi una-unaytaraq Diostapas mañakunku. Chayraykum paykunaqa wakinmantapas aswan castigasqaraq kanqaku, nispa.

Juan 2:25

Manataqmi pitapas necesitarqachu chay runakuna imaynam kasqanmanta willananpaqqa, kikin Jesusmi sapakamapa sonqonta allinta reqsirqa.

Juan 21:17

Kimsakamaña tapuspanmi nirqa: Juanpa churin Simón, ¿kuyawankichum? nispa. Pedroñataqmi llakikururqa kimsa kutikamaña “kuyawankichu” nispa tapusqanwan, chaymi nirqa: Señor, qamqa tukuy imatam yachanki, yachankim kuyasqaytapas. Chaymi Jesús nirqa: Chaynaqa, ovejaykunatayá michiy.

Hechos 1:18

Mana allin ruwasqanmanta qollqe chaskisqanwanmi chakrata rantirurqa. Chaypi umanpa wichiykuptinmi wiksan llikiruptin llapa chunchulninpas taqtakururqa.

Hechos 1:24

Chaymi Diosta mañakuspanku nirqaku: Señorllayku, qamllam reqsinki lliw runapa sonqontaqa. Reqsiykachiwaykuyá kay iskayninmanta mayqantam akllasqaykita.

Hechos 15:8

Llapa runakunapa sonqon reqsiq Diosmi paykunamanpas Chuya Espiritunta qorqa ñoqanchikman hina, chaynapim qawachiwarqanchik paykunatapas chaskisqanta.

Romanos 3:20

Leyman hinaqa manam pipas Diospa qayllanpiqa mana huchayuqqa kanmanchu, leyqa huchayuq kasqanchiktam reqsichiwanchik.

Romanos 8:27

Llapa runakunapa sonqon reqsiq Diosmi yachan Chuya Espiritupa imam nisqanta. Payqa Diospa munasqanman hinam llapallan iñiqkunapaq mañapun.

1~Corintios 4:5

Chaynaqa, qamkunapas amayá manaraq tiemponpiqa juzgaychikchu, Señorninchik Jesucristo hamuspan tutayaypi pakasqa kaqkunata achkiyman hurqomunankama. Paymi qawachinqa runakunapa sonqonpa munasqankunata, chayraqmi sapakamata Dios hatunchanqa.

1~Pedro 3:4

Aswanqa suma-sumaq kaynikichikqa sonqoykichikmantayá lloqsimuchun, chayna hawkalla kawsakuspam llampu sonqo espirituyuq kankichik, chayna kawsakuymi Diospa qayllanpiqa anchapas allin.

1~Pedro 5:5

Jovenkuna, qamkunapas ancianokunatayá kasukuychik. Llapaykichikyá uchuychakuspa kasunakuychik, Chuya Qellqam kaynata nin: “Diosqa hatun tukuqkunapa contranpim kachkan, uchuychakuqkunatam ichaqa kuyakuyninwan yanapan”, nispa.

Apocalipsis 2:23

Wawankutapas wañurachip-tiymi llapallan iglesiakuna yachanqaku yuyaymanayninkutapas chaynataq son-qonkutapas reqsiq kasqayta, sapakamamanmi ruwasqaykichikman hina qosqaykichik.

1~Samuel 16:7

Ichaqa Tayta Diosmi Samuelta nirqa: Amayá sumaq rikchaynintawan sayaynillantachu qawayqa, paytaqa manam munanichu; runapa qawasqanqa manam ñoqapa qawasqay hinachu, runaqa hawallantam qawan, ñoqam ichaqa sonqonta qawani, nispa.