Lucas 16:11 - CHUYA QELLQA La Biblia en Quechua de Ayacucho 2012

¹¹ Sichum mana allinkunamanta chaskisqaykichik qori-qollqeta mana allinta nanachikuptikichikqa, ¿pitaq cheqap kaqtaqa confiasunkichikman?

Quechua Ayacucho Bible 1987

¹¹ Mana allinkunallapi gastana qollqepi mana confiana kaptikichikqa ¿pitaq confiasunkichikman cheqap kaqtaqa?

Chuya Qellqa 1992

¹¹ Sichum mana allinkunamanta chaskisqaykichik qori-qollqeta mana allinta nanachikuptikichikqa ¿pitaq cheqap kaqtaqa confiasunkichikman?

Lucas 16:11 Iomraidhean Croise

Mateo 6:24

Manam pipas iskay patrontaqa servinmanchu, hukninta cheqnispanchá huknintañataq kuyanman, otaqmi hukninman hapipakuruspan huknintañataq wischupakunman. Manam Diostawan qori-qollqetaqa serviwaqchikchu.

Lucas 12:33

Kapuqnikichikta rantikuspayá mana imayuqkunaman qoychik. Chaynata ruwaspaqa hanaq pachapi mana mawkayaq wayqamanmi mana tukuq kapuqnikichikta huntachichkankichik. Chaymanqa manam suwapas chayanchu, chaypiqa manataqmi puyupas tukunchu.

Lucas 16:12

Sichum runapa kaqta yanqachaptikichikqa, ¿pitaq kikikichikpa kaqtaqa qosunkichikman?

Lucas 16:9

Chaynaqa, nikichikmi: Mana allinkunamanta chaskisqaykichik qori-qollqewanqa amistadkunatayá armaychik, chaynapi qollqekichik manaña kaptinpas hanaq pachapi chaskisunaykichikpaq.

Lucas 18:22

Chayta uyarispanmi Jesusñataq nirqa: Chaywanpas kayraqmi ruwanayki kachkan, rispayki tukuy kapuqnikita rantikaramuy hinaspa chay qollqeta wakchakunaman qoykamuy, chaynapim hanaq pachapi kapuqniyuq kanki, hinaspayá qatiway, nispa.

Efesios 3:8

Llapallan iñiqkunamanta mana valeqpaq hapikuchkaptiypas, Diosqa ñoqata kuyawaspanmi kunawarqa, mana judío kaqkunaman Cristomanta hatun valorniyuq pakasqa kaq allin noticiata willakunaypaq.

Santiago 2:5

Kuyasqay wawqe-panillaykuna, uyariykuwaychikyá, kay pachapi wak-chakunataqa Diosninchikmi akllarqa iñiyninkupi apu kanankupaq hinaspa kuyaqninkunaman prometesqan Diospa munaychakusqanta chaskinankupaq.

Apocalipsis 3:18

Chaynaqa, ñoqam consejayki ninapi chuyanchasqa qorita rantiwaspayki cheqapta apu kanaykipaq, yuraq pachatapas rantiway penqaynikita tapakunaykipaq, rantiwaytaqyá coliriotapas ñawikiman sutuchispa allinta qawakunaykipaq.