Lucas 15:4 - CHUYA QELLQA La Biblia en Quechua de Ayacucho 2012

⁴ ¿Mayqannikichiktaq qamkunamanta pachak ovejanmanta huknin chinkaruptin isqon chunka isqonniyuqta purunpi saqeykuspa, chay chinkaq ovejata tarimunankama mana maskamunmanchu?

Quechua Ayacucho Bible 1987

⁴ —Huk kaqnikichikpa pachak ovejanmanta huknin chinkaruptinqa ¿manachum isqon chunka isqonniyoqta chunniqpi saqeykuspa tarimunankama maskamunqa?

Chuya Qellqa 1992

⁴ ¿Mayqannikichiktaq qamkunamanta pachak ovejanmanta huknin chinkaruptin isqon chunka isqonniyuqta purunpi saqeykuspa, chay chinkaq ovejata tarimunankama mana maskamunmanchu?

Lucas 15:4 Iomraidhean Croise

Isaías 53:6

Ovejakuna hinam chinkarurqanchik, sapakamam munasqanchikman pasakurqanchik, ichaqa Tayta Diosmi huchanchikta payman qepiykachirqa.

Jeremías 33:13

Chaynataqmi orqokunapi kaq llaqtakunapipas, pampakunapi kaq llaqtakunapipas, Neguev law llaqtakunapipas, Benjamín allpapipas, Jerusalén llaqtapa muyuriqninkunapipas chaynataq Judá nacionpi kaq llaqtakunapipas, michiqkunam ovejakunata kaqllamanta yupanqaku. Ñoqa Tayta Diosmi chaynata nini.

Jeremías 50:6

Llaqtayqa chinkasqa ovejakuna hinam karqa, michiqninkunam ñanta pantarachispa orqokunapi cheqesqata saqerurqaku. Orqon-orqon purispankum kanchankutapas qonqarurqakuña.

Ezequiel 34:16

Chinkasqa ovejakunatam maskamusaq, chullaruqtam kutichimusaq, chakin pakisqakunatam wataykusaq, eqoyasqakunatam marqarikusaq. Poqosqakunatawan kallpasapankunatam ichaqa puchukarachisaq, imam kaqman hinam michisaq.

Ezequiel 34:31

Runaykunaqa ovejaykunam kankichik, michinay pampapi kaq ovejaykunam kankichik, ñoqañataqmi Diosnikichik kani. Ñoqa Tayta Diosmi chaynata nini.

Ezequiel 34:4

Eqoyaruq ovejakunatapas manam kallpanchankichikchu, onqoruqtapas manam hampiykunkichikchu, chakin pakikuruqtapas manam wataykunkichikchu, chullaruqkunatapas manam kutiykachinki-chikchu, chinkaruqkunatapas manam mas-kamunkichikchu, aswanqa maqa-maqaris-pam paykunapi munaychakunkichik.

Ezequiel 34:8

Sutiyraykum kaynata nini: Mana michiqniyuq kasqankuraykum ovejaykunata tukuy rikchaq purun animalkuna hapiruspa mikukurunku. Ovejay michiqkunapas manam maskamunkuchu; kikillanku michikuspankum ovejaykunataqa mana michinkuchu

Mateo 12:11

Chaymi Jesús nirqa: ¿Mayqannikichiktaq ovejaykichik uchku-man wichiykuptin, samana punchawpi mana hurqowaqchikchu?

Lucas 13:15

Señorñataqmi nirqa: ¡Yaw, llapa iskay uyakuna! ¿Manachum qamkunapas toroykichikta otaq asnoykichikta samana punchawpi paskaspa yaku tomachiq pusankichik?

Lucas 15:3

Hinaptinmi Jesusñataq kay rikchanachiyta nirqa:

Lucas 19:10

Runapa Churinqa chinkasqakunata maskaspa salvaqmi hamurqa, nispa.

Romanos 2:1

Chaynaqa, manam imananchu pim kasqaykipas, sichum runamasikita juzgaspaqa, paykuna hina huchallikusqaykiraykum kikillayki sentenciakuchkanki; chayraykum mana imayna librakuyta atiwaqchu.

1~Pedro 2:25

Qamkunaqa chullaruq ovejakuna hinam karqankichik, kunanmi ichaqa Cristomanña kutirikunkichik, paymi allin michiq hina almaykichikta michichkan.