Lucas 15:32 - CHUYA QELLQA La Biblia en Quechua de Ayacucho 2012

³² Chay-naqa, ¿imanasqataq kay wawqeki kuti-ramusqanmantaqa mana fiestata ruwaspa kusikuchwanchu? Kay wawqekiqa wañusqam karqa, kunanmi ichaqa kawsariramun; chinkasqam karqa, kunanmi ichaqa tarisqaña”, nispa.

Quechua Ayacucho Bible 1987

³² Wañusqanmanta kawsariramuq hinaspa chinkasqanmanta rikuriramuq wawqekimantaqa kusikuspam fiestata rurananchik” nispa.

Chuya Qellqa 1992

³² Chaynaqa, ¿Imanasqataq kay wawqeki kutiramusqanmantaqa mana fiestata ruwaspa kusikuchwanchu? Kay wawqekiqa wañusqam karqa, kunanmi ichaqa kawsariramun; chinkasqam karqa, kunanmi ichaqa tarisqaña”, nispa.

Lucas 15:32 Iomraidhean Croise

Isaías 35:10

Tayta Diospa librasqankunallam chay ñannintaqa kutimunqaku, kusikuy qapariyllawanñam Sión llaqtaman yaykunqaku, llakikuywan waqakuypas tukunqañam, nispa.

Oseas 14:9

Yachayniyuq runaqa kay willakuyniyta entiendechun, allin tanteakuq runaqa kay nisqaykunata yachachun. Diospa ñanninkunaqa mana pantayniyuqmi, allin ruwaq runaqa chaynintam purinqa, mana kasukuq runakunam ichaqa chaypi urmarunqa.

Mateo 18:11

[Runapa Churinqa chinkasqakunata salvaqmi hamurqa]

Lucas 15:24

Kay churiyqa wañusqañam karqa, kunanmi ichaqa kawsariramun; chinkasqam karqa, kunanmi ichaqa tarisqaña”, nispa. Chaymi kusikuyllawanña fiesta ruwayta qallaykurqaku.

Lucas 15:31

Taytanñataqmi nirqa: “Churilláy, qamqa tukuy tiempom ñoqawan kach-kanki, tukuy imaypas qampam.

Lucas 7:34

Runapa Churin hamuruspa mikuptin vinotapas tomaptinñataqmi ninkichik: “Kay runaqa mikuysapa hinaspa vino upyakuqmi, impuesto cobraqkunapa chaynataq huchasapakunapa amistadninmi”, nispaykichik.

Romanos 11:15

Judiokunata Dios qepanchakuruptinmi llapallan runakuna Dioswan allinyanakurunku. Chaynaqa, ¡mayna allinraq kanqa judiokunata Dios chaskiykuptinqa! ¡Wañuymanta kawsarimuchkaq hinaraqcha kanqaku!

Romanos 3:19

Yachanchikmi leypa nisqanqa leyman hina kawsaqkunapaqmi qosqa karqa, chaynapi siminku wichqasqa kananpaq hinaspa llapallan runakuna Diospa juzgasqan kanankupaq.

Romanos 3:4

Manam, llapallan runakunaña llulla kachkaptinkupas aswanraqmi Diosqa cheqap kaqwan imatapas ruwan. Chuya Qellqapim kaynata nin: “Cheqap rimaq kasqaykitam reqsichikunki, chaynapim juzgasqa kaspaykipas vencenkipuni”, nispa.