Lucas 15:18 - CHUYA QELLQA La Biblia en Quechua de Ayacucho 2012

¹⁸ Chaynaqa, kutispayá taytayta nimusaq: Taytáy, Diospa contranpiwan qampa contraykipim huchallikuruni.

Quechua Ayacucho Bible 1987

¹⁸ Taytayman kutispayá nimusaq: ‘Taytáy, huchallikurunim Diospa contranpi hinaspa qampa contraykipi.

Chuya Qellqa 1992

¹⁸ Chaynaqa, kutispayá taytayta nimusaq: Taytáy, Diospa contranpiwan qampa contraykipim huchallikuruni.

Lucas 15:18 Iomraidhean Croise

2~Crónicas 33:19

Mañakuyninpas, chay mañakuyninpa contestasqa kasqanpas, imakunawanmi huchallikusqanpas, Tayta Diosta qepanchasqanpas, maykunapim capillakuna ruwachisqanpas, manaraq Tayta Diospa qayllanpi uchuychakuchkaspa Asera idolokunatawan rikchaqmana idolokunata ruwachispan maykunapim churasqanpas, profetakunapa qellqasqan libropim qellqasqa kachkan.

Proverbios 23:13

Warma corregiytaqa ama manchakuychu, azoteruptikiqa manam wañurunqachu;

Isaías 63:16

¡Qanmi taytayku kanki! Taytayku Abrahamña qonqawaptinkupas, taytayku Jacobña saqewaptinkupas, Dios Taytallayku qanmi Taytayku kanki, wiñaymanta wiñaykama libraqniykum kanki.

Jeremías 3:19

Ñoqam tapukurqani: ¿Imaynataq churiypaq hapikichikman hinaspa kay pachapi aswan allinnin allpataraq qoykichikman? nispay. Ñoqam piensarqani, Taytalláy niwaspaykichik mana haykapipas ñoqamanta rakikunaykichikta.

Jeremías 31:20

Ñoqa Tayta Diosmi nini: Efraín llaqtaqa kuyasqay churiymi, payqa ancha kuyasqay churiymi; qaqcharuspaypas paytaqa manam qonqanichu, paymantaqa sonqoypas waqanmi, paymantaqa sinchitam llakikuni.

Lamentaciones 3:29

Uchuychakuspayá siminta allpakama churachun, ichapas Tayta Diosqa yanapaykunmanraq.

Lamentaciones 3:40

Imaynam kawsasqanchiktayá allinta qawarikusun, huktawanyá Tayta Diosman kutirikusun.

Daniel 4:26

Reynilláy, qamqa uyarirqankitaqmi sapiyuq kulluntaqa hina allpallapi saqenankumanta, chaypa imam ninanqa kaymi: Tayta Dios kay pachapi munaychakusqanta reqsikuptikiñam kamachikuynikitaqa kutiykachisunki.

Jonás 2:4

Hinaptinmi qayllaykimanta wischuruwasqaykitaña piensarqani, chaywanpas huktawanmi temploykita qawaykusaq.

Jonás 3:9

Diosqa icharaqpas llakipayariwaspanchik piñakuyninta sapaqchaykuptin mana puchukaruchwanchu, nispa.

Mateo 3:6

Chaymi huchankuta reqsikuspa willakuptinku, Juanñataq Jordán mayupi bautizaq.

Mateo 6:14

Runamasikichikpa pantasusqaykichikta pampachaptikichikqa hanaq pachapi Taytaykichikpas pampacha-sunkichikmi.

Mateo 6:9

Qamkunaqa kay-natayá mañakuychik: Hanaq pachapi kaq Taytayku, sutiki hatunchasqa kachun,

Mateo 7:11

Sichum qamkunapas mana allin runakuna kachkaspa allin kaqkunata churikichikman qochkaptikichikqa, ¿manachum hanaq pachapi Taytaykichikqa haykam mañakuqninkunamanqa allin kaqkunata qoykusunkichikman?

Lucas 11:2

Chaymi Jesusñataq nirqa: Diosta mañakuspaqa kaynatam ninkichik: Hanaq pachapi kaq Taytayku, sutiki hatunchasqa kachun, munaychakuyniki hamuchun, munasqayki ruwasqa kachun, kay pachapi chaynataq hanaq pachapipas.

Lucas 15:17

Huk punchawmi yuyaymanaspan nirqa: “Taytaypa wasinpi llamkaqkunaqa allin mikusqam kachkanku, ñoqañataqmi kaypi yarqaymanta wañuruchkaniña.

Lucas 15:19

Manañam churiymi niwanaykipaq hinañachu kani, hukkaqnin llamkapusuqnikita hinallañayá chaskiykullaway nispay”.

Lucas 15:21

Churinñataqmi nirqa: “Taytáy, Diospa contranpiwan qampa contraykipim huchallikuruni. Manañam churiymi niwanaykipaq hinañachu kallani”, nispa.

Lucas 18:13

Impuesto cobraqñataqmi qepallapi sayaruspan cielotapas mana qawarispan qasqonta takakuspan nirqa: “Diosnilláy kuyapayariykullaway, huchasapam kallani”, nispa.