Lucas 14:13 - CHUYA QELLQA La Biblia en Quechua de Ayacucho 2012

¹³ Convidota ruwaspaykiqa, wakchakunata, suchukunata, wistukunata hinaspa ñawsakunatayá qayay.

Quechua Ayacucho Bible 1987

¹³ Convidota ruraspaykiqa qayaykuy wakchakunatawan suchukunatayá hinaspa wistukunatawan ñawsakunata.

Chuya Qellqa 1992

¹³ Convidota ruwaspaykiqa, wakchakunata, suchukunata, wistukunata hinaspa ñawsakunatayá qayay.

Lucas 14:13 Iomraidhean Croise

2~Samuel 6:19

Hinaspanmi chaypi tarikuq Israel runakunaman, qarimanpas warmimanpas, huk tantanka, huk parten aychata chaynataq uvas pasasmanta huk parten tortillata aypurqa. Chaymantam lliw runakuna sapakama wasinkuman kutikurqaku.

2~Crónicas 30:24

Judá nacionpa reynin Ezequiasmi llapa runakunaman qoykurqa waranqa torokunatawan qanchis waranqa ovejakunata. Kamachikuqkunapas waranqa torokunatawan chunka waranqa ovejakunatam qorqaku. Sacerdotekunapas achkallañam chuyanchakurqaku.

Nehemías 8:10

Chaymantam Esdras nirqa: Rispaykichikyá allinnin mikuykunata mikuspa miskin vinota tomamuychik, hinaspayá mana mikunayuq kaqkunamanpas apachiychik. Kunan punchawqa Señorninchikpaq sapaqchasqa punchawmi. Ama llakikuychikchu, Tayta Diospa kusikuyninmi kallpanchikqa, nispa.

Nehemías 8:12

Chaynapim llapa runakunaqa Tayta Diospa kamachikuyninkunata sumaqta yachaykuspanku, kusisqa ripukurqaku mikuspa tomaspa mana mikunayuqkunamanpas mikuyta haywanankupaq.

Jobwan Sutichasqa Libro 29:13

Wakchayayman chayaruq runakunapas graciastam qowaqku, viudakunapas yanapaykuptiymi kusikuywan takiqku.

Proverbios 14:31

Wakchata ñakarichiq runaqa unanchaqninpa contranpim hatarichkan, wakchata llakipayaq runam ichaqa unanchaqninta hatunchan.

Proverbios 22:9

Runamasinta llakipayaq runaqa, wakchakunaman mikuykachisqanraykum bendecisqa kanqa.

Isaías 58:10

yarqaymanta kaqkunata mikuykachiptikiqa, ñakariqkunata sasachakuyninpi yanapaykuptikiqa achkiy hinam tutayaypi kancharinki, llantuynikipas chawpi punchawpi achkiy hinam rikurinqa.

Isaías 58:7

yarqasqa runata mikuykachiymi, mana wasiyuqta wasikipi samaykachiymi, mana pachayuqta pachaykachiymi, runamasikita tukuy imapi yanapaykuymi.

Mateo 15:30

Chaymanmi achkallaña runakuna huñunakaramurqaku, hinaspam wistukunata, wañusqa makiyuqkunata, ñawsakunata, mana rimaqkunata chaynataq tukuy rikchaq onqoyniyuqkunata apamuspanku Jesuspa ñawpaqninman asuykachiptinku sanoyachirqa.

Mateo 22:10

Chaymi serviqninkuna rispanku haykam tupasqankuta pusamurqaku, pusamurqakutaqmi allin runakunatapas chaynataq mana allin runakunatapas. Chaymi casamientoqa achkallaña convidasqakunawan huntaykurqa.

Lucas 11:41

Kapusuqnikichikmantayá limosnatapas qoychik, chaynapi tukuy imapas limpio kapusunaykichikpaq.

Lucas 14:12

Convidaqnin fariseotapas nirqataqmi: Almuerzopaq otaq cenaypaq convidota ruwaspaykiqa, wawqekitapas, aylluykitapas otaq apu vecinoykitapas ama qayaychu, chaynata ruwaptikiqa yanqañataq paykunapas convidarususpayki kutichipusunkiman.

Lucas 14:14

Chaynata ruwaspaykiqa ancha kusisqam kanki, paykunaqa manam kutichipuyta atisunkimanchu, ichaqa allin ruwaqkuna kawsarimuptinmi Diosña kutichipusunki.

Lucas 14:21

Chaymi serviqninqa kutiruspan patronninman willaykurqa. Patronñataqmi llumpayta piñakuruspan serviqninta huktawan kamachirqa: “Chaynaqa, plazakunaman, callekunaman riy hinaspa wakchakunata, suchukunata, ñawsakunata, wistukunata pusamuy”, nispa.

Hechos 9:39

Chaynata Pedroman willaykuptinkum paykunawan pasarqa. Chayaruptinmi Pedrota wañuqpa kasqan cuartoman pusaykurqaku, chaymi llapa viudakuna Pedroman asuykuspanku waqastin Dorcaspa ruwasqan pachakunata qawa-chirqaku.

Deuteronomio 14:29

Chaynapim llaqtaykichikpi yachaq mana allpayuq levitakuna saksanankukama mikunqaku, mikunqakutaqmi qamkunawan yachaq huklaw llaqtayuqkunapas, mana tayta-mamayuqkunapas chaynataq viudakunapas. Hinaptinqa Señornikichik Tayta Diosmi tukuy ruwasqaykichikpi bendecisunkichik.

Deuteronomio 16:11

Señornikichik Tayta Diospa qayllanpim hatun fiestata ruwaspa churikichikkunawan, criadoykichikkunawan, criadaykichikkunawan, llaqtaykichikpi yachaq levitakunawan, huklaw llaqtayuqkunawan, mana tayta-mamayuqkunawan hinaspa viudakunawan kuska kusikunkichik. Chaytaqa Señornikichik Tayta Diospa akllasqan sitiopim ruwankichik.

Deuteronomio 16:14

Chay fiestapim churikichikkunawan, serviqnikichikkunawan, llaqtaykichikpi yachaq levitakunawan, huklaw llaqtayuqkunawan, mana tayta-mamayuqkunawan chaynataq viudakunawan kuska kusikunkichik.

1~Timoteo 3:2

Iñiqku-namanta nanachikuqqa kanan: Mana pipapas anyananmi, huk warmiyuqllam, imamantapas controlakuqmi, allin yuyaywan imapas ruwaqmi, allichakuyninpas kanan allinmi, visitakuna allin chaskiykuqmi, allin yachachikuqmi,

1~Timoteo 5:10

Payqa wawankuna allin uywasqanwanmi, visitakuna allin chaskisqanwanmi, iñiqmasinkunapa chakin mayllaykusqanwanmi, ñakariqkunata yanapasqanwanmi hinaspa tukuy imapas allinkuna ruwasqanwanmi reqsichikuna.

Tito 1:8

Payqa kanan: Wasinpi samaykachikuqmi, allin kaqkunata kuyaqmi, allin piensaqmi, allin arreglo ruwaqmi, Diosllapaqña sapaqchakuqmi hinaspa genionta controlakuqmi.

Filemón 1:7

kuyakuyniyuq kasqaykiwanmi llumpay kusisqa hinaspa kallpanchasqa kachkani. Wawqelláy, qanmi iñiqmasinchikkunapa sonqonta kusikuywan kallpanchaykurqanki.

Hebreos 13:2

Wasikichikpi samaykachiytapas amayá qonqaruychikchu, wakinkunam chayta ruwaspanku mana yachastin angelkunata samaykachirqaku.