Lucas 13:35 - CHUYA QELLQA La Biblia en Quechua de Ayacucho 2012

³⁵ Chayraykum wasikichikpas chunninqa. Nikichikmi, manañam rikuwankichikñachu: “Señorpa sutinpi hamuqyá qapaqchasqa kachun” nispa niwanaykichik punchawkama.

Quechua Ayacucho Bible 1987

³⁵ Chayraykum wasikichik chunninqa. Nikichikmá, manañam rikuwankichikñachu: “Alabasqayá kachun Señorpa sutinpi hamuqqa” nispa niwanaykichikkama.

Chuya Qellqa 1992

³⁵ Chayraykum wasikichikpas chunninqa. Nikichikmi, manañam rikuwankichikñachu: “Señorpa sutinpi hamuqyá qapaqchasqa kachun” nispa niwanaykichik punchawkama.

Lucas 13:35 Iomraidhean Croise

Isaías 52:7

Mayna kuyayllapaqmi orqonkunata hamuptin allin musoq noticia willakuqpa chakinkunaqa, payqa hawkayaymantam willakun, payqa allin noticiatam willakun, payqa salvacionmantam willakun. Payqa Sión llaqtatam nin: ¡Diosnikiqa munaychakuq Reymi! nispa.

Jeremías 22:5

Kay nisqaykunata mana kasukuptikichikqa, kay palaciom tuñichisqa kanqa. Ñoqa Tayta Diosmi chaynata nini.

Jeremías 35:17

Chayraykum Israelpa yupaychasqan Tukuy Atiyniyuq Tayta Dios kaynata nin: Judá nacionpa chaynataq Jerusalén llaqtapi yachaqkunapa contranpi sasachakuykuna rimasqaytam paykunaman kacharimusaq. Qamkunaqa rimapayaptiypas manam kasuwarqankichikchu, qayaptiypas manataqmi contestawarqankichikchu, nispa.

Miqueas 3:12

Chaynaqa, qamkunapa huchaykichikmantam Sión llaqtapas yapusqa chakraña kanqa, Jerusalenñataqmi soqyasqa rumillamanña tikrasqa kanqa. Templopa kanan moqopas mana allin qorakunawanmi monteyanqa, nispa.

Zacarías 12:10

Davidpa mirayninkunamanwan Jerusalenpi yachaqkunamanmi ichaqa llakipayakuq hinaspa mañakuq espirituta chaqchurimusaq. Hinaptinmi ñoqata, lanzawan tuksisqankuta qawaspa, piwi churinkumanta hina waqanqaku, sapallan wawankumanta hinam llakikunqaku.

Zacarías 14:2

Tayta Diosmi kaynata nin: Chay punchawpim llapa nacionkunata hatarirachisaq Jerusalenpa contranpi peleanankupaq. Hinaspam llaqtata venceruspanku wasikunata salteaspa warmikunatapas abusanqaku. Llapa runatam partenta presota apanqaku, puchuqkunañataqmi hinapi qepanqaku, nispa.

Mateo 21:9

Ñawpaqninta qepanta riq runakunañataqmi qaparir-qaku: ¡Davidpa churinqa yupaychayqayá kachun! ¡Señorpa sutinpi hamuqqa yupaychasqayá kachun! ¡Hanaq pacha-pipas Diosqa yupaychasqayá kachun! nispanku.

Mateo 23:37

¡Jerusalén, Jerusalén! ¡Profetakunata wañuchispam qanman kachamusqakunata rumiwan chamqapanki! ¡Hayka kutitataq wawaykikunata huñuykuyta munarqani! imaynam chiwchinkunata wallpa rapran ukupi oqllaykuq hina, ichaqa manam munarqankichu

Lucas 19:41

Jerusalenman hichpaykuspanmi, llaqtata qawarispan Jesús waqarqa:

Lucas 21:24

Wakinmi espadawan wañuchisqa kanqaku, wakinñataqmi huklaw nacionkunaman preso apasqa kanqaku. Jerusalén llaqtapas Diosta mana reqsiqkunapa sarupasqanmi kanqa, chaynaqa kanqa Diosta mana reqsiqkunapa munaychakunan tiempo tukunankamam.

Juan 12:13

Paykunam palmerapa kallmanku-nata kuchuspanku Jesusta chaskinankupaq rirqaku, hinaspankum kaynata qaparirqaku: ¡Yupaychasunchik! ¡Qapaqchasqayá kachun Señorpa sutinpi hamuq Israelpa Reyninqa! nispanku.