Lucas 13:34 - CHUYA QELLQA La Biblia en Quechua de Ayacucho 2012

³⁴ ¡Jerusalén, Jerusalén! ¡Profetaku-natam wañuchinki! Diospa kachamususqayki willakuqkunatam rumiwan chamqapanki, ¡maynatam munarqani chiwchinkunata rapran ukupi huñuykuq wallpa hina wawaykikunata huñuykuyta, ichaqa manam munarqankichu!

Quechua Ayacucho Bible 1987

³⁴ —¡Jerusalen, Jerusalen! ¡Qamqa Diosmanta willakuqkunatam wañuchinki! ¡Qanman kachamusqa runakunatam rumiwan chamqapanki! Rapran ukupi chiwchinkunata wallpa huñuykuq hinam achka kutita munarqani runaykikuna huñuykuyta ichaqa manam munarqankichu.

Chuya Qellqa 1992

³⁴ ¡Jerusalén, Jerusalén! ¡Profetakunatam wañuchinki! Diospa kachamususqayki willakuqkunatam rumiwan chamqapanki ¡Maynatam munarqani chiwchinkunata rapran ukupi huñuykuq wallpa hina wawaykikunata huñuykuyta, ichaqa manam munarqankichu!

Lucas 13:34 Iomraidhean Croise

Nehemías 9:26

Paykunam ichaqa mana kasukurqakuchu, contraykipi hatarispankum kamachikuynikita qepancharqaku, qanman kutirikamunankupaq rimapayaqninku profetaykikunatapas wañurachispankum llumpayta piñachisurqanki.

Nehemías 9:30

Paykunataqa watantin-watantinmi pacienciaykurqanki, Espirituykiwan hinaspa profetaykikunawanmi qaqchachirqanki, paykunam ichaqa mana kasukurqakuchu, chayraykum kay pachapi nacionkuna munaychakunanpaq kachaykurqanki.

Isaías 30:15

Israelpa yupaychasqan Chuya Diosmi kaynata nin: Wanakuywan kutirimuspa hawkalla kaspam salvasqa kankichik, hawkalla hinaspa hapipakuq kaspaykichikmi kallpasapa kankichik, ichaqa manam kasukurqankichikchu;

Isaías 50:2

¿Imanasqataq hamuspayqa mana pitapas tarirqanichu? ¿Imanasqataq qayakuptiypas mana pipas rimarirqachu? ¿Makiychu pisiparun qamkunata manaña libray atinaypaq? ¿Atiyniychu tukurun qamkunata manaña salvanaypaq? Kamachispallaymi lamar qochata chakichini, kamachispallaymi mayukunata chakichini, challwankunapas yakumantam wañuruspa ismurunku.

Jeremías 2:30

Yanqapaqmi miraynikichikkunatapas castigarqani, paykunaqa manam corregikuyta munarqakuchu. Imaynam león wañuchin runakunata, chaynam profetaykunata espadawan wañuchirqankichik.

Jeremías 26:23

Paykunam Uriasta Egipto nacionmanta pusaramuspanku rey Joacinman qoykurqaku. Chaymi rey Joacim kamachikuptin espadawan wañurachispanku, wakchakunata pampananku uchkuman ayanta wischuykamurqaku, nispanku.

Jeremías 35:14

Recabpa churin Jonadabpa mirayninkunam, vinota ama tomanankupaq kamachisqanta cumplirunku. Chayraykum vinotaqa kunan punchawkamapas mana tomankuchu. Ñoqapas mana samaykuspaymi ñataq-ñataq kamachirqaykichik, ichaqa manam kasuwarqankichikchu.

Jeremías 35:17

Chayraykum Israelpa yupaychasqan Tukuy Atiyniyuq Tayta Dios kaynata nin: Judá nacionpa chaynataq Jerusalén llaqtapi yachaqkunapa contranpi sasachakuykuna rimasqaytam paykunaman kacharimusaq. Qamkunaqa rimapayaptiypas manam kasuwarqankichikchu, qayaptiypas manataqmi contestawarqankichikchu, nispa.

Jeremías 6:16

Tayta Diosmi runankunata kaynata nin: Ñankunapi sayaykuspa qawariychik, ñawpaq ñankunamanta tapukamuychik, mayqanmi allin ñan kasqanta tapukamuychik; chayninta purispaqa samaytam tarinkichik, nispa. Paykunam ichaqa nirqaku: Manam chaynintaqa puriymankuchu, nispanku.

Lamentaciones 1:16

Chayraykum waqachkani, paray mayum weqellaypas suturichkan, manam piniypas consuelawaqniy kanchu, manam kallpanchaqniypas kanchu. Enemigoykunam venceruwaspa wawaykunata lliw wañurachin.

Lamentaciones 4:13

Chaykunaqa pasakurqa profetakunapa huchanmantam, sacerdotekunapa mana allinkuna ruwasqanmantam, inocente runakunata llaqta ukupi wañuchisqankumantam.

Oseas 11:2

Ichaqa aswan-aswan qayachkaptiypas aswanraqmi ñoqamanta karunchakurqaku, Baal idolomanraqmi sacrificiokunatapas qorqaku, idolokunapaqraqmi inciensokunatapas qontichipurqaku.

Oseas 11:7

Llaqtayqa hinallaraqmi ñoqamanta karunchasqa kachkan, chayraykum qayakamuwaptinpas mana uyarisaqchu.

Joel 2:23

Sión moqopi yachaqkuna, Diosnikichikpi kusikuychik, payqa yapuy paratapas tiempollanpim qosunkichik, yapuy paratapas poqoy paratapas ñawpaqpi hinam tiempollanpi qosunkichik.

Zacarías 1:4

Amayá taytaykichik hinaqa kaychikchu, paykunatam ñawpaq profetakuna kaynata qaqcharqaku. Tukuy Atiyniyuq Tayta Diosmi kaynata nin: “Mana allin kawsaynikichik-mantawan mana allin ruwaynikichikmanta kutirikamuwaychik”, nispa. Ichaqa paykunam mana uyariqpas tukurqakuchu, nitaqmi kaqpaqpas hapirqakuchu. Tayta Diosmi chaynata nin.

Mateo 22:3

Paymi serviqninkunata kacharqa convidoman qayachisqankunata pusamunankupaq, qayachimusqankunam ichaqa mana hamuyta munarqakuchu.

Mateo 22:6

Wakinñataqmi reypa serviqninkunata hapiruspanku maqaparuspa wañu-rachirqaku.

Lucas 15:28

Chaymi llumpayta piñakuspan mana yaykuyta munarqachu. Hinaptinmi taytanña lloqsiykuspan yaykunanpaq ruegarqa.

Lucas 19:44

Pasaypaq tuñichisqam kanki, runaykikunatapas lliwtam wañuchinqaku. Rumikikunapas manam chullapas perqasqaqa puchunqachu, salvaqniki Diosta mana reqsikusqaykirayku, nispan.

Lucas 23:28

Paykunata qawarispanmi Jesús nirqa: Jerusalén llaqtayuq warmikuna, ama-yá ñoqamantaqa waqaychikchu, waqas-paqa-waqaychik kikikichikmantawan wawaykichikkunamantayá.

Hechos 7:52

¿Mayqan profetatataq ñawpaq taytaykichikkuna mana qatikacharqakuchu? Diospa Churin hamunanmanta willakuqkunatapas wañuchirqakum. Paytam traicionaspaykichik qamkuna wañuchirqankichik.

Hechos 7:59

Rumiwan choqapachkaptinkum, Esteban kaynata mañakurqa: Señor Jesús espirituytayá chaskiykuy, nispa.

Hechos 8:1

Saulom allinpaq hapirqa Esteban wañuchisqankuta. Hina chay pun-chawllapim Jerusalenpi iñiqkunata ñakarichinankupaq qatikachayta qallay-kurqaku. Chaymi llapa iñiqkuna Judea lawman hinaspa Samaria lawman che-qerurqaku, apostolkunallañam qeparurqaku.

Deuteronomio 32:29

Yachayniyuq kaspaqa musyakunmankuchá imapim tukurunankutapas.

Deuteronomio 5:29

Amalaya chayna sonqoyuqlla kanmanku, kasuwaspanku llapallan kamachikuyniykunata sapa punchaw ruwayman churanankupaq, chaynapi paykunapas chaynataq mirayninkupas allin kanankupaq.

Apocalipsis 11:8

Ayankupas hatun llaqtapa plazanpim chutarayanqa. Chay llaqtatam tupachinku Sodomawan hinaspa Egiptowan, chaypim Señorninchikpas chakatasqa karqa.

Rutwan Sutichasqa Libro 2:12

Diosyá tukuy chaykuna ruwasqaykimanta kutichipusunki, Israelpa yupaychasqan Diosyá bendecisunki payman hapipakamusqaykirayku, nispa.