Lucas 13:29 - CHUYA QELLQA La Biblia en Quechua de Ayacucho 2012

²⁹ Intipa qespimunan lawmanta, intipa seqaykunan lawmanta, norte lawmanta hinaspa sur lawmanta hamuspankum Diospa munaychakuyninpi mikunankupaq tiyaykunqaku.

Quechua Ayacucho Bible 1987

²⁹ Diospa munaychakusqanpi tiyaspa mikunankupaqmi hamunqaku tukuy hinastinmanta.

Chuya Qellqa 1992

²⁹ Intipa qespimunan lawmanta, intipa seqaykunan lawmanta, norte lawmanta hinaspa sur lawmanta hamuspankum Diospa munaychakuyninpi mikunankupaq tiyaykunqaku.

Lucas 13:29 Iomraidhean Croise

Génesis 28:14

Chaymi miraynikikuna kanqa ñutu allpa hina mana yupay atina. Paykunam cheqenqa tukuy hinastinman, qamrayku hinaspa miraynikiraykum kay pachapi llapallan ayllukuna bendecisqa kanqa.

Isaías 43:6

Norte lawtam kamachisaq “paykunata kutichimuy”, nispa; sur lawtam kamachisaq “ama paykunata harkamuychu”, nispa; qaritapas warmitapas churiykunata tukuy hinastinmanta pusamuy, nispa.

Isaías 49:6

Tayta Diosmi kaynata nin: “Manam serviqllaychu kanaykiqa, manam Jacobpa mirayninkunata hatarichimuqllachu kanaykiqa, manam Israelmanta puchuqkunata kutirichimuqllachu kanaykiqa; Aswanqa lliw nacionkunata kancharinaykipaqmi churasqayki, chaynapi kay allpa pachaman salvacionniyta chayachinaykipaq”, nispa.

Malaquías 1:11

Ñoqataqa intipa qespimunan lawmanta qallaykuspa intipa seqaykunan lawkamam lliw nacionkuna hatunchawanku, yupaychawanankupaqpas tukuy hinastinpim inciensokunatawan suma-sumaq ofrendakunata kañapuwanku. Llapallan nacionkunapim sutiyqa hatunchasqa. Tukuy Atiyniyuq Tayta Diosmi chay-nata nin.

Mateo 8:11

Nikichiktaqmi, achkaqmi tukuy hinastinmanta hamunqaku, hinaspam Diospa munaychakuyninpi Abrahamwan, Isaacwan hinaspa Jacobwan mikunankupaq tiyaykunqaku.

Marcos 13:27

Paymi angelninkunata kamachinqa llapallan akllasqankunata kay pachapa patanmanta-patankama may karupiña kaptinkupas huñumunankupaq.

Lucas 13:30

Qepa kaqkunam puntapi kanqaku, puntapi kaqkunañataqmi qepapi kanqaku, nispa.

Hechos 28:28

Chaynata Pablo rimaruspanmi nirqa: Kunanmantaqa yachaychikyá, Diospa salvacionninqa mana judío kaqkunamanpas willasqañam kanqa, paykunam ichaqa uyarinqaku, nispa.

Colosenses 1:23

Ichaqa chayna kanaykichikpaqqa qaqa hinayá iñiynikichikpi sayaychik ama iskayrayaspa, salvakunaykichikpaq allin noticia uyarisqaykichikman hapipakuspa. Kay allin noticiaqa willakusqa kachkan kay pachapi llapallan runakunamanmi, chayta willakunaypaqmi ñoqa Pablopas churasqa karqani.

Colosenses 1:6

Chay palabraqa qamkunamanwan hinaspa lliw kay pachapi runakunamanmi chayamurqa, hinaspam allinta ruruspan tukuy hinastinpi mirachkan, chaynaqa kachkan uyarisqaykichik hinaspa Diospa kuyakuynin chaskisqaykichik punchawmantaraqmi.