Lucas 13:19 - CHUYA QELLQA La Biblia en Quechua de Ayacucho 2012

¹⁹ Diospa munaychakuyninqa rikchakun huk runapa tarpusqan mostaza muhumanmi, wiñaruspa sachayaruptinmi urpikunapas kallmankunapi qesachakun, nispa.

Quechua Ayacucho Bible 1987

¹⁹ Diospa munaychakusqanqa rikchakun huk runapa tarpusqan mostaza muhumanmi, montearunankama wiñaruptinmi silguerokunapas kallmankunapi *f**qesachakun.

Chuya Qellqa 1992

¹⁹ Diospa munaychakuyninqa rikchakun huk runapa tarpusqan mostaza muhumanmi, wiñaruspa sachayaruptinmi urpikunapas kallmankunapi qesachakun, nispa.

Lucas 13:19 Iomraidhean Croise

Cantares 4:12

Warma yanachalláy, qamqa kanki: Cercosqa huertam, wichqasqa qocham, pakasqa pukyum.

Cantares 4:16

Hanay lawmanta pukumuq wayra ¡hatariy! Uray lawmanta pukumuq wayra, ¡kallpamuy! Miskillaña asnaynikichikta huertaypi pukuriychik. Kuyakusqalláy, huertaykimanyá hamukuy, miskillaña rurunkunatayá mikuykuy.

Cantares 6:2

Warma yanayqa huertanmanmi pasakun, miski asnaq plantakunapa kasqanmanmi pasarun, huertanpi michispa amanqaykunata pallakunanpaqmi pasakun.

Cantares 8:13

Huertakunapi munaychakuq kuyakusqalláy, amistadnikikunam simikita uyarinku. ¡Uyariykachiwayá ñoqamanpas!

Isaías 53:1

¿Pitaq willakusqaykuta cheqapmi nirqa? ¿Pimantaq atiyninta Tayta Dios rikuchirqa?

Isaías 53:10

Tayta Diosmi sinchi nanaywan ñakarichirqa, huchanchikkunaraykum vidanta ofrendata hina wañuyman churaykurqa, ichaqa unay watakunam kawsakunqa, mirayninkunatam rikunqa, Tayta Diosmi paynintakama munasqanta ruwanqa.

Isaías 58:11

Ñoqa Tayta Diosmi sapa punchaw pusasqayki, mana imapa kananpim saksasqata uywasqayki, cuerpoykitam kallpanchasqayki, parqosqa huerta hinam kanki, mana chakiq pukyu hinam kanki.

Isaías 61:11

Imaynam muhukuna allpamanta wiñan, imaynam plantakuna huertapi ikllimuspa wiñan, chaynatam Tayta Diospas allin ruwaykunata wiñachinqa, hinaptinmi lliw nacionkuna Tayta Diosta yupaychanqaku.

Isaías 9:7

Rey Davidpa trononmantam kamachikunqa, munaychakuyninpa atiyninmi tukuy hinastinman chayanqa, munaychakuyninpiqa hawkayaypas manam tukunqachu, munaychakuyninqa wiña-wiñaypaqmi takyanqa. Mana pimanpas sayapakuspam kamachikunqa, allin arreglokunawanmi munaychakunqa, kunanmanta wiña-wiñaykama. Tukuy Atiyniyuq Tayta Diospa kuyakuyninmi chaytaqa ruwanqa.

Jeremías 31:12

Sión moqomanmi kusikuymanta qaparistin hamunqaku, Tayta Diosmi bendecinqa trigowan, vinowan, aceitewan, ovejankuwan hinaspa vacakunawan; chaymi llumpayta kusikunqaku. Paykunaqa parqosqa huerta hinañam kanqaku, manañam ima sasachakuytapas reqsinqakuñachu.

Ezequiel 31:6

Kallmankunapipas tukuy rikchaq alton pawaq urpikunam qesachakurqaku, llantuyninpipas tukuy rikchaq purun animalkunam wachakurqaku. Llantuyninpiqa achkallaña nacionkunam yachakurqaku.

Daniel 4:12

Mayna sumaqmi llaqenkunapas kasqa, rurunkunapas llumpaymi kasqa, chaypiqa llapallanpaqmi mikuykunapas kasqa. Purun animalkunapas ukunpim llantukusqaku, alton pawaq animalkunapas kallmankunapim qesachakusqaku, llapallan kawsaqkunapas chayllawanmi kawsasqaku.

Daniel 4:21

Chay sachapaqa llaqenkunapas sumaqllañam karqa, rurunkunapas llapallanku mikunankupaqmi achkallaña karqa, purun animalkunam chay sachapa ukunpi llantukurqaku, kallmankunapipas alton pawaq animalkunam qesachakurqaku.

Zacarías 2:11

Chay punchawpim achka nacionkuna Tayta Diosman hukllawakunqaku, paykunapas llaqtanñam kanqaku, Diosmi chawpikichikpi yachanqa. Chaynapim yachankichik Tukuy Atiyniyuq Tayta Dios kachamuwasqanta.

Mateo 17:20

Chaymi Jesusñataq nirqa: Pisi iñiyniyuq kasqaykichikraykum. Cheqaptapunim nikichik, sichum iñiyni-kichik huk mostazapa muhun hinallapas kaptinqa, kay orqotam niwaqchik: “Kaymanta waklawman suchuy” nispa, hinaptinqa pasanmanmi. Manam imapas sasaqa kanmanchu, nispan.

Marcos 4:30

Jesusmi huktawan nirqa: ¿Imawantaq Diospa munaychakuyninta tupachichwan? ¿Imawantaq rikchanachichwan?

Lucas 17:6

Chaymi Señorñataq nirqa: Mostazapa muhun hinallapas iñiynikichik kaptinqa kay purun higos sachatam niwaqchik: “Sapikimanta chutakuspa lamar qochapiña sapichakamuy” nispa, hinaptinqa kasusunkichikmanmi.

Hechos 2:41

Hinaptinmi Pedropa nisqanta kasu-kuqkunaqa bautizachikurqaku, chaynapim iñiqkunaman chay punchawpi yaqa kimsa waranqa runakuna yapakurqaku.

Hechos 21:20

Uyariykuspankum Diosta yupaycharqaku, hinaspam Pablota nirqaku: Wawqelláy, yachasqaykipi hinapas waranqanpim judiokuna Jesucristoman iñikurunku, ichaqa hinallaraqmi Moi-sespa leyninman hapipasqa kachkanku.

Hechos 4:4

Chaywanpas achkaq uyariqkunam iñikurqaku, qarikunallam karqa yaqa pichqa waranqa.

Romanos 15:19

Paypunim señalkunata hinaspa milagrokunata Chuya Espiritupa atiyninwan ruwachiwarqa. Chaymi Cristomanta allin noticiakunata tukuy hinastinpi willakurqani, Jerusalenmanta qallaykuspay Ilírico lawkama.

Apocalipsis 11:15

Trompetanta qanchis kaq ángel tocaykuptinmi hanaq pachamanta hatunmanta qapariy uyarikamurqa: “Kay pachapi munaychakuymi Cristopaña rikurirun, payñam wiña-wiñaypaq munaychakunqa”, niq.