Lucas 13:17 - CHUYA QELLQA La Biblia en Quechua de Ayacucho 2012

¹⁷ Chaynata niptinmi lliw enemigonkuna penqaypi rikurirurqaku. Runakunañataqmi admirakuypaq tukuy ruwasqankunata qawaspanku anchallataña kusikurqaku.

Quechua Ayacucho Bible 1987

¹⁷ Chaynata niptinmi lliw enemigonkuna penqaypi rikurirurqaku. Runakunañataqmi admirakuypaq tukuy rurasqankunata qawaspanku anchallataña kusikurqaku.

Chuya Qellqa 1992

¹⁷ Chaynata niptinmi lliw enemigonkuna penqaypi rikurirurqaku. Runakunañataqmi admirakuypaq tukuy ruwasqankunata qawaspanku anchallataña kusikurqaku.

Lucas 13:17 Iomraidhean Croise

Éxodo 15:11

Dios Taytalláy, qam hina huk diosqa manam kanchu, qam hina admirakuypaq chuya Diosqa manam kanchu. Qamqa admirakuypaq kaqkunatam ruwanki, qamqa hatun milagrokuna ruwaqmi kanki.

Isaías 4:2

Chay tiempopim Tayta Diospa ikllichisqan runa kanqa suma-sumaq kuyayllapaq, Israelpa mirayninkunamanta puchuqkunapa alabakunankupaqmi kanqa. Allpankupa rurun cosechasqankum hatunchakuspa alabakunankupaq kanqa.

Isaías 45:24

Ñoqamantam ninqaku: “Cheqaptapunipas Tayta Diosllapim tarikun munaychakuypas kallpanchakuypas”, nispanku. Llapallan cheqniqniy runakunam ñoqaman hamunqaku, hinaspam penqaypi tarikunqaku.

Isaías 66:5

Tayta Diospa nisqanta kasukuqkuna uyariychik. Ñoqata kuyawasqaykichikrayku cheqnispa wischusuqnikichik wawqekichikkunam kaynata ninku: “Tayta Diosyá atiyninta qawachikuchun, chaynapi kusikusqaykichikta qawanaykupaq”, nispanku. Ichaqa paykunam penqayman churasqa kanqaku.

Lucas 14:6

Hinaptinmi mana ima niytapas atir-qakuchu.

Lucas 18:43

Chaymi chaylla qawarikuruspan Diosta yupaychastin Jesusta qatikurqa. Llapa runakunapas chayta rikuykuspankum Diosta yupaycharqaku.

Lucas 19:48

Ichaqa manam imaynatapas atirqakuchu, llapa runakuna paypa yachachisqan uyariyta munasqankurayku.

Lucas 20:40

Chayraykum manaña mastaqa tapurqakuñachu.

Hechos 4:21

Chaykuna pasakusqanmanta llapa runakuna Diosta yupaychasqankuraykum Juantawan Pedrota autoridadkuna mana imayna castigayta atispanku amenazaykuspalla kachaykurqaku.

2~Timoteo 3:9

Paykunaqa manam imapipas puntamanqa rinqakuchu, lliwmi mana yuyayniyuq kasqankuta yacharunqaku, chaynam pasakurqa Moisespa contranpi hatariq Janeswan Jambreswanpas.

Tito 2:8

imam kaqta willakuy, contraykipi kaqpas penqakunanpa, chaynapi ñoqanchikmanta mana imatapas rimanankupaq.

1~Pedro 3:16

Ichaqa llampu sonqowan hinaspa respetowan ruwaychik, Cristopi iñiqkuna hina allinta kawsaychik, chaynapi allin kawsasqaykichikmanta mana allin rimaqkuna kikinku penqaypi kanankupaq.