Lucas 12:56 - CHUYA QELLQA La Biblia en Quechua de Ayacucho 2012

⁵⁶ ¡Iskay uyakuna! Qamkunaqa cielopi chaynataq kay pachapi kaqkunata qawaspam imaynam tiempo kananta yachankichik; chaynaqa, ¿imanasqataq kunan tiempo-kunapi imakunam pasakusqanmantaqa mana yachankichikchu?

Quechua Ayacucho Bible 1987

⁵⁶ ¡Iskay uyakuna! Cielopipas chaynataq kay pachapipas kaqkunata qawaspam imaynam tiempo kananta yachankichik, kunan tiempopi pasakusqanmantam ichaqa mana cuentata qokunkichikchu.

Chuya Qellqa 1992

⁵⁶ ¡Iskay uyakuna! Qamkunaqa cielopi chaynataq kay pachapi kaqkunata qawaspam imaynam tiempo kananta yachankichik; chaynaqa ¿imanasqataq kunan tiempokunapi imakunam pasakusqanmantaqa mana yachankichikchu?

Lucas 12:56 Iomraidhean Croise

1~Crónicas 12:32

Isacar ayllumantam hamurqaku iskay pachak kamachikuqkuna, paykunaqa tiempokuna qawayta allinta yacharqaku, yacharqakutaqmi Israelpa mirayninkunapa imam ruwanantapas.

Hageo 2:7

Llapa nacionkunatam katkatatachisaq; llapa nacionkunam hamunqaku qoriqollqenkuta aparikuspa, kay temploymi ancha kuyayllapaq kanqa. Tukuy imapi munaychakuq Tayta Diosmi chaynata nin.

Malaquías 3:1

Tukuy Atiyniyuq Tayta Diosmi kaynata nin: Ñoqamanta willakuqtam ñanta allichapuwananpaq ñawpaqniyta kachamusaq. Hinaptinmi maskasqaykichik Diosqa, templonman qonqayllamanta hamunqa. Ñam chayamuchkanña pactomanta willakuq ancha suyasqaykichik, nispa.

Malaquías 4:2

Kasuwaqniykunapaqmi ichaqa, inti qespimuchkaq hinaraq kuyakuyniy kancharimunqa, raprankunapim salvacionta apamusunkichik. Qamkunañataqmi kanchanmanta lloqsiq vacapa uñankuna hinaraq kusikuymanta pawaykachankichik.

Mateo 11:25

Chay tiempopim, Taytanta mañakuspan Jesús nirqa: Hanaq pachapipas kay pachapipas munaychakuq Taytalláy, yachayniyuqkunamantawan yuyayniyuqkunamanta pakaykuspaykim, wawakunaman kaykunata reqsichirqanki, chayraykum yupaychayki.

Mateo 16:3

Pacha achikyaytañataqmi puyutawan antaqata rikuspa ninkichik: “Wayra-param kanqa”, nispaykichik. ¡Iskay uyakuna! Qamkunaqa cielopi kaqkunata qawaspam imaynam tiempo kananta yachankichik; chaynaqa, ¿imanasqataq kunan tiempokunapi imakunam pasakusqanmantaqa mana kaqpaqpas hapinkichikchu?

Mateo 6:2

Wakchaku-nata yanapaspaykiqa amayá pimanpas willakachakuychu, iskay uyakunallam sinagogakunapi hinaspa callekunapi chaynataqa ruwanku runakunapa alabasqan kanankupaq. Cheqaptapunim nikichik: Paykunapaqqa ñam pre-mionku kachkanña.

Gálatas 4:4

Aswanqa chay punchaw chayaramuptinmi Dios Tayta kuyasqan Churinta kachamurqa, paymi warmimanta nacespa lliw judiokuna hina leyta kasukurqa.