Lucas 12:20 - CHUYA QELLQA La Biblia en Quechua de Ayacucho 2012

²⁰ Ichaqa Diosmi payta nirqa: “Mana yuyayniyuq runa, kunan tutam almayki mañaq hamuchkan. Chaynaqa, ¿pipaqtaq kanqa tukuy ima huñukusqaykiqa?” nispa.

Quechua Ayacucho Bible 1987

²⁰ Ichaqa Diosmi payta nirqa: “Mana yuyayniyoq runa, kunan tutapunim wañurunki. Chaynaqa waqaychasqaykiqa ¿pipaqtaq kanqa?” nispa.

Chuya Qellqa 1992

²⁰ Ichaqa Diosmi payta nirqa: “Mana yuyayniyuq runa, kunan tutam almayki mañaq hamuchkan. Chaynaqa, ¿pipaqtaq kanqa tukuy ima huñukusqaykiqa?” nispa.

Lucas 12:20 Iomraidhean Croise

Ester 5:11

Hinaspam paykunapa qayllanpi alabakurqa apu kayninmanta, achkallaña churinkunamanta, tukuy imawan rey hatunchasqanmanta chaynataq kamachikuqkunapa, serviqninkunapa hawanman rey churasqanmantapas.

Jobwan Sutichasqa Libro 27:8

¿Imapitaq millay runa hapipakunqa Diospuni kawsayninta qechuruptin?

Proverbios 10:2

Yanqapaqmi mana allinta ruwaspa apuyayqa, allin ruwaymi ichaqa wañuymanta librakun.

Proverbios 11:4

Juicio punchawpiqa qori-qollqepas manam imapaqpas valenqachu; allin kawsakuymi ichaqa runata wañuymanta libranqa.

Proverbios 13:7

Kanmi mana imayuq kachkaspapas apu tukuq runakuna, kantaqmi tukuy imayuq kachkaspapas wakcha tukuqkuna.

Proverbios 27:1

Paqarin punchaw imam ruwanaykimantaqa ama alabakuychu, paqarin punchaw imam pasakunantaqa manam yachankichu.

Proverbios 28:8

Qollqeta achka mirayniyuqpaq prestaspa qori-qollqeta huñuq runaqa, wakchakunata llakipayaq runapaqmi huñun.

Isaías 56:12

Paykunam ninku: “Hamuychik vinota upyakusun, poqosqa aqata sinkananchikkama upyakusun; paqarinpas kunan punchaw hinam kanqa, kunanmantapas aswan allin punchawraqmi kanqa”, nispanku.

Jeremías 17:11

Imaynam hukpa runtunta oqllaq yutu hinam mana allinkunata ruwaspa apuyaruq runaqa, manaraq machuyachkaptinmi qorinpas qollqenpas tukunqa, hinaptinmi wakchayaypi tukunqa.

Amós 6:13

Qamkunam Lo-Debar llaqtata vencerusqaykichikmanta kusikuspa ninkichik: ¿Manachum kallpanchikwan Carnaín llaqtatapas vencerunchik? nispaykichik.

Nahúm 1:10

Kichka hina wankuy-wankuyña kaspankupas sinkakuyninkupa nuyusqanña kaspankupas chakisqa qopa hinam kañasqa kanqaku.

Lucas 11:40

¡Mana yachayniyuqkuna! ¿Manachum hawanta ruwaqqa ukuntapas ruwarqa?

1~Tesalonicenses 5:3

Hawkam, segurom kachkanchik, nispa, runakuna nichkaptinkum qonqayllamanta paykunaman hatun sasachakuy chayaramunqa, dolorwan hapichikuq warmi hinam kanqaku, manam lluptinqakuchu.

1~Timoteo 6:17

Llapa apukunata kamachiy ama hatun tukunankupaq nitaq tukuruq-lla kapuqninkupipas hapipakunan-kupaq, paykunaqa kawsaq Dioslla-man hapipakuchunku, payllam chanin-ninpi llapa imakunatapas kusikunan-chikpaq qowaqninchikqa.

1~Timoteo 6:7

Nacespanchikqa kay pachamanqa manam imatapas apamurqanchikchu, chaynataqmi wañukuspanchikpas imatapas mana apasunchu.

Santiago 4:14

Qamkunaqa manam yachankichikchu paqarin punchaw imam pasarusunaykichiktaqa. Vidaykichikqa hukta rikuriramuspa chinkaruq puyu hinallam.