Lucas 12:15 - CHUYA QELLQA La Biblia en Quechua de Ayacucho 2012

¹⁵ Nirqataqmi: Qollqella kuyaymanta cuidakuychik. Runaqa manam tukuy imayuq karuspachu allinta kawsanqa, nispa.

Quechua Ayacucho Bible 1987

¹⁵ Chaynata niruspanmi nirqataq: —Cuidakuychikyá qollqella kuyaruymanta. Runaqa manam tukuy imayoq karunallanpaqchu kawsanan.

Chuya Qellqa 1992

¹⁵ Nirqataqmi: Qollqella kuyaymanta cuidakuychik. Runaqa manam tukuy imayuq karuspachu allinta kawsanqa, nispa.

Lucas 12:15 Iomraidhean Croise

1~Reyes 2:40

Chaymi Simeiqa asnonta caronaykuspan Gat llaqtapi Aquispa wasinman rirqa, criadonkunata maskamunanpaq. Riruspanmi Simeiqa criadonkunata Gat llaqtamanta kutichimurqa.

Jobwan Sutichasqa Libro 2:4

Chaymi Tayta Diosta Satanás, nirqa: Runaqa aychanta mana imanasqaqa hawkam kawsakun, vidanraykum ichaqa imatapas ruwanman.

Proverbios 15:16

Wakchalla kaspapas Diosta kasukuymi aswan allinqa, apu kachkaspa sasachakuypi kawsanamantaqa.

Proverbios 16:16

Qorimantapas aswan allinqa yachayta tariymi, qollqemantapas aswan allinqa yachayniyuq kaymi.

Proverbios 28:16

Mana yachayniyuq runa kamachikuspanqa ñakariyllatam mirachin, apuyaruyllata cheqniqmi ichaqa unay watakunata kawsakunqa.

Jeremías 6:13

Paykunaqa hatunpas taksapas llapallankum apuyayllamanña qokurunku, profetankunawan sacerdotenkunapas engañakuqllañam rikurirunku.

Ezequiel 33:31

Chaynapim runaykunaqa costumbrenkuman hina uyarinankupaq hamuspanku ñawpaqnikipi tiyaykusparaq uyarisunki, ichaqa manam ruwayman churanqakuchu. Paykunaqa kuyanakuqkunapa takinta hinaraqmi rimanku, sonqonkum ichaqa qollqellapi yuyaymanachkan.

Miqueas 2:2

Paykunam hukpa chakranta otaq wasintapas munaruspaqa suwaypawan qechuruspa hapikuykunku, dueñontapas aylluntinta ñakarichispam lliw herencianta qechurunku, nispa.

Habacuc 2:9

Suwakuspalla wasinta huntachikuq runa, mana allinmanta ayqenanpaq alto-altopi qesanta ruwakuruq runa, ¡imallapiraq rikukunki!

Marcos 7:22

waqllikuykuna, imatañapas munapayaykuna, mana allin ruwaykuna, engañakuykuna, vicioman qokuruykuna, envidiakuykuna, cuento qepi kaykuna, hatun tukuykuna, mana allin tanteaykuna.

Lucas 12:16

Hinaspam kay rikchanachiytawan nirqa: Huk apu runam chakranmanta sinchillataña cosecharurqa,

Lucas 16:14

Tukuy chaykunatam qollqella kuyaq fariseokunapas uyarirqaku, hinaspam Jesusmanta burlakurqaku.

Lucas 21:34

Allintayá cuidakuychik, amayá vicio-kunawan, machakuykunawan hinaspa kay pachapi imamantapas afanakuykunawan sonqoykichikta rumiyarachiychikchu, yanqañataq chay punchawqa qonqayta chayaramusunkichikman.

Lucas 8:14

Kichkakunaman wichiqñataqmi haykam uyariqkuna, paykunaqa allimantam kay pachapi afanakuykunawan, qori-qollqe maskaywan hinaspa aycha kusichiykunawan pamparachikunku, chaynapim mana rurunkuchu.

1~Corintios 6:10

nitaq suwakunaqa, qollqella kuyaqkunaqa, sinkakuypi kaqkunaqa, cuento qepikunaqa nitaq engañakuqkunapas.

Colosenses 3:5

Chaynaqa, aychapa mana allin ruway munayninkunatayá wañuchiychik: Amayá huchapakuychikchu, amayá millakuypaq kaqkunataqa ruwaychikchu, amayá mana allin munaywanqa aysachikuychikchu nitaq intuchikuychikchu, amataqyá qollqella kuyaqqa kaychikchu, (qollqe kuyayqa idolokuna yupaychay hinam).

2~Timoteo 3:2

Runakunam kanqaku kikillanpaq munaqkuna, qollqella kuyaqkuna, hatun tukuqkuna, Dios insultaqkuna, mama-taytanku mana kasukuqkuna, mana reqsikuqkuna, huchallapi purikuqkuna,

Hebreos 13:5

Amayá qollqella maskaymanqa qoku-ruychikchu, aswanqa imam kapusuqnikichikwanyá contentakuychik. Diosmi nirqa: Manapunim qonqasqaykichu nitaqmi saqesqaykichu, nispa.

Josué 7:21

Jericó llaqtamanta apamusqanchik kaqkunamantam, Babiloniamanta kaq kuyayllapaq capata, iskay chunka kimsayuq kilo qollqeta hinaspa medio kilo pesaq qorita rikururqani. Chaykunatam kuyaruspay hapikurqani, hinaspaymi carpaypa chawpinpi allpa ukupi pamparurqani, qollqepas chaykunapa ukunpim pakasqa kachkan, nispa.

2~Pedro 2:14

Warmitapas waqllikuy ñawinkuwan-mi qawanku, huchallikuytaqa manam aminkuchu, pisi iñiyniyuqkunatam enga-ñanku, sonqonpim runapa kaqninta muna-payanku, kaykunaqa ñakay runakunam.

2~Pedro 2:3

Qollqe ganakuyta munas-pankum, allin yachachikuq tukuspanku qamkunamanta negociota ruwakunqaku, paykunaqa ñawpaqmantaraqmi senten-ciasqaña kachkanku, chaylla chinka-runankupaq.