Lucas 11:9 - CHUYA QELLQA La Biblia en Quechua de Ayacucho 2012

⁹ Nikichikmi: Mañakuspaqa chaskinkichikmi, maskaspaqa tarin-kichikmi, qayakuptikichikqa kichaykamusunkichikmi.

Quechua Ayacucho Bible 1987

⁹ Chaymi nikichik: Mañakuptikichikqa Diosqa qosunkichikmi. Maskaychik, tarinkichikmi, qayaychik, kichasunkichikmi.

Chuya Qellqa 1992

⁹ Nikichikmi: Mañakuspaqa chaskinkichikmi, maskaspaqa tarinkichikmi, qayakuptikichikqa kichaykamusunkichikmi.

Lucas 11:9 Iomraidhean Croise

Cantares 5:6

Kuyay yanayman punkuta kichaykuptiyqa manañam chaypiñachu kasqa, pasakusqañam, rimasqanpa qepantam almaypas pasakurqa. Maskaspaypas manañam tarirqanichu, qayaptiypas manañam contestamuwarqachu.

Isaías 45:19

Ñoqaqa manam pakasqallapichu rimarqani, nitaqmi kay pachapa tutayay sitionkunapichu rimarqani; Israelpa mirayninkunataqa manam nirqanichu: “Yanqapaqñam maskawankichik”, nispaqa. Ñoqa Tayta Diosqa cheqap kaqtam rimani, ñoqaqa allin kawsakuyllamantam willakuni.

Jeremías 29:12

Chaymi qayakamuwaspa maña-kuwaptikichik uyarisqaykichik.

Jeremías 33:3

Mañakuwaptikiqa contestasqaykim, hinaspaymi hatun kaqkunatawan mana reqsisqayki kaqkunata yachachisqayki.

Daniel 9:3

Hinaptinmi ayunakuspay Señor Diosta mañakurqani, paytaqa mañakurqani hawaypi uchpallaña luto pachayuqmi.

Mateo 21:22

Sichum imatapas iñiywan mañakuspaykichikqa chaskinkichikpunim, nispan.

Mateo 21:31

¿Kay iskayninkumanta mayqantaq taytanpa munasqanta ruwarqa? nispa. Chay runakunañataqmi nirqaku: Punta kaqmi, nispanku. Jesusñataqmi nirqa: Cheqaptaqa impuesto cobraqkunawan chuchumikakunaraqmi qamkunapa ñawpaqnikichikta Diospa munaychakuyninman richkanku.

Mateo 6:29

Ichaqa nikichikmi, rey Salomonpas manam tukuy imayuq kachkaspapas huknin wayta hinallapas pachakurqachu.

Marcos 11:24

Chaynaqa, nikichikmi, imatapas Diosta mañakuspaykichikqa, chaskisqaykichikpaqña hapiychik, hinaspaqa chaskinkichikmi.

Marcos 13:37

Qamkunaman willasqaytaqa lliwmanmi willani, chaynaqa rikchan-rikchanllayá kaychik, nispa.

Lucas 11:10

Chaynaqa, pipas mañakuqqa chaskinmi, maskaqqa tarinmi, qayakuqtaqa kichaykamunqam.

Juan 14:13

Imatapas sutiypi Taytata mañakuptikichikqa ruwasaqmi, chaynapi Taytapas Churinpi hatunchasqa kananpaq.

Juan 15:16

Manam qamkunachu ñoqataqa akllawarqankichik, ñoqam qamkunataqa akllarqaykichik, hinaspam achkata rurunaykichikpaq churarqaykichik, chaynapi rurusqaykichik takyananpaq. Chaynaqa, Taytam ñoqapa sutiypi tukuy ima mañakusqaykichikta qosunkichik.

Juan 15:7

Sichum ñoqapi takyaspaykichik chaynataq palabraykunapas qamkunapi takyaptinqa, tukuy ima munasqaykichikta mañakuychik, hinaptinqa qosunkichikmi.

Juan 4:10

Chaymi payta Jesús nirqa: Sichum yachawaq Diospa kuyakuyninta chaynataq yaku mañakusuqniki pim kasqanta, hinaspaqa paytachá mañakuwaq, hinaptinqa kawsachikuq yakutam qoykusunkiman, nispa.

Romanos 2:7

Haykam allin ruwaypi takyaspa alabasqa kayta, hatunchasqa kayta hinaspa mana haykapipas wañuyta maskaqkunamanmi wiñay kawsayta qonqa.

2~Corintios 6:2

Paymi nin: “Chaskina tiempopim uyarirqayki, salvanay punchawpim yanaparqayki”, nispa. Kunanqa chaskina tiempoñam, kunanqa salvanan punchawñam.

Hebreos 11:6

Mana iñiyniyuq kaspaqa manam Diostaqa agradachwanchu. Pipas Diosman asuykunanpaqqa cheqap kasqantam creenan, creenantaqmi haykam maskaqninkunamanqa premianantapas.

Hebreos 4:16

Chaynaqa, confianzawanyá kuyapayawaqninchik Diosman asuykusunchik chaynapi sasachakuyninchik tiempokunapi llakipayawaspanchik yanapaykuwananchikpaq.

Santiago 1:5

Mayqannikichikpapas yachaynikichik pisilla kaptinqa, Diostayá mañakuychik, payqa lliw mañakuqninkunamanqa mana piñakuspam chaninninpi qoykunqa.

Santiago 5:15

Iñiywan Diosta mañakuyqa onqoqtam sanoyachin, Señormi sayarichinqa, huchapi kaptinpas pampachaykunqam.

1~Juan 3:22

imatapas maña-kuptinchikqa payqa qowasunmi, kama-chikuyninkunata kasukusqanchikrayku chaynataq paypa munasqanta ruwas-qanchikrayku.

Apocalipsis 2:24

Wakiqnikichik Tiatirapi kaqkunamanñataqmi nikichik: Qamkunaqa Jezabelpa yachachisqantaqa manam kasukurqankichikchu, manataqmi Satanaspa pakasqa hatun yachachikuynin nisqankutapas chaskirqankichikchu. Chaymi qamkunamanqa imapas sasa ruwaytaqa mana kamachisqaykichikchu.