Lucas 11:39 - CHUYA QELLQA La Biblia en Quechua de Ayacucho 2012

³⁹ Chaymi Jesusñataq nirqa: Yaw fariseokuna, qamkunaqa vasotawan platotapas hawallantam mayllankichik, ukuykichikmi ichaqa suwakuywan hinaspa mana allin ruwaywan huntasqa kachkan.

Quechua Ayacucho Bible 1987

³⁹ Chaymi Señorñataq nirqa: —Yaw *f**fariseokuna, qamkunaqa vasotawan platotam hawallanta mayllankichik, sonqoykichikmi huntasqa kachkan suwakuy munaywan hinaspa mana allin ruray munaywan.

Chuya Qellqa 1992

³⁹ Chaymi Jesusñataq nirqa: Yaw fariseokuna, qamkunaqa vasotawan platotapas hawallantam mayllankichik, ukuykichikmi ichaqa suwakuywan hinaspa mana allin ruwaywan huntasqa kachkan.

Lucas 11:39 Iomraidhean Croise

Génesis 6:5

Tayta Diosmi qawarirqa kay pachapi runakuna llumpay mana allin ruwayllapiña kasqankuta, chaynallataq yuyaymanayninkupas sapa punchaw mana allin ruwayllamanña qokurusqanta.

2~Crónicas 25:2

Rey Amasiasqa Tayta Diospa qayllanpim allinkunata ruwarqa, ichaqa manam tukuy sonqonwanchu.

Proverbios 26:23

Qollqewan bañasqa allpa manka hinam, mana allin sonqoyuq runapa miskillaña rimayninqa.

Proverbios 26:25

Kuyakuyllawanña rimapayasuptikipas ama creeychu, sonqonqa mana allinpa huntasqanmi kakuchkan.

Proverbios 30:12

Kanmi mana huchayuqpaq hapikuruq runakuna, huchankumantaqa manam chuyanchakunkuchu.

Jeremías 4:14

Jerusalén llaqtapi runakuna, sonqoykichikpi huchata mayllakuychik chaynapi salvakunaykichikpaq. ¿Haykapikamataq chay mana allin yuyaymanaykunawan intuchikunkichik?

Ezequiel 22:25

Profetaykikunapas yarqasqa leonkuna hinañam qaparillawanña runata hapiruspa wañurachinku. Llaqtankupim runa-kunata wañuchispa qori-qollqenkutawan tukuy imankuta suwaruspa viudakunallataña saqerunku.

Ezequiel 22:27

Kamachiqninkunapas imapas hapis-qankuta tisaparuq atoqkuna hinañam rikurirunku, paykunaqa chayllam kachkanku runakunata wañuchispa tukuy imankuta hapikuykunankupaq.

Sofonías 3:3

Kamachiqninkunapas piña león hinam, juezninkunapas chunniqpi atoq hinam, paykunaqa manam tullutapas paqarinnintinkamaqa puchunkuchu.

Mateo 15:19

Runapa sonqonmantaqa lloqsimun mana allin yuyaymanaykunawan wañuchinakuykuna, waqllikuykuna, huchapakuykuna, suwakuykuna, llullakuykuna hinaspa kamikuykunam.

Mateo 7:15

Llulla profetakunamantayá waqay-chakuychik. Paykunaqa ovejaman pachasqam hamunku, ukunkupim ichaqa suwa atoqkuna kanku.

Lucas 16:15

Chaymi Jesusñataq nirqa: Qamkunaqa runakuna qawanallan-paqmi allin tukunkichik, Diosmi icha-qa sonqoykichikta reqsisunkichik. Runakunapaq sumaqllaña rikchakuqpas Diospaqqa millakuypaqmi.

Lucas 7:13

Chayta qawaykuspanmi Jesusñataq chay viudata llakipayarispan nirqa: Ama waqaychu, nispa.

Lucas 7:19

Jesusta tapuchimurqa: ¿Qamchu Diosmanta hamuq kachkanki, icha huktachu suyasaqku? nispa.

Juan 12:6

Judasqa chaynataqa nirqa manam wakchakunata llakipayasqanraykuchu, aswanqa suwa kaspanmi, paymi qollqe waqaychaq karqa, hinaspanmi qollqe qosqankumanta hurqokuq.

Juan 13:2

Jesusmi discipulonkunawan cenachkarqa, diabloqa Simonpa churin Judas Iscariotetam umacharurqaña Jesusta traicionananpaq.

Hechos 5:3

Hinaptinmi Pedro nirqa: Ananías, ¿imanasqamá Satanasqa sonqoykita munaychakurun, chaynapi chakra rantikusqayki qollqeta raki-kuykuspayki Chuya Espirituta llulla-kunaykipaqqa?

Gálatas 1:14

Judiokunapa yachachikuyninkunata kasukuypiqa wiñaymasiykunatapas llalliqraqmi kani. Allinpaq hapispaymi ñawpaq taytaykunapa costumbrenkunatapas cumpliq kani.

2~Timoteo 3:5

yanqallam Diosta serviq tukunqaku, paykunaqa ruwayninkuwanmi cheqap kaqpa atiyninta wischupakunqaku. Chayna runakunawanqa ama hukllawakuychu.

Tito 1:15

Chuya sonqokunapaqqa tukuy ima kaqkunapas chuyam, qacha sonqoyuq hinaspa mana iñiqkunapaqmi ichaqa mana imapas chuyaqa kanchu, pay-kunapaqqa yuyaymanayninkupas, concienciankupas qanrachasqam kachkan.

Santiago 4:8

Diosmanyá asuykuychik, paypas qamkunamanmi asuykamusunkichik. Huchasapakuna, mana allin ruwasqaykichikmantayá chuyanchakuychik, iskayrayaqkuna sonqoykichiktayá chu-yanchaychik.