Lucas 11:2 - CHUYA QELLQA La Biblia en Quechua de Ayacucho 2012

² Chaymi Jesusñataq nirqa: Diosta mañakuspaqa kaynatam ninkichik: Hanaq pachapi kaq Taytayku, sutiki hatunchasqa kachun, munaychakuyniki hamuchun, munasqayki ruwasqa kachun, kay pachapi chaynataq hanaq pachapipas.

Quechua Ayacucho Bible 1987

² Chaymi Jesusñataq nirqa: —Diosta mañakuspaqa kaynatam ninkichik: “Taytayku, sutiki yupaychasqa kachun, munaychakusqayki hamuchun.

Chuya Qellqa 1992

² Chaymi Jesusñataq nirqa: Diosta mañakuspaqa kaynatam ninkichik: Hanaq pachapi kaq Taytayku, sutiki hatunchasqa kachun, munaychakuyniki hamuchun, munasqayki ruwasqa kachun, kay pachapi chaynataq hanaq pachapipas.

Lucas 11:2 Iomraidhean Croise

1~Reyes 8:43

hanaq pachapi wasikimanta uyariykamuy, hinaspayá chay runapa mañakususqaykiman hina ruwaykuy, chaynapi kay pachapi llapallan runakuna sutikita reqsispanku Israel runaykikuna hina manchakusunaykipaq, chaynapim kay ruwachipusqay templopi sutiki hatunchasqa kasqanta yachanqaku.

2~Reyes 19:19

Dios Taytalláy mañakuykim, qamlla Dios kasqaykita kay pachapi llapallan nacionkuna reqsinankupaq rey Senaqueribmanta salvaykullawayku, nispa.

2~Crónicas 20:6

qayakurqa: Ñawpaq taytaykupa yupaychasqan Dios taytallayku, qamqa hanaq pachapi Diosmi kanki, qamqa llapallan nacionkunapim munaychakunki. Atiypas kallpapas makikipim kachkan, manam pipas qanwanqa atipanakunmanchu.

Eclesiastés 5:2

Amayá apurawmanqa imatapas rimaruychu, amayá sonqoykipipas nitaq yuyaymanaynikipas hawanpi-ukunpiqa Diosman prometekuruychu; Diosqa hanaq pachapim kachkan, qamñataqmi kay pachapi kachkanki. Chaynaqa, pisillatayá rimay.

Isaías 63:16

¡Qanmi taytayku kanki! Taytayku Abrahamña qonqawaptinkupas, taytayku Jacobña saqewaptinkupas, Dios Taytallayku qanmi Taytayku kanki, wiñaymanta wiñaykama libraqniykum kanki.

Ezequiel 36:23

Llapa nacionkunapa chawpinpi penqayman churasqaykichik sutiytam paykuna qawasqanta chuyanchasaq. Chaynapim Tayta Dios kasqayta yachanqaku. Ñoqa Tayta Diosmi chaynata nini.

Daniel 2:28

Ichaqa kachkanmi hanaq pachapi Dios, payllam kayna pakasqa kaqkunataqa reqsichin, hinaspam qanmanpas reynilláy Nabucodonosor hamuq punchawkunapi imam pasakunanmanta reqsichisunki. Ñoqam mosqoynikipi visión chaskisqaykita willasqayki.

Daniel 2:44

Chay reykuna munaychakuchkaptinkum hanaq pacha Dios hatarichinqa wiñaypaq mana tuñichiy atina munaychakuyta, chay munaychakuypa hawanpiqa manam hukqa munaychakunqachu. Aswanqa chay munaychakuymi llapallan munaychakuykunata ñutupaspan wiña-wiñaypaq takyanqa.

Daniel 7:18

Ichaqa tukuy imapa hawanpi munaychakuq Diospa llaqtanmi chay munaychakuyta chaskinqaku, chaynapim chay munaychakuyqa wiña-wiñaypaq paykunapaña kanqa”, nispa.

Daniel 7:27

Kay pachapi gobiernokunapa munaychakuyninpas, atiyninkupas, hatun kayninkupas tukuy imapa hawanpi munaychakuq Diospa llaqtanmanmi qosqa kanqa, munaychakuyninqa wiña-wiñaypaqmi takyanqa, chaymi llapallan llaqtakuna payllataña servispanku kasukunqaku, nispa.

Oseas 14:2

Tayta Diosman kutirikuspa kaynata ruegakuychik: “Tukuy mana allin ruwasqaykumanta pampachaykuwayku, kuyakuynikiwanyá simiykumanta lloqsiq yupaychayniykuta chaskiykuwayku.

Levítico 10:3

Hinaptinmi Tayta Diospa imam nisqanta Aaronman Moisés kaynata nirqa: Pipas asuykamuwaqniymanqa chuya kasqaytam qawachisaq, llapallan runakunapa qayllanpitaqmi yupaychasqa kasaq, nispa. Chaymi Aaronqa upallalla karqa.

Levítico 22:23

Volun-tadninkumanta ofrenda kaptinmi ichaqa chullan chaki torotapas otaq carnerotapas ofrecewankiman, prometekusqanku ofrenda kaptinmi ichaqa mana chaskisqaykichu.

Habacuc 2:14

Imaynam lamar qochata yaku pampaykuy, chaynam Tayta Diospa atiyninta reqsiq runakunapas kay pachata huntaykunqa.

Mateo 10:32

Pipas runakunapa qayllanpi mana penqakuspa ñoqamanta willakuqtaqa, ñoqapas hanaq pachapi kaq Taytaypa qayllanpim paymanta willakusaq.

Mateo 3:2

Huchaykichikmanta wanakuychik, Diospa munaychakuyninmi hichparamunña, nispan.

Mateo 5:16

Chaynayá qamkunapas runakunapa qayllanpi achkiychik, chaynapi allin ruwasqaykichikta qawaspanku hanaq pachapi kaq Taytaykichikta yupaychanankupaq.

Lucas 11:1

Huk sitiopim Jesús mañakuchkarqa, chaymi tukuykuptin huknin discipulon nirqa: Señor, imaynam Bautizaq Juanpas discipulonkunata yachachisqanta hinayá qampas Diosta imaynam mañakuyta yachachiwayku, nispa.

Romanos 1:7

Chaymi Roma llaqtapi Diospa kuyasqankunaman qellqamuykichik, Diosmi kuyasunkichik, hinaspam payllapaqña kawsanaykichikpaq qayasurqankichik. Dios Taytanchikpa chaynataq Señorninchik Jesucristopa kuyakuyninwan hawkayayninyá qamkunawan kachun.

Romanos 8:15

Qam-kunaqa manam esclavo kanaykichikpaq espiritutachu chaskirqankichik huktawan manchakuypi kanaykichikpaqqa, aswanqa Diospa churinña kanaykichikpaq Espiritutam chaskirqankichik, chayraykum Diostapas: “Abba Padre” nispa ninchik.

1~Corintios 1:3

Dios Taytanchikwan Señorninchik Jesucristoyá hawkayaytawan kuyakuyninta qamkunaman qosunkichik.

2~Corintios 1:2

Dios Taytanchikyá Señor-ninchik Jesucristopiwan kuyakuynintawan hawkayayninta qosunkichik.

Gálatas 1:4

Dios Taytanchikpa munasqanman hinam kikin Señorninchik Jesucristo ñoqanchikpa huchanchikmanta wañupuwarqanchik, chaynapi millay huchamanta librawananchikpaq.

Efesios 1:2

Dios Taytanchikwan Señorninchik Jesucristoyá kuyapayakuynintawan hawkayayninta qamkunaman chaq-churimuchun.

Filipenses 1:2

Dios Taytanchikwan Señorninchik Jesucristoyá kuyakuynintawan hawkayayninta qamkunaman chaqchurimusunkichik.

Filipenses 4:20

¡Dios Taytanchikyá wiña-wiñaypaq yupaychasqa kachun! Amén.

Colosenses 1:2

Colosas llaqtapi Jesucristopi iñiq wawqe-panikunaman qellqamuykiku. Dios Taytanchikpawan Señorninchik Jesucristopa kuyakuyninwan hawkayayninyá qamkunapi kachun.

1~Tesalonicenses 1:1

Ñoqa Pablom, Silvanowan hinaspa Timoteowan kay cartata Tesalónica llaqtapi kaq iglesiaman apachimuykiku, qamkunaqa Dios Taytawan hinaspa Señor Jesucristowanmi huklla kachkankichik. Dios Taytawan Señor Jesucristoyá kuyakuynintawan hinaspa hawkayayninta qamkunaman chaqchurimuchun.

1~Tesalonicenses 1:3

Yuya-rinikutaqmi Dios Taytanchikpa qayllanpi iñiynikichikman hina llamkasqaykichikta, kuyakuynikichikman hina servisqaykichikta hinaspa Señorninchik Jesucristorayku ñakarispa qaqa hina sayasqaykichiktapas.

2~Tesalonicenses 2:16

Kuyawaspanchik wiñay consuelo qowaqninchik hinaspa kuyakuywan suyakuy qowaqninchik, Señorninchik Jesucristowan Dios Taytanchikyá,

Apocalipsis 11:15

Trompetanta qanchis kaq ángel tocaykuptinmi hanaq pachamanta hatunmanta qapariy uyarikamurqa: “Kay pachapi munaychakuymi Cristopaña rikurirun, payñam wiña-wiñaypaq munaychakunqa”, niq.

Apocalipsis 15:4

Señorllayku, ¿pitaq mana manchakusunkimanchu? ¿Pitaq mana yupaychasunkimanchu? Qamllam chuyaqa kanki, chayraykum llapa nacionkuna hamuspanku hatunchasunki, allin ruwaq kasqaykitam qawaykachikunki, nispa.

Apocalipsis 19:6

Uyarirqanitaqmi achka runakunapa qapariyninta hina, chay qapariyqa karqa achka yakukunapa qapariyninwan, rayokunapa tunrururuynin hinam, paykunam kaynata nirqaku: ¡Aleluya! Tukuy Atiyniyuq Señor Diosninchikmi munaychakuchkan.

Apocalipsis 20:4

Rikurqanitaqmi tronokunatapas, chay-kunapiqa juzganankupaq kamachisqakunam tiyachkasqaku. Rikurqanitaqmi Jesusrayku hinaspa Diospa palabranta willakusqankurayku kunkan qorusqakunapa almankunatapas. Paykunaqa manam yupaycharqakuchu manchakuypaq animaltapas nitaq imagennintapas, manataqmi urkunkupipas nitaq makinkupipas marcantaqa churachikurqakuchu. Paykunaqa kawsarimuspankum Cristowan kuska waranqa wata munaychakunqaku.