Lucas 10:28 - CHUYA QELLQA La Biblia en Quechua de Ayacucho 2012

²⁸ Chaymi Jesusñataq nirqa: Allintam nirunki, sichum chaynata ruwaspaykiqa kawsankim, nispan.

Quechua Ayacucho Bible 1987

²⁸ Chaymi Jesusñataq nirqa: —Allintam nirunki, chaynatayá ruray hinaspaqa wiñaypaqmi kawsanki —nispa.

Chuya Qellqa 1992

²⁸ Chaymi Jesusñataq nirqa: Allintam nirunki, sichum chaynata ruwaspaykiqa kawsankim, nispan.

Lucas 10:28 Iomraidhean Croise

Nehemías 9:29

Kamachikuynikikunaman kutirikunankupaqmi anyarqanki, paykunam ichaqa hatun tukuspanku kamachikuynikikunata mana kasukurqakuchu, yachachikuynikikunapa contranpi huchallikuspam sarutyarqaku, chay yachachikuykunaqa kawsaytam qon pipas kasukuqninmanqa, mana kasukuq hinaspa rumi sonqo kaspankum mana kasukurqakuchu.

Proverbios 19:16

Kamachikuyta kasukuqqa vidantam waqaychakun, Tayta Diospa yachachikuyninta wischupakuqmi ichaqa wañunqa.

Ezequiel 20:11

Chaypim kamachikuyniykunata qospay decretoykunata yachachirqani, pipas ruwayman churaspa kawsananpaq.

Ezequiel 20:13

Ichaqa paykunam chay chunniqpi mana kasuwarqakuchu; kamachikuyniytapas manam kaqpaqpas hapirqakuchu, decretoykuna qosqaytapas wischupakurqakum, chaykunatam qorqani ruwayman churaspa kawsanankupaq. Aswanraqmi samana punchawniykunatapas pasaypaqta sarutyarurqaku. Chayraykum paykunaman piñakuyniyta kachaykuspay chunniqpi chinkarachiyta tantearqani.

Ezequiel 20:21

Ichaqa mirayninkunapas manam kasuwarqakuchu; kawsanankupaq qosqay decretoykunatapas mana kasukuspankum kamachikuyniykunatapas mana ruwayman churarqakuchu; samana punchawniykunatapas sarutyarurqakum. Hinaptinmi piñakuyniyta kachaykuspay chay chunniqpi chinkarachiyta tantearqani.

Levítico 18:5

Chaynaqa, kamachikuyniykunatawan decretoykunata kasukuychik. Pipas chaykunata ruwayman churaqqa kawsanqam. Ñoqa Tayta Diosmi chaynata nini.

Mateo 19:17

Jesusñataqmi nirqa: ¿Imanasqataq allin niwanki? Allinqa chullallam, payqa Diosmi. Wiñay kawsayta munaspaykiqa Diospa kamachikuyninkunata kasukuy, nispa.

Marcos 12:34

Yachaywan contestaruptinmi Jesús nirqa: Manam llumpayñachu Diospa munaychakuyninman yaykunaykipaq faltasunki, nispa. Chaymi manaña pipas imatapas tapurqañachu.

Lucas 7:43

Chaymi Simonñataq nirqa: Ñoqamantaqa achkanpi debekuqmi mastaqa kuyanqa, nispa. Hinaptinmi Jesusñataq nirqa: Allintam nirunki, nispa.

Romanos 10:4

Kamachikuykunapa tukupayninqa Cristom, chaynapi haykam payman iñiqkunaqa mana huchayuqpaqña chaskisqa kanankupaq.

Romanos 3:19

Yachanchikmi leypa nisqanqa leyman hina kawsaqkunapaqmi qosqa karqa, chaynapi siminku wichqasqa kananpaq hinaspa llapallan runakuna Diospa juzgasqan kanankupaq.

Romanos 7:10

Chaynapim kawsayman pusawaqniy kamachikuyqa wañuyman aparuwan.

Gálatas 3:12

Leyqa manam iñiymantachu qallarimurqa, aswanqa kaynatam nin: “Pipas leyta cumpliqqa, chayraykum kawsanqa”, nispa.

Deuteronomio 6:24

Señorninchik Tayta Diosmi llapallan kay yachachikuykunata cumplinanchikpaq kamachiwarqanchik hinaspa payta kasukunanchikpaq, chaynapi tukuy ima ruwasqanchikpas allinlla kaptin, imaynam kunan punchawkama kawsachiwasqanchikta hina kawsachiwananchikpaq.