Lucas 10:27 - CHUYA QELLQA La Biblia en Quechua de Ayacucho 2012

²⁷ Hinaptinmi chay runa nirqa: “Señor Diosnikitam tukuy sonqoykiwan, tukuy vidaykiwan, tukuy kallpaykiwan hinaspa tukuy yuyaynikiwan kuyanki; runamasikitapas kikikita hinataqmi kuyanki niqtam”, nispa.

Quechua Ayacucho Bible 1987

²⁷ Hinaptinmi chay runañataq nirqa: —“Señor Diosnikitam kuyanki tukuy sonqoykiwan, tukuy vidaykiwan, tukuy kallpaykiwan hinaspa tukuy yuyaynikiwan, kuyankitaqmi runamasikitapas kikikita hina” nispa.

Chuya Qellqa 1992

²⁷ Hinaptinmi chay runa nirqa: “Señor Diosnikitam tukuy sonqoykiwan, tukuy vidaykiwan, tukuy kallpaykiwan hinaspa tukuy yuyaynikiwan kuyanki; runamasikitapas kikikita hinataqmi kuyanki niqtam” nispa.

Lucas 10:27 Iomraidhean Croise

Levítico 19:18

Runamasikitaqa amam vengakunkichu nitaqmi cheqnipakunkichu, aswanqa kikikita hinam kuyanki. Ñoqaqa Tayta Diosmi kani.

Mateo 19:19

tayta-mamaykitam respetanki, runamasikitam kikikita hina kuyanki”, nispa.

Lucas 10:26

Chaymi Jesusñataq nirqa: ¿Imataq leypi qellqasqa kachkan? ¿Ima niqtataq leenki? nispa.

Romanos 13:9

Kaynatam wakin kamachikuykunapas niwanchik: Amam waqllikunkichu, amam wañu-chinkichu, amam suwakunkichu [amam llullataqa willakunkichu], nitaqmi pipa imantapas munapayankichu, nispa. Kay kamachikuywan wakin kaqkunaqa hukllawakun: “Runamasikitam kikikita hina kuyanki” niq kamachikuypim.

Gálatas 5:13

Wawqe-panillaykuna, Diosqa libre kanaykichikpaqmi qayasurqankichik. Ichaqa libre kaynikichiktaqa amayá aychapa munasqanpaq hinachu hapiychik, aswanqa kuyakuywanyá huknikichikmanta huknikichikkama yanapanakuychik.

Deuteronomio 10:12

Israelpa mirayninkuna, ¿imatataq Señornikichik Tayta Dios qamkunamanta munan? Payqa munan kasukuspaykichik munasqanman hina kawsanaykichiktam, tukuy sonqoykichikwan chaynataq tukuy vidaykichikwan kuyaspa yupaychanaykichiktam.

Deuteronomio 30:6

Señornikichik Tayta Diosmi qamkunatapas chaynataq miraynikichiktapas kasukuq sonqotaña ruwasunkichik, chaynapi tukuy sonqoykichikwan, tukuy vidaykichikwan payta kuyaspa allinta kawsanaykichikpaq.

Deuteronomio 6:4

Israel, uyariy: ¡Señorniki Tayta Diosqa sapallan Diosmi!

Deuteronomio 6:5

Señorniki Tayta Diostam tukuy sonqoykiwan, tukuy vidaykiwan hinaspa tukuy kallpaykiwan kuyanki.

Hebreos 8:10

Chay punchawkuna pasaruptinmi Israel miraykunawan pactota ruwasaq. Ñoqa Señormi kaynata nini: Leyniykunatam yuyayninkuman churasaq, sonqonkupim qellqasaq, paykunapaqmi Diosninku kasaq, paykunañataqmi llaqtay kanqa.

Santiago 2:8

Cheqaptapunipas sichum Qellqapa nisqanman hina: “Kuyankim runamasikita kikikita hina” nisqan cheqap leyta kasukuspaqa allintam ruwachkankichik.

1~Juan 3:18

Churillaykuna, amayá simillawanchu kuyanakusunchikqa, aswanqa cheqap ruwaywanyá kuyanakuychik.