Lucas 10:2 - CHUYA QELLQA La Biblia en Quechua de Ayacucho 2012

² Chaymi paykunata nirqa: Cheqaptapunipas achkallañam cose-chanapaqqa kachkan, cosechaqku-nam ichaqa aslla, chaynaqa cose-chapa dueñontayá mañakuychik cosechaqkunata kachamunanpaq.

Quechua Ayacucho Bible 1987

² Paykunatam nirqa: —Achkallañam kachkan cosechanapaqqa, cosechaqkunam ichaqa aslla, chaynaqa mañakuychikyá chakrayoqta cosechaqkunata kachananpaq.

Chuya Qellqa 1992

² Chaymi paykunata nirqa: Cheqaptapunipas achkallañam cosechanapaqqa kachkan, cosechaqkunam ichaqa aslla, chaynaqa cosechapa dueñontayá mañakuychik cosechaqkunata kachamunanpaq.

Lucas 10:2 Iomraidhean Croise

1~Reyes 18:22

Chaymi runakunata Elías nirqa: Sapallayñam Tayta Diospa profetan puchuruni, Baalmanta profetakunam ichaqa tawa pachak pichqa chunkanraq kachkanku.

Jeremías 3:15

Sonqoypa munasqanman hina michisuqnikichiktam qosqaykichik, paykunam yachaywan chaynataq yuyaywan michisunkichik.

Zacarías 11:17

¡Imallapiraq rikukunqa michisqan ovejakunata saqeruq mana valeq michiq! Makinpas espadawan kuchusqa kachun, alleq ñawinpas espadawan tuksisqa kachun. Chayna runapaqqa makinpas chakiruchun, alleq ñawinpas ñawsayaruchun.

Zacarías 11:5

Chay ovejakunataqa rantiqninkunapas mana llakipayarispam wañuchinku, hinaptinmi rantikuqninkunapas kaynataraq ninku: “Tayta Diosyá yupaychasqa kachun, llumpaytañam apuyaruni” nisparaq. Michiqninkupas chay ovejakunamantaqa manam llakipayarikunchu, nispa.

Números 11:17

Uraykamuspaymi qanwan rimasaq, hinaspam qampi kaq espiritumanta paykunaman qosaq, chaynapi runakuna nanachikuypi yanapasunaykipaq. Chaynapim runakunamantaqa manaña qamllañachu nanachikunki.

Números 11:29

Chaymi Moisés nirqa: ¿Imamantataq envidiakunki? Amalaya llapallan runankunaman Espiritunta Tayta Dios qoykunman, chaynapi llapallankuña profetizanankupaq, nispa.

Mateo 20:1

Diospa munaychakuyninqa rikchakun uvas chakranpaq llamkaqkunata maskamunanpaq tutapayta lloqsiq chakrayuqmanmi.

Marcos 13:34

Nisqayqa rikchakun, imaynam huk runa karuman illananpaq serviqninkunaman nanachikunankupaq wasinta saqeykuqmanmi, paymi sapakamaman imam ruwanankupaq saqerqa. Punku cuidaqtapas rikchan-rikchanlla kananpaqmi kamachirqa.

Marcos 16:15

Chaymi paykunata Jesús nirqa: Tukuy hinastinman rispaykichik kay evangeliota llapa runakunaman willakamuychik.

Marcos 16:20

Chaymi discipulonkuna rispanku tukuy hinastinpi willakamurqaku, kikin Señormi paykunata yanaparqa willakusqankuta milagrokunawan cheqapchaspan].

Lucas 9:1

Chunka iskayniyuq discipulonkunata huñuykuspanmi, demoniokunata qarqomunankupaq hinaspa onqoqkunata sanoyachimunankupaq atiyta qorqa.

Hechos 11:19

Estebanta wañurachispankum wakin iñiqkunatapas ñakarichinankupaq qatikacharqaku, chaymi Fenicia, Chipre hinaspa Antioquía lawkunaman wakiqnin ayqekurqaku. Chaykunapim judío runakunallaman Jesucristomanta willakurqaku.

Hechos 13:2

Huk punchawmi, ayunaspanku Señorta yupaychachkaptinku, Chuya Espíritu nirqa: Bernabeytawan Saulota sapaqchapuwaychik, paykunataqa qayarqani kamachisqayta ruwanankupaqmi, nispa.

Hechos 13:4

Chuya Espiritupa kamachisqanmi Bernabeywan Saulo chayarurqaku Seleuciaman, chaymantañataqmi Chipre islaman barcopi rirqaku.

Hechos 20:28

Chaynaqa, cuidakuychikyá, cuidaychiktaqyá iñiqkunatapas, paykunata michinaykichikpaqmi Chuya Espíritu qamkunata akllasurqankichik, paykunaqa Señorninchik Jesucristopa yawarninwan rantisqanmi.

Hechos 22:21

Chaynata niptiymi Señorñataq niwarqa: “Qamtaqa karu llaqtapi mana judío kaqkunaman rinaykipaqmi kamachisqayki”, nispa.

Hechos 8:4

Ichaqa Jerusalenmanta cheqeqkunam, mayman rispankupas Jesucristomanta allin noticiata willakuqku.

1~Corintios 12:28

Diosmi iglesiapi puntata churarqa apostolkunata, iskay kaqpiñataq profetakunata, kimsa kaqpiñataq yachachiqkunata, chaymantañataq milagrokuna ruwaqkunata, onqoqkuna sanoyachiqkunata, yanapa-kuqkunata, imamantapas nanachikuqkunata hinaspa mana yachasqanchik rimaykuna rimaqkunata.

1~Corintios 15:10

Ichaqa Diospa kuyapayakuyninman hinam kunanqa apostolña kani, paypa kuyapayawasqanqa manam yanqapaqchu karqa, ñoqaqa llamkachkani wakin apostolkunamantapas mastaraqmi, ichaqa manam kikillaymantachu aswanqa Diospa yanapakuyninwanmi.

2~Corintios 6:1

Qamkuna yanapaq kasqaykuraykum ruegakamuykiku, amayá Diospa kuyakuynintaqa yanqaqa chaskiychikchu.

Filipenses 2:21

lliwpas paykunaqa kikillankupa allinninkuta maskaspam purinku, Jesucristopa munasqanta mana maskaspanku.

Filipenses 2:25

Wawqenchik Epafroditotam qamkunaman kachamuyta piensarqani, paytam kachamuwarqankichik tukuy imapi yanapawananpaq. Kuskaykum soldado hina yanapanakurqaniku.

Filipenses 2:30

Cristo servisqanpim yaqalla wañukurqa, payqa wañuytapas mana manchakuspam qamkunapa rantikichikpi yanapawarqa.

Colosenses 1:29

Chayraykum Cristopa qowasqan hatun atiywan sinchita kallpanchakuspay llamkachkani.

Colosenses 4:12

Rimaykamusunkichiktaqmi Señorninchikta serviq llaqtamasikichik Epafraspas, paymi tukuy tiempo qamkunapaq tukuy sonqonwan Diosta mañakuchkan, Diospa munasqanman hina allinta sayanaykichikpaq, chaynapi ima kaqpipas Diosman hapipakunaykichikpaq.

1~Tesalonicenses 2:9

Wawqe-paniykuna, qamkunaqa yuyach-kankichikmi mantienekunaykupaq tuta punchaw mana pisipaspa llamkasqaykutapas, chaynapi allin noticia willakuyniykupi mana qamkunata gastachinaykupaq.

1~Tesalonicenses 5:12

Wawqe-panillaykuna, ruegakamuy-kichikmi qamkuna ukupi llamkaqkunapaqyá reqsikuynikichik kachun, paykunaqa Señorpa rantinpim kama-chisuchkankichik hinaspa conseja-suchkankichik.

2~Tesalonicenses 3:1

Wawqe-panillaykuna, ñoqaykupaqpas Diostayá mañakuychik, chaynapi paypa palabranta willakuptiyku Diosta hatunchaspa qamkuna hina chaskinankupaq.

1~Timoteo 4:10

Chayraykum ñakaristinpas llamkanchik wiñay kawsaq Diosninchikpi hapipakuspa. Payqa llapa runapa salvaqninmi, ichaqa tukuymanta llalliqtaqa haykam iñiqkunatam salvan.

2~Timoteo 4:5

Qamyá ichaqa tukuy imapi allin yuyayniyuq kay, sasachakuytapas aguantaspa allin noticiata willakuy chaynata ruwaspaykiyá llamkaynikita cumpliy.

Filemón 1:1

Kuyasqay llamkaqmasiyku Filemón, Cristo Jesusrayku preso kaq ñoqa Pablom iñiqmasinchik Timoteopiwan rimayka-muykiku.

Hebreos 3:6

Cristom ichaqa Churin kasqanrayku Diospa wasinpi munayniyuq karqa, chay wasi hinam ñoqanchikpas paypi hatun confianzawan kallpanchakuspaqa kanchik.

Apocalipsis 2:1

Éfeso llaqtapi iglesiapa angelninman kaynata qellqay: Qanchis chaskakunata alleq makinpi hapiqmi hinaspa qorimanta qanchis candelabrokunapa chawpinpi puriqmi kaynata nin: