Lucas 10:15 - CHUYA QELLQA La Biblia en Quechua de Ayacucho 2012

¹⁵ Capernaúm llaqta, ¿creenkichu hanaq pachakama hoqarisqa karuyta? Aswanqa uku pachakamam uraykachisqa kanki.

Quechua Ayacucho Bible 1987

¹⁵ Capernaum llaqta ¿creenkichum hanaq pachaman hoqarisqa kayta? Uraykachisqam kanki uku pachakama.

Chuya Qellqa 1992

¹⁵ Capernaúm llaqta ¿creenkichu hanaq pachakama hoqarisqa karuyta? Aswanqa uku pachakamam uraykachisqa kanki.

Lucas 10:15 Iomraidhean Croise

Génesis 11:4

Chaymantam ninakurqaku: Huk llaqtata hatarichisun, cielokama haypaq torretawan perqarusunchik, chaynapi ancha reqsisqa kananchikpaq. Yanqañataq tukuy hinastinman kay pachapi cheqeruchwanchik, nispanku.

Isaías 5:14

Chayraykum wañuqkunapa kasqan sitiopas yarqaymanta hinaraq simintapas kicharinqa, llaqtatawan kamachikuqkunatapas millpurunanpaq, fiestakunapi aychanku kusichiyllapi kaqkunatapas millpurunanpaq.

Jeremías 51:53

Babilonia naciontaqa, cielokamaña hoqarikuruptinpas, amparakunanta chaypiña ruwaruptinpas, ñoqam tuñichiqninkunata kachaykusaq. Ñoqa Tayta Diosmi chaynata nini.

Ezequiel 26:20

Chaynapim wañusqakunapa kananman wischuykusqayki, ñawpaq tiempopi runakunapa yachananmanmi wischuykusqayki. Allpapa sonqonmanraqmi qamtaqa wischuykusqayki, mana imapa kananman wischuykuptiymi wañusqakunawan kuska yachanki. Runaykikunapas manañam kanqachu, kay pachapiqa manañam pipas musoqmantaqa hatarichisunkiñachu.

Ezequiel 31:18

Edén lawpi sachakunapas manam kuyayllapaq kaynikimanwan sayaynikimanqa rikchakurqakuchu; ichaqa Edén lawpi wakin sachakunatawan kuskatam uku pachaman uraykachirqayki, chaynapi Diosta mana reqsiqkunawan chaynataq guerrapi wañuqkunawan kuska yachanaykipaq. Chay sachaqa rey Faraonwan runankunam. Ñoqa Tayta Diosmi chaynata nini.

Ezequiel 32:18

Runapa churin, Egipto nacionpa nana-nanaq runankunamanta kay aya takita takiy; paytaqa atiyniyuq nacionkunapa wawankunatawan kuskata, wañusqakunapa kasqanman uraykuqkunatawan kuskata, allpa pachapa ukunman wischuykuy.

Ezequiel 32:20

Espadapi wañuqkunawan kuskam wañunqaku; espadaman qosqam kanqaku. Chaynaqa, ¡chay naciontayá nana-nanaq runakunatawan kuskata pusamuychik!

Ezequiel 32:27

Paykunaqa Diosta mana reqsiqkunapa guerrapi wañuq allinnin qari-qari soldadonkunawanqa manam kuskachu kachkanku, chay qari-qari soldadokunaqa armankuwan kuskam wañusqakunapa kasqanman uraykurqaku; wañuruptinkum espadankuwan sawnaykachirqaku, escudonkutañataqmi hawankuman churaykurqaku; ichaqa paykunapa mana allin ruwasqankuqa hinallaraqmi tullunkupipas kachkan. Chay allinnin qari-qari runakunaqa kawsayninkupim llapa runakunata katkatatachirqaku.

Abdías 1:4

Ichaqa anka hinaña altoman hoqarikuruptikipas, chaskakunapa chawpinpiña qesachakuruptikipas, chaymantam wichichimusqayki, Tayta Diosmi chaynata nin.

Mateo 10:28

Cuerpo wañuchiqkunataqa amayá manchakuychikchu, manam almataqa wañuchiyta atinmankuchu, manchakuychikqa almantinta, cuerpontinta infiernopi wiñaypaq chinkachiqtayá.

Mateo 11:23

Capernaúm llaqta, ¿hanaq pachakama hatarichisqa kaytachu piensachkanki? Aswanqa uku pachakamam wischusqa kanki. Sichum qam ukupi milagro ruwasqaykuna Sodoma llaqtapi ruwasqa kaptinqa, kunankamapas kachkanmanmi karqa.

Mateo 4:13

Nazaret llaqtamanta lloqsispam Galilea qochapa patanpi kaq Capernaúm llaqtapi yacharqa, chay llaqtaqa kachkan Zabulón hinaspa Neftalí lawpim.

Lucas 13:28

Hinaptinmi hawapi qeparuspa, Abrahamta, Isaacta, Jacobta hinaspa profetakunata Diospa munaychakuyninpi kachkaqta qawaspa, kiruykichikpas kirichichisqa qaparkachankichik.

Lucas 16:23

Chay apum, wañusqakunapa kasqanpi ñakarichkaspan karumanta qawarispan Abrahamta rikururqa, Lazarotañataq waqtanpi tiyachkaqta.

Deuteronomio 1:28

Kunanqa, ¿maymantaq risunchik? Chay allpata qawamuq llaqtamasinchikkunam kaynata willakuspa sonqonchikta hukmanyarachin: Chay allpapiqa ñoqanchikmantapas aswan kallpasapa hatunkaray runakunam kasqaku, llaqtakunapa murallankunapas alto-altom kasqa. Hatunkaray Anacpa mirayninkunatapas rikuramunikum, nispanku. “Chay willakuymi pasaypaqta hukmanyarachiwanchik”, nispaykichik.

2~Pedro 2:4

Diosqa manam huchallikuq angelkunatapas pampacharqachu, paykunataqa infiernoman wischuykuspanmi juicio punchawkama tutayaypi cadenasqata saqerurqa.