Lucas 1:75 - CHUYA QELLQA La Biblia en Quechua de Ayacucho 2012

⁷⁵ Diosllapaqña kawsaspa, allin kaqkunata ruwaspa payllapaqña sapa punchaw kawsananchikpaq.

Quechua Ayacucho Bible 1987

⁷⁵ Diosllapaqña kawsaspa, paypa qayllanpi allinta ruraspa sapa punchaw kawsananchikpaq.

Chuya Qellqa 1992

⁷⁵ Diosllapaqña kawsaspa, allin kaqkunata ruwaspa payllapaqña sapa punchaw kawsananchikpaq.

Lucas 1:75 Iomraidhean Croise

Isaías 43:21

Kay llaqtataqa kikiypaqmi unancharqani, chaynapi hatunchasqa kasqayta willakunankupaq.

Zacarías 8:19

Tawa kaq killapi, pichqa kaq killapi, qanchis kaq killapi hinaspa chunka kaq killapi ayuno ruwasqaykichikmi kusikuymanña tikrakunqa, Judá nacionpaqmi hatun kusikuy fiestamanña tikrakunqa. Chaynaqa, cheqap kaqtawan hawka kawsakuyta kuyaychik, nispa.

Mateo 1:21

Qari wawatam wachakunqa, paytam Jesuswan sutichanki, paymi llaqtanta huchankunamanta salvanqa, nispa.

Lucas 1:74

enemigonchikkunamanta librawananchikpaq chaynapi mana manchakuspa payta servinanchikpaq,

Efesios 1:4

Manaraqpas kay pacha unanchasqa kachkaptinmi Diosqa Cristorayku akllawarqanchikña, chaynapi paypa qayllanpi mana chikanpas huchayuq kaspa payllapaqña kawsananchikpaq.

Efesios 2:10

Diospa ruwasqanmi kanchik, paymi unanchawarqanchik Cristo Jesuswan huklla kaspa allinkunata ruwananchikpaq, chaykunataqa Diosmi ñawpaqmantaraq ruwarqaña chayman hina kawsananchikpaq.

Efesios 4:24

Hinaspayá musoq runawan pachakuychik, Diosman rikchakuq kanaykichikpaq, chayna runatam Diosqa unancharqa cheqaptapuni mana huchallikuq justo kananpaq.

Deuteronomio 6:2

Chaynata ruwaspam Señornikichik Tayta Diosta respetankichik, hinaspam kawsanaykichik punchawkama kasukunkichik. Qamkunapas, churikichikkunapas chaynataq willkaykichikkunapas kasukuspa unay watakuna kawsakunaykichikpaq.

1~Tesalonicenses 4:1

Wawqe-panillaykuna, qamkunatam yachachirqaykichik Diospa munasqanman hina kawsanaykichikpaq. Chaynatam qamkuna kawsachkankichik, Señor Jesusraykum ruegakuspa mañakuykiku aswanraq chaynata kawsanaykichikpaq.

1~Tesalonicenses 4:7

Diosqa manam millakuypaq hucha ruwaypi purinapaqchu qayawarqanchik, aswanqa payllapaqña kawsanapaqmi.

2~Tesalonicenses 2:13

Señorpa kuyakusqan wawqe-panillaykuna, ñoqaykuqa tukuy tiempom qamkunamanta Diosman graciasta qonayku. Ñawpaqmantaraqmi Diosqa Espiritupa chuyanchakuyninwan akllasurqankichik, chaynapi cheqap kaqta chaskispa salvakunaykichikpaq.

2~Timoteo 1:9

Diosmi salvawaspanchik chuya llaqtan kananchikpaq sapaqchawarqanchik, manam chayqa imapas allin ruwasqanchikraykuchu, aswanqa munasqanman hinallam hinaspa kay pachapas manaraq unanchasqa kachkaptin Cristo Jesusnintakama kuyawasqanchikraykullam.