Lucas 1:6 - CHUYA QELLQA La Biblia en Quechua de Ayacucho 2012

⁶ Paykunaqa warmi-qarim Diospa qayllanpi allin ruwaq runakuna karqaku. Diospa kamachikuyninkunatapas lliwtam kasukuqku.

Quechua Ayacucho Bible 1987

⁶ Warmi-qarim paykunaqa Diospa qayllanpi allin ruraq karqaku, Señorpa lliw kamachikuyninkunatam leyninkunatawan kasukuqku.

Chuya Qellqa 1992

⁶ Paykunaqa warmi-qarim Diospa qayllanpi allin ruwaq runakuna karqaku. Diospa kamachikuyninkunatapas lliwtam kasukuqku.

Lucas 1:6 Iomraidhean Croise

Génesis 17:1

Abramqa isqon chunka isqonniyuq watanpi kachkaptinmi Tayta Dios rikuriykuspan nirqa: Ñoqam kani Tukuy Atiyniyuq Tayta Dios, munasqayman hinayá kawsay.

Génesis 6:9

Kaymi Noeypa vidanmanta willakuy. Noeyqa karqa runamasinkunamantapas allin ruwaq runam, payqa mana faltayuq kaspam Diospa munasqanman hina kawsarqa.

Génesis 7:1

Chaymantam Noeyta Tayta Dios nirqa: Aylluykikunapiwan kuska arcaman yaykuy, llapallan runakunamantam qamta allin ruwaqta qawayki.

1~Reyes 15:5

Davidqa Tayta Diospa munasqanman hinam kawsarqa, wañukunankamapas kamachisqankunatam mana rakikuspa ruwayman churarqa; huchallikururqaqa Het casta Uriasta wañurachispallanmi.

1~Reyes 9:4

Sichum taytayki David hina kawsaspa tukuy sonqoykiwan mana pantaspa lliw kamachisqaykunata ruwayman churaptikiqa chaynataq yachachikuyniykunatawan decretoykunata kasukuptikiqa,

2~Reyes 20:3

Dios Taytalláy mañakuykim, qayllaykipi cheqap sonqowan kawsasqayta hinaspa qampa munasqaykiman hina ruwasqaytayá yuyariykuy, nispa. Chaynata niruspanmi Ezequiasqa llumpayta waqakurqa.

2~Crónicas 17:4

aswanqa taytanpa Diosninta maskaspanmi kamachikuyninkunata kasukurqa, Israel nacionpi runakunapa ruwasqantapas manam qatipakurqachu.

Jobwan Sutichasqa Libro 1:1

Uz nacionpim Job sutiyuq runa yacharqa. Payqa karqa mana huchayuqmi, allin kaqkuna ruwaqmi, Tayta Diosta manchakuqmi, mana allin ruwaykunamanta sapaqchakuqmi.

Jobwan Sutichasqa Libro 1:8

Chaymi Tayta Dios tapurqa: ¿Yaqachum rikumurqanki serviqniy Jobta? Payqa mana huchallikuqmi, allin kaqkuna ruwaqmi, ñoqatapas kasuwanmi, mana allin ruwaykunamantapas sapaqchakuqmi, pay hinaqa manam pipas kay pachapiqa kanchu, nispa.

Jobwan Sutichasqa Libro 9:2

Arí, ñoqaqa yachanim chayna kasqanta. ¿Runaqa imaynataq Diospa qayllanpi mana huchayuqpaq hapikunman?

Lucas 1:7

Ichaqa warmin Elisabet qolluq kasqanraykum mana wawa-churiyuq karqaku. Iskayninkum yuyaqkamaña karqaku.

Lucas 16:15

Chaymi Jesusñataq nirqa: Qamkunaqa runakuna qawanallan-paqmi allin tukunkichik, Diosmi icha-qa sonqoykichikta reqsisunkichik. Runakunapaq sumaqllaña rikchakuqpas Diospaqqa millakuypaqmi.

Lucas 2:25

Jerusalenpim Simeón sutiyuq runa yacharqa, payqa allin kaqkunata ruwaspa kuyapayakuq runam karqa. Paymi Israel nación salvasqa kananta suyachkarqa. Payqa Chuya Espiritupa huntasqanmi karqa.

Hechos 2:25

Ñawpaqtam Jesusmanta rimaspan David nirqa: “Tukuy tiempom Señorniyqa ñoqawan kachkan, pay alleqniypi kaptinqa, manam imapas urmachiwanqachu.

Hechos 23:1

Chaymi cortepi kamachikuqkunata allinta qawaykuspan Pablo nirqa: Wawqellaykuna, kunankamam sonqoy hawkalla karqa Diospa qayllanpi, nispa.

Hechos 24:16

Chayraykum Diospa qayllanpipas hinaspa runakunapa qayllanpipas concienciaypa mana acusasqan kawsakuyta munani.

Hechos 8:21

Kay chaskinaykipaqa manam partekipas nitaq suertekipas kanchu, sonqoykipas Diospa qayllanpiqa millakuypaqmi kachkan.

Romanos 8:4

Chaynataqa ruwarqa leypa nisqanta cumplinanchikpaqmi, chaynapi manaña aychanchikman hinañachu, aswanqa Espirituman hinaña kawsanapaq.

1~Corintios 11:2

Wawqe-panillaykuna alabaykichikmi yuyariwasqaykichikmanta hinaspa yachachisqaykuna kasukusqaykichik-mantapas.

2~Corintios 1:12

Kaywanmi kusisqa kachkaniku, ñoqaykuqa kay pachapipas chaynataq qayllaykichikpipas allintam kawsarqaniku. Diosmi yanapawarqaku mana engañakuspa payllapaqña kawsanaykupaq, chaynataqa kawsarqaniku manam yachayniyuq kasqaykuraykuchu.

Deuteronomio 5:33

Señornikichik Tayta Diospa kamachisusqaykichikman hina allinta kawsaychik, chaynapi yachanaykichik allpapipas unay watakuna kawsanaykichikpaq.

Filipenses 2:15

chaynapim mana culpayuq hinaspa mana huchayuq kaspaykichik Diospa churin chuya sonqo kankichik millakuypaq huchallikuq runakunapa chawpinpi. Qamkunaqa tutapi kanchaq chaska hinam sutilla lliwpa reqsisqan kachkankichik.

Colosenses 1:22

Chaynaqa, karun Cristopa runa kayninpi wañus-qallanwanmi. Payqa wañurqa chuyanchasqata, mana qachayuqta hinaspa pasaypaq mana huchayuqtaña Diospa qayllanman pusaykusunaykichikpaqmi

1~Tesalonicenses 3:13

Señoryá iñiynikichikpi takyachisunkichik Dios Taytanchikpa qayllanpi chuya kanaykichikpaq hinaspa payllapaqña kawsanaykichikpaq, chaynaqa kankichik Señorninchik Jesucristo llapallan sapaqchasqankunawan kutimunan punchawpaqmi.

2~Pedro 3:14

Kuyasqay wawqe-panillaykuna, kaykunata suyachkaspaqa utqaymanyá huchaykichikmanta chuyanchakuychik, chaynapi Diospas mana huchayuqta hinaspa hawkayaypi kachkaqta tari-musunaykichikpaq.

1~Juan 2:29

Jesucristoqa allinkuna ruwaq kasqanta yachaspaykichikqa, qamkunapas yachaychiktaqyá haykam allinkuna ruwaqkunaqa Jesucristomanta nacesqaña kasqankuta.

1~Juan 2:3

Kamachikuyninkunata kasukuspam yachanchik Dios reqsisqanchikta.

1~Juan 3:7

Churillaykuna, amayá piwanpas engañachikuychikchu, pipas allin ruwaqqa Jesucristo hina allin ruwaqmi.