Lucas 1:32 - CHUYA QELLQA La Biblia en Quechua de Ayacucho 2012

³² Payqa atiyniyuqmi kanqa, chayraykum tukuy imapa hawanpi munaychakuq Diospa Churinwan sutichasqa kanqa. Kikin Diosmi Rey kananpaq ñawpaq taytan Davidpa trononta qoykunqa.

Quechua Ayacucho Bible 1987

³² Ancha reqsisqa kaspanmi hanaq pachapi Diospa Churinwan sutichasqa kanqa. Señor Diospunim rey kananpaq churanqa ñawpaq abuelon Davidta hina.

Chuya Qellqa 1992

³² Payqa atiyniyuqmi kanqa, chayraykum tukuy imapa hawanpi munaychakuq Diospa Churinwan sutichasqa kanqa. Kikin Diosmi Rey kananpaq ñawpaq taytan Davidpa trononta qoykunqa.

Lucas 1:32 Iomraidhean Croise

2~Samuel 7:16

Miraynikipas chaynataq munaychakuynikipas wiñaypaqmi takyanqa. Kamachikuynikipas wiñay-paqmi takyanqa”, nispa.

Isaías 16:5

Diosmi hatun kuyakuyninpi huk kamachikuqta Davidpa mirayninmanta churanqa. Paymi juzgaspan allin arreglota ruwanqa, runakuna allinta ruwanankupaqmi hikutanqa, nispanku.

Jeremías 17:25

Chaynata ruwaptikichikqa, rey Davidpa mirayninmanta kamachikuqkunam carretakunapi chaynataq caballokunapi sillada kay llaqtapa punkunta yaykunqaku. Paykunaqa yaykunqa Judá nacionpa kamachiqninkunawan, Judá nacionpi yachaqkunawan hinaspa Jerusalenpi yachaqkunawan kuskam. Kay llaqtapiqa runakunam wiñaypaq yachanqaku.

Jeremías 22:2

Davidpa trononmanta Judá nacionpi munaychakuq rey, kamachikuqkuna, reypa serviqninkuna, llaqta runakuna, Tayta Diospa nisqanta uyariychik.

Daniel 2:44

Chay reykuna munaychakuchkaptinkum hanaq pacha Dios hatarichinqa wiñaypaq mana tuñichiy atina munaychakuyta, chay munaychakuypa hawanpiqa manam hukqa munaychakunqachu. Aswanqa chay munaychakuymi llapallan munaychakuykunata ñutupaspan wiña-wiñaypaq takyanqa.

Mateo 1:1

Kaykunam Jesucristopa ñawpaq taytankuna, payqa karqa Abrahampa chaynataq Davidpa mirayninmi:

Mateo 12:42

Sur lawmanta Sabá reinapas juicio punchawpim kay runakunawan kuska kawsarimuspan paykunata acusanqa. Payqa kay pachapa tukupaynin karu-karu llaqtamantaraqmi rey Salomonpa yachaynin uyariq hamurqa. Kaypiqa Salomonmantapas aswan yachayniyuqmi kachkan.

Mateo 28:18

Chaymi Jesusñataq paykunaman asuykuspan nirqa: Diosmi tukuy atiyta qoykuwan hanaq pa-chapipas chaynataq kay pachapipas.

Mateo 3:11

Ñoqaqa huchaykichikmanta wanakuptikichikmi yakuwan bautizaykichik, qepay hamuqmi ichaqa Chuya Espirituwan chaynataq ninawan bautizasunkichik, payqa ñoqamantapas aswan atiyniyuqmi, ñoqaqa manam usutallantapas apaq hinachu kani.

Marcos 14:61

Jesusmi ichaqa mana imatapas rimarispan upallalla karqa. Hinaptinmi sumo sacerdote huktawan tapurqa: ¿Qamchu kachkanki Diospa Churin Cristo? nispa.

Marcos 5:7

Hinaspam hatunmanta qaparispan nirqa: Tukuy imapa hawanpi munaychakuq Diospa Churin Jesús, ¿imatataq ñoqawan munanki? Diosraykum mañakuyki ama ñakarichiwanaykipaq, nispa.

Lucas 1:15

Payqa Diospa qayllanpipas llumpay hatunchasqam kanqa. Manam vinotapas nitaq ima sinkachikuqtapas tomanqachu. Manaraq nacechkaspanmi Chuya Espiritupa huntasqanña kanqa.

Lucas 1:35

Chaymi angelñataq nirqa: Chuya Espiritum qanman hamunqa, hinaptinmi hanaq pachapi Diospa atiynin llantuy hina pampaykusunki. Chayraykum naceq chuya wawaqa Diospa Churinwan sutichasqa kanqa.

Lucas 1:76

Churilláy, qamñataqmi tukuy imapi munaychakuq Diospa profetanwan sutichasqa kanki, qanmi ñanta allichastin Señorpa ñawpaqninta rinki.

Lucas 3:16

Chaymi llapallankuta Juan nirqa: Cheqaptapas ñoqaqa yakullawanmi bautizaykichik, qepay hamuqmi ichaqa Chuya Espirituwan hinaspa ninawan bautizasunkichik. Payqa ñoqamantapas aswan atiyniyuqmi, chaymi usutanpa watullantapas mana paskaq hinachu kani.

Lucas 6:35

Ene-migoykichiktapas kuyaspayá paykunapaq allin kaqkunata ruwaychik, imatapas mana imallapaqyá prestaychik. Chaynapim hatun premiota chaskinkichik, hinaspam hanaq pachapi Diospa churinkuna kankichik; payqa mana reqsikuqninkunatapas chaynataq huchasapakunatapas kuyapayanmi.

Juan 12:34

Runaku-nañataqmi nirqaku: Leypiqa uyarirqaniku: “Cristoqa wiñay-paqmi kawsanqa” niqtam. ¿Imaynataq qamqa ninki: “Runapa Churinqa cheqaptapunim chakatasqa wañunqa”, nispaykiqa? ¿Pitaq runapa Churinqa? nispanku.

Juan 6:69

Ñoqaykuqa ñam creenikuña, yachanikutaqmi kawsaq Diospa Churin kasqaykitapas, nispa.

Hechos 16:17

Chay sipasmi Pablotawan ñoqaykuta qatikachawaspanku qayaykachakurqa: ¡Kay runakunaqa hanaq pachapi Diostam servinku, paykunaqa willasuchkankichik imaynam salvakunaykichikmantam! nispa.

Hechos 2:30

Davidqa profetam karqa, chaymi payman juraspan Dios prometekusqanrayku yacharqa paypa mirayninmanta Cristo hamunanta hinaspa David hina Israel nacionpi munaychakunanta.

Hechos 2:36

Israelpa llapallan mirayninkuna, yachaychikyá, qamkunapa chakatarusqaykichik Jesustam Cristo hinaspa Señor kananpaq Dios churaykun, nispa.

Hechos 7:48

hanaq pachapi Diosqa mana runakunapa ruwasqan templopi yachachkaptinpas. Diospa profetanmi kaynata nirqa:

Romanos 1:4

Chuya Espirituman hinañataqmi, wañusqanmanta kawsarimusqanrayku, Diospa atiyniyuq Churinwan sutichasqa karqa.

Apocalipsis 3:7

Filadelfia llaqtapi iglesiapa angelninman kaynata qellqay: Chuya kaqmi, Cheqap kaqmi, Davidpa llaven hatalliqmi chaynataq kichaptiyqa manam pipas wichqanmanchu, wichqaptiyqa manam pipas kichanmanchu niqmi, kaynata nin: