Lucas 1:15 - CHUYA QELLQA La Biblia en Quechua de Ayacucho 2012

¹⁵ Payqa Diospa qayllanpipas llumpay hatunchasqam kanqa. Manam vinotapas nitaq ima sinkachikuqtapas tomanqachu. Manaraq nacechkaspanmi Chuya Espiritupa huntasqanña kanqa.

Quechua Ayacucho Bible 1987

¹⁵ Payqa Diospa qayllanpipas reqsisqam kanqa. Amam vinotaqa nitaq ima poqosqa aqatapas mallinqachu. Nacesqanmantapunim payqa Chuya Espiritupa huntasqan kanqa.

Chuya Qellqa 1992

¹⁵ Payqa Diospa qayllanpipas llumpay hatunchasqam kanqa. Manam vinotapas nitaq ima sinkachikuqtapas tomanqachu. Manaraq nacechkaspanmi Chuya Espiritupa huntasqanña kanqa.

Lucas 1:15 Iomraidhean Croise

Génesis 12:2

Miraynikikunamantam hatun nacionta hatarichisaq, bendecisqaykim, ancha reqsisqatam ruwasqayki, qamraykum llapa runakunatapas bendecisaq.

Génesis 48:19

Taytanñataqmi mana munaspan nirqa: Yachanim churilláy, Manasespa mirayninpas hatun nacionmi kanqa, ichaqa sullkanmi aswan allin qawasqaqa kanqa, mirayninmantapas achka nacionkunam hatarinqa nispa.

1~Crónicas 17:8

Maypiña puriptikipas qanwanmi karqani, enemigoykikunatapas qayllaykimantam tukururqani. Kay pachapi atiyniyuqkunata hinam ancha reqsisqata ruwasqayki.

1~Crónicas 29:12

Apuyaywan ancha reqsisqa kaypas qanmantam hamun, kallpapas atiypas makikipim kachkan, atiypas ancha reqsisqa kaypas qamllamantam hamun.

Jeremías 1:5

Mamaykipa wiksanpi manaraqpas unanchachkaspaymi reqsirqaykiña, manaraqpas nacechkaptikim qamtaqa sapaqcharqaykiña; nacionkunapa profetan kanaykipaqmi akllarqaykiña.

Jeremías 35:6

Paykunam ichaqa niwarqaku: Manam tomaymankuchu. Recabpa churin taytayku Jonadabmi kaynata kamachiwarqaku: “Vinotaqa amam wiñaypaq tomankichikchu qamkunapas nitaq miraynikichikpas.

Levítico 10:9

Ñoqaman asuykuna carpaman yaykuspaqa qampas otaq churikikunapas amam vinota nitaq poqosqa aqatapas upyankichikchu, yanqañataqmi wañuruwaqchik. Kay nisqayqa wiña-wiñaypaq kamachikuymi llapallan miraynikichikpaq kanqa.

Zacarías 9:15

Tukuy Atiyniyuq Tayta Diosmi llaqtanta waqaychanqa, paykunañataqmi enemigonkupa warakanan rumikunata sarupanqaku, hinaspam enemigonkuta mikurunqaku, yawarnintapas vinota hinaraqmi tomanqaku, yawarwan huntasqa plato hinaraqmi kanqaku, altarpi waqrakuna hinaraqmi kanqaku.

Lucas 1:14

Naceruptinmi ancha-anchata kusikunki, llapa runakunapas anchallatañam kusikunqaku.

Lucas 7:28

Cheqaptapunim nikichik, warmimanta nacemuq runakunamantaqa manam pipas Bautizaq Juan hinaqa kanchu. Chaywanpas Diospa munaychakuyninpi kaqkunamantaqa taksan kaqmi Juanmantapas aswan hatunqa.

Lucas 7:33

Bautizaq Juanmi hamurqa, payqa manam mikurqachu nitaqmi vinotapas tomarqachu, hinaptinmi nirqankichik: “Payqa demoniopa huntasqanmi”, nispaykichik.

Juan 5:35

Juanqa achkiq mechero hinam karqa, chaymi chay achkiywan pisi tiempollapas kusikuyta munarqankichik.

Hechos 2:4

Llapallankuman Chuya Espíritu huntaykuptinmi mana yachasqanku rimaykunapi rimayta qallaykurqaku Chuya Espiritupa rimachisqanman hina.

Gálatas 1:15

Aswanqa manaraq nacechkaptiymi munasqanman hina Dios sapaqchawarqa hinaspam llumpay kuyakuyninwan qayaykuwarqa.

Efesios 5:18

Amayá vinowanqa sinkakuychikchu, chayqa viciokunamanmi apakun, aswanqa Chuya Espiritupa huntasqanyá kaychik.

Josué 3:7

Hinaptinmi Josueyta Tayta Dios nirqa: Kunan punchawmanta qepamanmi, Israelpa mirayninkuna qawanankupaq anchata hatunchasqayki, chaynapim Moiseswan kasqayta hina qanwanpas kasqayta yachanqaku.

Josué 4:14

Chay punchawmi Israelpa mirayninkunapa qayllanpi, Josueyta Tayta Dios hatuncharqa. Chaymi Moisesta hina Josueytapas kawsanan punchawkama respetarqaku.