Levítico 9:4 - CHUYA QELLQA La Biblia en Quechua de Ayacucho 2012

⁴ Pusachimuytaq huk torotawan huk carnerotapas. Chaykunataqa Dioswan allinlla kasqankumanta ofrendapaqmi Tayta Diospa qayllanpi wañuchinqaku. Apamunqakutaqmi kawsaykunamanta aceitewan chapusqa ofrendatapas. Tayta Diosmi kunan qamkunaman rikurisunkichik, nispa.

Quechua Ayacucho Bible 1987

⁴ Wañuchinapaqyá pusamuchunkutaq huk bueyestapas chaynataq huk carnerotapas. Chaykunataqa Tayta Diospa qayllanpimá wañuchinqaku paywan allinlla kasqankumanta ofrendapaq. Apamunqakutaqmi aceitewan chapusqa kawsaykunamanta ofrendatapas. Tayta Diosmi kunan rikuriykusunkichik —nispa.

Chuya Qellqa 1992

⁴ Pusachimuytaq huk torotawan huk carnerotapas. Chaykunataqa Dioswan allinlla kasqankumanta ofrendapaqmi Tayta Diospa qayllanpi wañuchinqaku. Apamunqakutaqmi kawsaykunamanta aceitewan chapusqa ofrendatapas. Tayta Diosmi kunan qamkunaman rikurisunkichik, nispa.

Levítico 9:4 Iomraidhean Croise

Éxodo 16:10

Israelpa mirayninkunata Aarón rima-payachkaptinmi chunniq lawta qawarirqaku, hinaptinmi Tayta Diospa kanchaynin puyupi kachkasqa.

Éxodo 19:11

hinaspa mincha punchawpaq allichakuchunku; mincha punchawtam Sinaí orqopa hawanman, llapallan runakuna qawachkaptin ñoqa Tayta Dios uraykamusaq.

Éxodo 24:16

Tayta Diospa atiyninmi Sinaí orqopa hawan-man tiyaykurqa. Soqta punchawmi orqota puyu taparurqa. Qanchis kaq punchawpiñataqmi puyu ukumanta Moisesta Tayta Dios qayamurqa.

Éxodo 29:43

Chaypim Israelpa mirayninkunawan tupasaq, hinaptinmi chaypi tarikusqayrayku chay sitioqa ñoqallapaqña sapaqchasqa kanqa.

Ezequiel 43:2

Hinaptinmi rikurqani Israelpa yupaychasqan Tayta Diospa kanchariynin intipa qespimunan lawmanta hamuchkaqta. Qapariyninpas lloqllapa qapariynin hinaraqmi uyarikurqa, chaymi kanchariyninwan kay pachapas sumaqllataña achkirirqa.

Ezequiel 43:27

Chay qanchisnintin punchawkuna tukuruptinmi, pusaq kaq punchawmanta qepaman llapa sacerdotekuna qallaykunqaku lliw kañana sacrificiokunatawan ñoqa Tayta Dioswan allinlla kasqaykichikmanta sacrificiokuna ofreceyta; hinaptinmi chaskisqaykichik. Ñoqa Tayta Diosmi chaynata nini.

Levítico 2:1

Pipas kawsaykunamanta ofrendata apamuspaqa, fino harinatam apamuwanqa, chaymanñataqmi aceitetawan inciensota tallinqa.

Levítico 3:1

Pipas ñoqawan allinlla kasqanmanta vacakunamanta otaq torokunamanta wañuchipuwananpaq ofrendan kaptinqa, chay animalqa sanom kanan.

Levítico 9:23

Chaymantam Moiseswan Aarón, Diosman asuykuna carpaman yaykurqaku, lloqsiramuspankuñataqmi runakunapaq Diospa bendicionninta mañakurqaku, chaymi Tayta Diospa achkiriynin llapallan runakunaman rikuriykurqa.

Levítico 9:3

Israelpa mirayninkunata niy hucha pampachanapaq kaq chivatota pusamunankupaq, pusamuchunkutaq malta torotawan malta carnerotapas. Chaykunaqa lliw kañanapaq huk watayuq sano animalkunam kanqa.

Levítico 9:5

Chaymi paykuna Moisespa kamachisqanman hina aparqaku Tayta Diosman asuykuna carpapa punkunman; hinaspam Israelpa mirayninkuna chaypi huñunakuruspanku Tayta Diospa qayllanpi sayarqaku.

Levítico 9:6

Hinaptinmi Moisés nirqa: Chayta ruwanaykichikpaqmi Tayta Dios kamachikun, chayta ruwaptikichikmi paypa atiynin rikuriykusunkichik, nispa.

Números 14:10

Llapa runakunañataqmi paykunata rumiwan choqaparuyta munarqaku. Ichaqa Tayta Diospa atiyninmi Diosman asuykuna carpapi Israelpa mirayninkunaman rikuriykurqa.

Números 16:19

Coreymi Moisespa chaynataq Aaronpa contranpi llaqtata huñuramurqa Diosman asuykuna carpapa punkunman, hinaptinmi Diospa atiynin llapallan chaypi huñunasqa runakunaman rikuriykurqa.