Levítico 7:32 - CHUYA QELLQA La Biblia en Quechua de Ayacucho 2012

³² Ñoqawan allinlla kasqaykichikmanta ofrecewasqaykichik animalpa alleq piernantam sacerdoteman qonkichik, chayqa sacerdoteman paganaykichik ofrendam.

Quechua Ayacucho Bible 1987

³² Ñoqawan allinlla kasqaykichikmanta ofrecewasqaykichik animalpa *f**alleq piernantaqa qonkichik sacerdotemanmi. Chayqariki sacerdoteman paganaykichik ofrendam.

Chuya Qellqa 1992

³² Ñoqawan allinlla kasqaykichikmanta ofrecewasqaykichik animalpa alleq piernantam sacerdoteman qonkichik, chayqa sacerdoteman paganaykichik ofrendam.

Levítico 7:32 Iomraidhean Croise

Éxodo 29:27

Aaronwan churinkuna sacerdoteykunaña kanankupaq kuyuchina ofrendata ofrecewasqayki carneromantam pechontawan piernanta sapaqchanki. Chaykunam Aaronpaqwan churinkunapaq kanqa.

Levítico 10:14

Tayta Diosman kuyuchispa ofrecesqa animalpa qasqontawan qamkunapaq sapaqchasqa piernataqa mikunkichik chaypaq sapaqchasqa sitiopim, qari churikikunawan hinaspa warmi churikikunawan kuska, chaykunaqa qanmanwan churikikunaman qosqam. Chaykunataqa Tayta Diosmi qosunkichik Israelpa mirayninkuna allinlla kasqanku ofrenda qosqankumanta.

Levítico 7:33

Chay animalpa alleq piernantam ñoqawan allinlla kasqaykichikmanta animalpa yawarnin hinaspa wiran presentawaqniy sacerdoteman qonkichik.

Levítico 7:34

Israelpa mirayninkuna ñoqawan allinlla kasqankumanta animalta ofrecewaptinkum hurqonki kuyuchispa ofrecewananku qasqon ofrendata chaynataq sacerdoteman qonanku piernan ofrendatapas. Chaytaqa ruwankichik Aaronpaqwan mirayninkunapaq imaynam wiña-wiñaypaq decretoyman hinam.

Levítico 9:21

Qasqonkunatawan alleq piernankunatañataqmi kuyuchisqa ofrendata hina Tayta Diosman ofrecerqa. Chaykunataqa ruwarqa imaynam Moisesman Tayta Diospa kamachisqanman hinam.

Números 5:9

Tukuy imakunamantapas Israelpa mirayninkuna ñoqapaq sapaqchapuwasqankuqa sacerdotepaqmi kanqa.

Números 6:20

Chaymantam sacerdoteqa kuyuchisqa ofrendata hina ñoqa Tayta Diosman ofrecemuwanqa. Ofrecemuwasqan animalpa qasqonwan piernanqa ñoqallapaqña sapaqchasqa kasqanraykum sacerdotepaq kanqa. Chaynata sacerdote ruwaruptinñam chay runaqa vinota tomanman.

Deuteronomio 18:3

Runakunam sacerdotekunaman torokunata, carnerokunata apamunqaku, chaynapi sacerdotekuna Tayta Diosman ofrecenankupaq. Chay ofrecesqankumantam sacerdotekunapaq kanqa: Brazon, kakichun, wiksan;

1~Samuel 9:24

Yanukuqñataqmi piernan aychata hurqoykamuspan Saulman qoykurqa. Hinaptinmi Samuel nirqa: Kaytam qampaq sapaqllata churachirqani, mikuykuyá, qampaqmi churachirqani kay runakunaman convidasqay punchawpi mikuykunaykipaq, nispa. Chaynapim Saulwan Samuelqa chay punchawpi mikurqaku.