Levítico 7:24 - CHUYA QELLQA La Biblia en Quechua de Ayacucho 2012

²⁴ Kikillanmanta wañuq ani-malpa wiranqa chaynataq purun animalpa wañuchisqan animalpa wiranqa imapas huk rikchaqpim servikunqa, amam mikunkichikchu.

Quechua Ayacucho Bible 1987

²⁴ Imapas huk rikchaqpim servikunqa kikillanmanta wañuq animalpa wiranqa chaynataq purun animalpa wañuchisqan animalpa wiranpas, chay wirakunataqa amamá mikunkichikchu.

Chuya Qellqa 1992

²⁴ Kikillanmanta wañuq animalpa wiranqa chaynataq purun animalpa wañuchisqan animalpa wiranqa imapas huk rikchaqpim servikunqa, amam mikunkichikchu.

Levítico 7:24 Iomraidhean Croise

Éxodo 22:30

Vacaykikunapa chaynataq ovejaykikunapa punta kaq wawankunatapas qowankim; nacesqanmantam qanchis punchaw mamanwan kanqa, pusaq punchawmanñataqmi ñoqaman qowanki.

Éxodo 22:31

Qamkunaqa ñoqallapaqña sapaqchasqa runakunam kankichik, chayraykum aycha mikuq purun animalkunapa wañuchisqan animalpa aychantaqa ama mikunkichikchu, chay aychataqa allqokunamanmi wischuykunkichik.

Ezequiel 4:14

Chaymi ñoqañataq nirqani: Dios Taytalláy, ñoqaqa manam haykapipas kayna millakuypaq kaqkunataqa mikurqanichu. Kikillanmanta wañuq animalpa aychantawan purun animalpa tisapasqan aychata hinaspa millakuypaq aychakunataqa manam haykapipas mikurqanichu, warma kasqaymantapas manam simiymanqa chayarqachu, nispay.

Ezequiel 44:31

Sacerdotekunaqa amam mikunqakuchu kikillanmanta wañuruq animalkunataqa alton pawaq kaptinpas otaq ima animal kaptinpas; amataqmi mikunqakuchu purun animalkunapa puchuntapas.

Levítico 17:15

Israelpa mirayninkunamanta otaq huklaw llaqtayuqkunamanta, kikinmanta wañuq animalta otaq purun animalpa wañuchisqan animalta mikuruspaqa pachankunata taqsakuspanmi bañakunqa, hinaspam tutaykunankama millakuypaq kanqa, chaymantañam chuya kanqa.

Levítico 22:8

Kikillanmanta wañuq animalpa aychantaqa amam mikunqachu nitaq purun animalpa wañuchisqan animalpa aychantapas, chaykunata mikuspanqa millakuypaqmi kanqa. Ñoqaqa Tayta Diosmi kani.

Levítico 7:25

Ñoqa Tayta Diosman kañapuwasqanku ofrenda animalpa wiran mikuqqa llaqtanmanta chinkachisqam kanqa.

Deuteronomio 14:21

Kikillanmanta wañuruq animaltaqa amapunim mikunkichikchu. Chayku-nataqa llaqtaykichikpi yachaq huklaw llaqtayuqkunamanmi mikunanpaq qoy-kunkichik, manachayñataqmi puriqku-naman rantikurunkichik. Señornikichik Tayta Diospaq sapaqchasqa runankunañam qamkunaqa kankichik. Cabra uñataqa amam mamanpa lechenpiqa yanunkichikchu.