Levítico 7:13 - CHUYA QELLQA La Biblia en Quechua de Ayacucho 2012

¹³ Ñoqawan allinlla kasqanmanta graciasta qospa tantakunata ofrecespaqa, levadurayuq tantakunata yapaykuspam ofrecewanqa.

Quechua Ayacucho Bible 1987

¹³ Graciasta qospa ñoqawan allinlla kasqanmanta tortakunata presentaspaqa qonchuyoq tortakunata yapaykuspam presentawanqa.

Chuya Qellqa 1992

¹³ Ñoqawan allinlla kasqanmanta graciasta qospa tantakunata ofrecespaqa, levadurayuq tantakunata yapaykuspam ofrecewanqa.

Levítico 7:13 Iomraidhean Croise

Jeremías 33:11

Chaywanpas ñoqa Tayta Diosmi kaynata nini: Kaypim kaqmanta uyarikunqa runakunapa kusikuymanta qapariyninwan asiyninku chaynataq casarakuqkunapa fiesta ruwasqankupas, uyarikunqataqmi: ¡Tukuy Atiyniyuq Tayta Diosman graciasta qoychik! Payqa allin ruwaqmi, kuyakuyninpas wiña-wiñaypaqmi, nisqankupas. Templomanmi kuyakuy ofrendankuta apamunqaku. Chaynaqa kanqa huklaw nacionkunaman preso apasqakunata kay allpaman kutichimuptiymi, chaynapim ñawpaq watakunapi hinaraq kanqaku. Ñoqa Tayta Diosmi chaynata nini.

Levítico 2:12

Levaduratawan mieltaqa ofrecewankichik punta cosechaykichikmanta ofrendata hinam. Ichaqa amam miskillaña asnariq ofrendata hinaqa altarpiqa kañankichikchu.

Levítico 23:17

Kuyuchisqa ofrendapaqmi wasikichikmanta tawa kilo parten harinamanta levadurawan chapusqa iskay tantata apamunkichik. Chay ofrendam kanqa ñoqa Tayta Diospaq primicia hina.

Levítico 23:18

Tantakunatawan kuskatam huk watayuq qanchis sano carnerokunata apamuwankichik, huk malta torota chaynataq iskay carnerotapas ñoqapaq lliw kañasqa kanankupaq. Chaykunaqa ñoqa Tayta Diospaq miski asnaq kañasqa ofrendam kanqa. Chaykunawan kuskatataqmi kawsaykunamanta ofrendatapas chaynataq vinotapas apamuwankichik.

Amós 4:5

Sapa tutapaytayá levadurayuq tantata kañapuychik, sapa kimsa punchawyá diezmoykichiktapas chayman astaychik, ofrendata apamunankupaqyá tukuy hinastinpi qayaykachakamuychik, aswan mastaraqyá huchallikuychik. Israelpa mirayninkuna, hucha ruwaytam qamkunaqa kuyankichik. Tayta Diosmi chaynata nin.

Mateo 13:33

Jesusmi huk rikchanachiytawan nirqa: Diospa munaychakuyninqa levaduramanmi rikchakun, chay levadurawanmi huk warmi kimsa tupu harinata chapururqa hinaptinmi lliwta poqorachirqa, nispan.

1~Timoteo 4:4

Diospa tukuy ima unanchasqanqa allinmi, chaymi ima mikuytapas mana wischupakunanchikchu, chaytaqa Diosman agradecekuspam chaskikunanchik.