Levítico 6:13 - CHUYA QELLQA La Biblia en Quechua de Ayacucho 2012

¹³ Altarpi ninaqa mana tukuytam rupanqa, amam haykapipas wañunqachu.

Quechua Ayacucho Bible 1987

¹³ Chaynaqa altarpi ninaqa mana tukuytam rupanqa, amam wañurunqachu haykapipas.

Chuya Qellqa 1992

¹³ Altarpi ninaqa mana tukuytam rupanqa, amam haykapipas wañunqachu.

Levítico 6:13 Iomraidhean Croise

Éxodo 29:1

Sacerdotekunata ñoqallapaqña sapaqchaspaykim kaynata ruwanki: Malta torotawan iskay sano carnerokunatam alistanki;

Éxodo 29:2

trigo harinamanta mana levadurayuq tantata hinaspa tortillata, aceitewan untasqa mana levadurayuq galletakunatam ruwanki.

Éxodo 29:40

Chay carnerotawan kuskatam iskay kilo harinata ofrecenki, chay harinataqa aceitunasta chamchaspa hurqosqa aceitewanmi chapunki, hinaspam huk litro vinota tallinki.

Isaías 31:9

Mancharikuymantam manaña kallpayuq rikurinqaku, capitanninkunapas banderankuta saqespam ayqekunqaku, Tayta Diosmi chaynata nin. Paypaqqa Sión moqopim lenwachkaq ninan kachkan. Jerusalén llaqtapiñataqmi hornon kachkan.

Ezequiel 40:46

Kay norte lawman qawaq cuartoñataqmi altarpi llamkaq sacerdotekunapaq. Paykunam sacerdote Sadocpa mirayninkuna, paykunallam Leví castakunamantaqa servinankupaq Tayta Diosman asuykunqaku, nispa.

Levítico 6:12

Altarpi ninaqa amam wañuchisqachu kanqa, aswanqa sapa achikyaytam sacerdote yantata yapanqa, chaypa hawanpim lliw kañana ofrecenanku animaltapas churanqa. Hinaspam ñoqawan allinlla kasqaykichikmanta animalpa wirankunata kañanqa.

Levítico 6:14

Kaymi kawsay ofrendakunamanta yachachikuy: Aaronpa miraynin sacerdotekunam altarman apamuspanku ñoqa Tayta Diosman ofrecewanqaku.

Levítico 6:9

Lliw kañana animalkunamanta, Aarontawan churinkunata kaynata kamachiy: Lliw kañana animalqa tukuy tutam altarpi uchpayanankama rupanqa.

Levítico 9:24

Hinaptinmi Tayta Diospa qayllanmanta lenwachkaq nina lloqsiramurqa, hinaspam lliw kañana animaltawan altarpi wirakunata ruparurqa. Chayta llapallan runakuna qawaykuspankum kusikuymanta qaparispa pampaman pakchakuykurqaku.